¹ Mu bana, mukenge e basere benyu, ngoko bishingenene mw'enawetchu Yesu, kwa bushi okola kukulyi. ² Ukenge eho ne nyoko, lyine e teeko lyi liytanzi na ly'etchiraane. ³ Ilyi uba n'erayi, na ulame siku singi mwa butala. ⁴ Nenyu, mu basere, mutakunzaa e bana benyu, si mubarere ilyi mubarembere mwa bukenge na ebishingenene emw'enawetchu Yesu. ⁵ Mu bakobe, mukenge abo balyi b'enawenyu mwa mubilyi, mwa boba n'eku kukumana, mwa burembu bw'e mutchima, nga kumukenga Kristo. ⁶ Ata kwa bukobe bw'e meho mbanga, nga ba kutchisimisa era mwa benye mundju, si nga bakobe ba Kristo, mube bakuyira e bimusimisise Ongo kwa mutchima. ⁷ Mubakorere kwa nyifindjo sibuya, nga kumukorera enawetchu, si ata mwenye mundju. ⁸ Mube mumenyire kwa ngasi mwasi mubuya ola e mundju woshi akayira, kunoko kunoko kw'akeresibwa n'enawetchu, abe mukobe ilyi ubwookere. ⁹ Nenyu mu mutambure e bakobe, kumuna bakoreraa, mureke e kubwoboya, mube mumenyi re kwa enawabo yina enawenyu alyi e mbingu, na e mweye italyi kusima kwa lubero. ¹⁰ Kwa bindji, mube muselyire mw'enawetchu, na mwa kakatchi k'e buashe n'e misi yaye. ¹¹ Mwimbala e mbenzi soshi sa Ongo, ilyi muala eku lwisa enyifindjo sibi sa shetani. ¹² Kwa bushi, e kuyimana kwetchu kutalyi kw'e mubilyi ilyi e mikira, si e ndonga s'e mami n'e bua she bubi, e ndonga s'e bakulu b'emwisimya, e ndo nga s'e buashe bw'e mbusi sibi mwa kakatchi k'e butala bw'e mutchima. ¹³ Na kwa bushi n'oko, mutole e mbenzi soshi sa Ongo, ilyi muala e kwi manga e siku sibi, na mango mungaba mwayikilyi sise byoshi, mwimange. ¹⁴ Mube muselyire, mwimange, muhweke e kunalyi mwa mbindji senyu nga mukaba, n'ekwi mbala ehungwe ly'ekulyi mwa bifuba byenyu. ¹⁵ Kwa maulu menyu, mwimbale e mwasi mubuya w'e karembe nga birato, kwa kwiyilyisa oyo mwasi mwa bwolo. 6 E ndonga sa byoshi, mutole e mbenzi y'e bwemere, kurengera eye mbenzi, ilyi mual'ekusimya e myambi yoshi y'e mu lyiro y'e muhombanyi. ¹⁷ Kandji, mutole e nzita y'e butchunguke, n'e kamba ilyi e bupanga bw'e mutcma ( mweru ), yi ulyi mwasi wa Ongo. ¹⁸ Ngasi kashangi, mube bandju bakwema, na ekusengera e mwa Ongo. mu lame mwoko n'ekuba n'emulangalyiro, n'ekweme ra e batchesibwa bwoshi ba Ongo. ¹⁹ Munyemere nanyi, e mango nabwoola e bunu, nyeresibwe e buashe nyiyilyise ewe ly'emwa si mubuya wa Ongo. ²⁰ Andonga s'oyo mwasi yi nyilyi muhweke; ilyi nyibona e buashe bw'eku shambala oyo mwasi ngoko nyiterene e kuusha mbala. ²¹ Ilyi nenyu, mumenye e binyerekere, ebye ne ndjire nayira, Tikiko, mwenye wetchu musimwa mukosi mwemeresi w'ekunalyi mw'enawetchu, yi ungababira byoshi. ²² Nyimutchumire fuba e mwenyu, ilyi mual'ekumenya e myasi yetchu, na abashishilyise e mitchima yenyu. ²³ E bwolo n'ebusime alauma n'e bwemere, bi be era mwenyu benyewetchu, kutenga e mwa Ongo tata n'emwenawetchu Yesu Kristo. ²⁴ E lukoo lube alauma na bwoshi basimire enawe tchu Yesu Kristo kwa busime buta bwekusherera.