¹ Kwa bushi n'oko, nyono Paulo, nyilyi muhwekwa wa Kristo Yesu era mwenyu mu mutemere. ² Tchiro, nga mwonvaa kute lulyi lungana e lukoo lwa Ongo, olo neresibwe e ndo nga senyu. ³ Kulyi kwa bibonekeresi ku neresibwe kuno kumenya lyin'ewe, endonga salye nandjikire ene myasi yieke. ⁴ Mwa kuyisoma, mwanamenya e bwenge bwa nyete kw'ewe lya Kristo. ⁵ Biterekibwa kwa bana b'ebandju mwa bindji bibu tchi, ngoko byerekibwa batcha ku muka mweru emwe baanda n'ebarebi ba Kristo babalangirwaa kukorera Ongo. ⁶ Ely'ewe, lyilyitchumire e bapagani nabo baba b'ekwima, e mwimo wa Ongo, na bera balyi ba mubilyi muuma, na bera balyi lushangi kw'etche tchiraane tchiuma mu Yesu Kristo kwa mwasi mubuya. ⁷ Endonga s'oyo mwasi yi nayirwaa kwo mukulu kwa buashe bw'elukoo lwa Ongo, olo neresibwaa kurengera e misi ilyi buashe bwaye. ⁸ Nyono, nyi nyilyi mueke kwa batchesibwa bwoshi, luno lukoo neresibwaa lwo ilyi nyishamba la e mwe bapagani e buare butangamenyekana bwa Kristo. ⁹ Na ilyi nyibika mwa bulangare lyin'ewe lya Ongo lyabaa lyibishirwe, mw'ebye bishangi byoshi mu Ongo yi waremaa e bindju byoshi. ¹⁰ Ilyi ebutambusi bwoshi n'ebukulu bw'e andju atchere mwa mbingu bamenye kulwarero kurenge ra e kanisa e bwenge butangawa bwa Ongo. ¹¹ Ngoko e tchiraane tc'e siku soshi tchabikibwaa e kuyikilyisibwa ne Yesu Kristo e nawetchu. ¹² Muye mu tchwete, mwa bwemere muye, e buahe bw'ekumusheerera Ongo n'emulangalyiro. ¹³ Na batcha, nyibemire mutaesaa e misi e ndonga s'emalyibuko manyi kwa bushi nenyu; oko kulyibuka kwanyi yi ngulu yenyu. ¹⁴ Kwa bushi n'ebye, nyikomire e mafi e muhondo sa tata Ongo. ¹⁵ Muye mu ngasi mulala u kulyire e sina yaye era mbingu n'omwo butala. ¹⁶ Ilyi aberesa, kurengera e buare bw'engulu yaye, babona ekusera busibu kwa muka mweru waye mwa mundju w'omo nda. ¹⁷ Ilyi Kristo ekala mwa mitchima yenyu kwa bwemere; ilyi muba mwete e misi n'ekusera mwa masimane. ¹⁸ Ilyi muala e kumenya alauma n'ebandji batchesibwa, kute bulyi bungana; e bunene, e bure, e bwofi; ¹⁹ e busime bwa Kristo, burengire ilyi butchirukire e bwenge bwo shi, ilyi mwihusibwa n'ebuashe bwoshi bwa Ongo. ²⁰ Na batcha, era mwola ungayira, kwa buashe bwakola mu tchubano, kwa kutangayika e businda e ndonga s'ebye tchwende tchwem,. ²¹ Era mwaye yibe e ngulu mwa kanisa na mu Yesu Kristo, mwa birongo byoshi, kwa myaka n'e myaka! Amen!.