1 Enyuma sa myaka ekumi n'ene, nera kuhuba kuya e Yerusalemu ne Barnaba, naye era kureta Tito alauma nanyi kuya e Yerusalemu. ² Na byabaa e nyuma s'ebibonekeresi Ongo anyiwaa kwa nyiye e Yerusalemu. Nera kubabalyikira e mwasi wa Ongo, ola nendee neyilyisa e banya byaa, nera namubalyikira busibu e mwa bala byere kere, ilyi nda bilyitaa kandji ilyi kubilyita busha. ³ Si kweyine, Tito, yi wabaa alauma nanyi, na yi wabaa Muyunani, atemeraa tchiro ne hitcha kwishibwa. ⁴ Nebye, kwa bushi ne benyewe tchu b'ebisha batchiyingisaa kw'ewe mwa kakatchi ketchu, ilyi beba e kubwookala kwetchu tchwete mu Yesu Kristo, mwa nyifindjo sabo sibi s'ekutchubika mwa bukobe. ⁵ Tchiro netchu tchutaberesaa tchiro n'etchishangi tchiuma kutchi bika e masina mabwo, ilyi ekulyi kw'e mwasi mubuya wa Kristo, uba era mwetchu. ⁶ Si kweyine bala bwoshi babaa b'e lukengwa kwa bete etchifumbi; ( babaa balyi byoshi biuma e mwanyi; Ongo ata angilyira e busu bwa mwenye mundju); natetchire oko abwo babaa b'ekutchito nga batanyuhulyiraa kandju. ⁷ Si kweyine, ilyi balola kwa neresibwe e mwasi mubuya emwe ba teshibwaa, nga Paulo emwe beshirwe. ⁸ Kwa bushi oyo wayiraa Paulo kuba muanda w'ebeshi rwe, yi n'oyo wanyiyiraa muanda w'ebateshibwaa ilyi ebatalyi Bayahudi. ⁹ Na ilyi bamenya e lukoo neresibwaa ne Ongo, Yakobo, ne Kefa, ne Yoana bu babaa bete e luke ngwa nga ngulyiro, bera kunyeresa tchuna Barnaba e kuboko kw'e buuma; ilyi tchubano tchu ya e mwe lubaa ilyi e batenere, nabo baye e mwe beshirwe. ¹⁰ Bera kutchubira mwasi muuma weyine, w'ekukengera e bakene ilyi ebatatchialyire nanyi oyo mwasi nera kutchisesa busibu e kuuyira. ¹¹ Si kweyine, ilyi Kyafa ayika e Antikia, nera kuyimana naye busu kwa busu, kwa bushi abaa ashingenene e butchindjibuke. ¹² Kwa bushi n'oko, e muhondo s'ekwisha bandju bauma bauma kutenga e mwa Yakobo, endee alya alauma n'e batemere ilyi b'e lubaa; na, e mango beshire, era kuhubira nyuma ilyi kutchubisha, era kutchibika e butambi, kwa bushi abaa abwoyire e beshirwe. ¹³ Alauma naye, abo Bayahudi bera kutchialula, tchiro ne Barnaba naye era kuhonda kuya mwo obwo bunafiki bwabo, abo batabaa bemere. ¹⁴ Kwa kulola kwa batendee baendea e kushingene ne kushimbana n'e mwasi w'ekulyi, nera kubira Kefa e muhondo sa bwoshi; "Nga woyo u ulyi Muyahudi, ulamire ngokula e batalyi Bayahudi, kwa bushi ne tchiye wendjire wasesa e batalyi Bayahudi kukulyikira e maanure m'e Bayahudi?" ¹⁵ Tchubano, tchulyi Bayahudi bakubutchibwa, si tchutalyi banya byaa alauma n'e batemere. ¹⁶ Kunoko, kumenya kwa, ata kwa biyiro by'e maanure, ku mwenye mundju aandjilyirwe e kuna lyi, si kweyine kwa bwemere mu Yesu Kristo. Tchubano netchu tchwemere mu Yesu Kristo, ilyi tchubona e kuba bashingenene mu Kristo si ata kwa biyiro by'e maanure ma Musa, kwa bushi kutalyi mundju woshi ilyi mubilyi woshi ola uka bona kuba w'e kulyi kwa ndjira y'e maanure. ¹⁷ Si kweyine, tchubeyine mwa kuhonda tchube b'ekulyi mu Yesu Kristo, nga netchu tchwaboneka naa kuba banya byaa, Kristo angabere mukulu w'e byaa? Nanga tchiro ne hitcha ! ¹⁸ Kwa bushi, nga nyingahuba kwibaka ebye nahandaa, awola ilyi nyitchilosise nyeyine kuba eutashingenene. ¹⁹ Kwa bushi, e ndonga s'e maanure ma Ongo kuna filyire e byaa, ilyi nyibonekana nyilamire e mwa Ongo. ²⁰ Natchindjibusibwe alauma ne Kristo, si kweyine nyisene; na tchiro atatchilyi nyono nyi nyisene, si Kristo yi usene mwa nda sanyi; na batcha, e bulamu nyete mwa kakatchi k'e mubilyi, nyibwete mwa bwemere bw'e mwana wa Ongo, yi wanyisimaa era kutchana yeyine e kalamo kaye e ndonga sanyi. ²¹ Ndakabulyire ilyi kualula e lukoo lwa Ongo, kwa bushi, nga ekulyi kwa Ongo kwende kwa bonekana kwa ndjira y'e maanure, ku kuteta Kristo afire busha.