¹ Na batcha, mwere mwaba bashushire Ongo, nga bana bsmwa. ² Na mube bakuenda mwa kusimana; ngoko Kristo naye abasimaa mwabo, na yi watchanaa yeyine era tchulyi, kuteng'e mwa Ongo nga nderekero yekunalyi. ³ E buhungu butamaanyibwaa era mwenyu, ilyi ngasi e singa lyoshi ly'ekutchifindja, ngoko bishingenene e mwe batchesibwa ba Ongo. ⁴ Ilyi myasi y'ehonyi, ilyi myasi y'ekubenga, ilyi bwaka; ebye bitasimisise byoshi; si kweyine mube bandju ba kwan'e mutongo era mwa Ongo. ⁵ Kwa bushi, mumenye kubuya, kwa e muhungu woshi, ilyi mundju w'e singa, ilyi w'enyifindjo sibi, yi wekutchimba e shushanyo, ola ukaba n'emwimo mwa bwami bwa Krist ne Ongo. ⁶ Emundju wo shi atabatebaa n'e myasi yaye yibi yitashingenene; kwa bushi a ndonga seye myasi itashingenene, kw'e bute bwa Ongo bwende bweshira e bana b'e busheresi. ⁷ Batcha, mutakulyikiranaa nabo. ⁸ Kwa bushi, e mango ma mira mwa baa mwisi mya, na batcha, mwera mulyi bulangare mw'ena wetchu. Mwere mwaenda nga bana ba bulangare. ⁹ Kwa bushi, e maree m'e bulangare malyi mwa kakatchi k'e bubuya bwoshi, n'ekulyi. ¹⁰ Mulore rese tchiye tchishingenene e mw'enawetchu. ¹¹ Na mutabaa lushangi n'ebiyiro bita by'ekubuta, by'e mwisimya, si mubikalyiyire. ¹² Kwa bushi, silyi honyi e kushambala ebye bendjire bayira kw'ewe. ¹³ Kwa bushi, byoshi bilayisibwe, byende bya bonekana mwa bulangare, kwa bushi bira byoshi byende bya bonekana bulyi bulangare. ¹⁴ Na kwa bushi n'oko ku bitetchirwe: Suka, woyo u wasi ndaana, ufuke mwa bafu, ne Kristo anga kulomeke ra. ¹⁵ Na batcha, muloreresae kute mwendjire mwaenda. Ata nga bandju batete bwenge, si nga bet'e bwenge; ¹⁶ mube bandju bakulwira e kashangi kwa bushi mano mango tchulyi mwo, malyi ma byaa. ¹⁷ Na kwa bushi n'oko, muta tchibaa bawindja, si mumenyerere tchiye tchilyi kuhonda kw'enawetchu Yesu. ¹⁸ Kandji, mutabaa ba kulaluka n'emafu; mu mulyi e bubi ( e buhungu ), si mwihusibwe muka; ¹⁹ mube bakuanyira kwa nanga, ne nyimbo s'e mutchima, na batcha mube ba kwimba n'ekushaa lukira enawetchu mwa mitchima yenyu.; ²⁰ n'ekumutonga Ongo tata e siku soshi, ku byoshi, mwa kakatchi k'e sina ly'enawetchu Yesu Kristo. ²¹ Mube mukengenene mubeyine ku mubeyine mwa kumwobowa Kristo. ²² Mu bakasi, mukenge e balume benyu nga kumakenga enawetchu. ²³ Kwa bushi, e mulume ly'etchwe lya mukaye, ngoko Kristo naye ly'etchwe ly'e kanisa, na yi mutchungusi w'e mubi lyi, na y'enawetchu. ²⁴ Na ngoko e kanisa kaba kamukengire Kristo, e bakasi nabo kunoko babe bakengire e balume babo na mu byoshi. ²⁵ Mu balume, musime e bakasi benyu, ngoko Kristo asimaa e kanisa, na era kutchana yeyine e ndonga sako; ²⁶ ilyi aala e kukatchesa n'ekuka huka kwa meshi mwa kakatchi k'e mwasi; ²⁷ ilyi aala e kutchiretera e kanisa katchere, katet'e singa, ilyi bubi bushushene n'ebye, si kabe katchere, katete kutakirwa. ²⁸ Na a ndonga soko, ku e balume bashinge nene basime e bakasi babo, nga mibilyi yabo beyi ne. Ola usimire mukaye atchisimire yeyine. ²⁹ Kwa bushi, kutalyi ola unga aya e mubilyi waye; si ende aulyisa n'eku uyira kubuya, ngoko Kristo naye ende akorera e kanisa. ³⁰ Kwa bushi, tchuboshi tchulyi bitera by'e mubilyi waye. ³¹ Na kwa batcha, e mulume akareka eshe ne nyina, na akatchihwekera ku mukaye, na bwombi bakaba mubilyi muuma. ³² Ely'ewe lyilyi lyine ne; si nyono nyitetchir'ebye kwa bushi ne Kristo n'e kanisa. ³³ Kwa bindji, ngasi muuma wenyu asime mukaye nga yeyine, na e mukasi atayinaa e kumukenga e ba waye.