¹ Na batcha, nyibemire nyono nyilyi muhweke mwa kakatchi k'enawetchu Yesu, kwa mube ba kuenda e kushingenene mwa kubalangirwa kwe nyu mwa balangilyirwaa. ² Kwa bulonvu bwo shi ne burembu, mwa kubabalyira, mube ba kuta balana mwa kusimana. ³ Mube ba kutchisesa mwa kuba n'ebuuma n'ekuba alauma mwa bwolo. ⁴ Kulyi mubilyi muuma na muka wa Ongo muuma, ngoko mwanabalangirwaa mwa mulanga lyiro muuma na bwemeresi buuma. ⁵ Kulyi ena wetchu muuma, bwemere buuma, na bubatiso buuma. ⁶ Ongo muuma na y'eshe wa boshi. Yi ulyi endonga sa byoshi, na mwa kakatchi ka byoshi, na mu byoshi. ⁷ Ongo mwa bubuya bwaye, eresise ngasi muu ma wetchu e lukoo kwa kuhonda kwa Kristo. ⁸ Tchi tchitchumire byandjikirwe: Ilyi eruka endonga, era kuboola e bahweke. Na erakweresa benye mundju e nyembo. ⁹ Na kukuteta kute, ono mwasi; Erukaa endonga, nga kutalyi kuteta kwa andaalaa e masi na busibu m'etchitaka? ¹⁰ Oyo wandaalaa, yi n'oyo w'erukaa e ndonga s'embingu soshi, ilyi ehu sa ngasi katchu. ¹¹ Na era kuyira bauma kuba ndjumwa, e bandji kuba barebi, e bandji kuba beyilyisa, e bandji kuba bemangisi na bakulukulu. ¹² Kwa kuhonda aba yikilyise e batchesibwabaye, ilyi e mukolo w'ewe lya Ongo uyikilyira n'emubilyi wa Kristo wibakwe. ¹³ Na kuyika tchuboshi tchuyikilyira e buuma mwa bwemere, na ilyi tchuala ekumenyerera e mwana wa Ongo, oko alyi mundju ushingenene, tchiro n'ekuyika kwa luero lw'e tchifumbi tch'ekuyi kilyisibwa kwa Kristo. ¹⁴ Ilyi tchutatchibaa bana batoto, b'ekukabulwa ene n'ene, n'ekwekibwa ne mbusi ya ngasi bwemere, kwa nyifindjo sibi ilyi kutebibwa ne bandju, kwa bubi bwabo, ilyi kukulyikira e ndjira sabo s'ebutebanyi. ¹⁵ Si, tchwiyilyise ekunalyi mwa kakatci k'e busime, na ilyi tchukula n'ekuyiki lyira mwa kakatchi kaye, yi ulyi etchwe, Kristo. 6 Muye, mw'emubilyi woshi ulunganyisibwe, n'e kuba alauma kwa mulungano wa ngasi tchitera, ngoko ngasi bukoresi bwa ngasi tchiuma, na eku kusa e mubilyi woshi, ilyi uala e kutchibaka weyine mwa masimane. ¹⁷ Na btcha, lolaa tchiye nyitetchire na tchiye nyemire mw'enawetchu, kwa mutatchiendaa nga batemere ilyi bapagani, bu bende baenda ngoko e ndanya sabo sibabilyire. ¹⁸ Bete endanya silyi mw'emwisimya. Balyi burerere n'ekalamwo ka Ongo, kwa bushi n'ebuwindja bubalyi mwo, na e busibu bw'emitchima yabo. ¹⁹ Na mwa kuba bateresise e mbusha y'emwasi wa Ongo, bera ku tchibika mwa bubi, ilyi baala ekuyira ngasi bubi mwa kutchifindja e bitashinganene. ²⁰ Si mwabo, ata batcha ku mweyilyisibwaa Kristo. ²¹ Nga mwamunvaa, na ekushimbana n'ekunalyi kulyi mu Yesu, muye mu mweyilyisibwe ekutchikula kw'ebubi bwoshi. ²² Mutenze, kushimbana n'ekalamwo kenyu katanzi, e mundju wa mira, usherere kwa kukulyiikra e nyifindjo sibi s'ekutebibwa. ²³ Ilyi muba bayaya mwa mieranya y'enyifindjo senyu. ²⁴ Na mwimbale e mundju muyaya, u bumbirwe ne Ongo kwa kulyi kwaye. Na ekutche sibwa kushingenene mwa masimane ma Ongo. ²⁵ Na batcha, mutchanze kwa bisha byoshi, na ngasi muuma wenyu atete e bishingenene era mwa mulyikabo; kwa bushi mu Ongo tata tchubo shi tchulyi bitera, tchiuma kwa tchindji. ²⁶ Ilyi mungaba n'e bute; mutayiraa e tchaa; e suba yita andaalaa mutchilyi n'obo bute. ²⁷ Na mutere saa e muhombanyi e nyira. ²⁸ Ola wendee weba, ata tchibaa; si atchisese ayire e mukolo, ayire kwa maboko maye e bibuya, ilyi abona tchiye angeresa ola ulyi mwa kutchifi ndja ilyi kutchanyira. ²⁹ Mwa bunu bwenyu mutatengaa ngasi mwasi mubi utashingenene, si, ngasi mwasi muubya, ushingenene na wekureta e bwolo era mwa ngasi wa munva. ³⁰ Na muta muayisaa muka mweru wa Ongo, bushi kuye ku mwabikirwe kw'etchimereso kuyika e lusiku lw'e kwisha kwaye. ³¹ E malumwa mwoshi, n'ebutchindjibuse, n'e bute, n'elwayo, n'e ngambo bitonvikanaa era mwe nyu; alauma na ngasi lubero lwa bubi. ³² Na mube babuya ily bakushishilyisanya bauma kwa bandji, bandju ba bwondjo, mube ba kubabalyira na ngoko Ongo naye mu Kristo aba babalyire.