¹ Nenyu mwa baa bafire kwa bushi n'e mabi, n'e byaa byenyu; ² ebye mwayiraa mira mira kwa kukulyikira e bilyi byo buno butala, na e kumuku lyikira e mwami w'e buashe bw'e mbusi, oyo mutchima mubi wende wayira e mukolo busibu mwa bana b'e bubi; ³ abola, bu mira mira, tchu boshi netchu tchwaenda alauma nabo, mwa nyifi ndjo sibi s'e mibilyi yetchu, e mango tchwende tchwayikilyisa e kuhonda kw'e mubilyi, tchwera kuba nga bana ba bute ngoko nabo balyi. ⁴ Si kweyine Ongo, kwa bushi alyi mwingi w'e mababalyire, kwa masimane maye manene atchusimaa; ⁵ tchiro amo mango tchwabaa ba fu kwa bushi n'e mabi metchu; era kutchufula ala uma ne Kristo; ku kuteta: Tchwatchukire kwa lukoo, kwa ndjira y'e bwemere. ⁶ Era kutchufula alauma naye, era kutchwikasa alauma naye mwa butala bw'e mutchima, mwa kakatchi ka Kristo Yesu; ⁷ ilyi mwamo mango mesha, ayikilyise e bwingi ilyi bunene bw'e lukoo lwaye burengire e tchirenga kwa bubuya bwaye e mwetchu tchuba no mu Kristo Yesu. ⁸ Kwa bushi tchwatchungukire kwa lukoo kwa ndjira y'e bwemere, okola kutatenganaa n'e bulamu bwenyu, lulyi lwembo lwa Ongo. ⁹ Ata kwa biyiro, ilyi kutabaa e mundju woshi ola unga tchikusa ilyi kutchitonga; ¹⁰ kwa bushi tchulyi mukolo waye, tchwaremirwe mwa kakatchi ka Kristo Yesu, ilyi tchukola e biyiro bibuya, bi biyiro kutengera mira Ongo abibikunganyaa ilyi tchuenda mubye. ¹¹ Kwa bushi n'ebye, mukengere kwa e mango ma mira nenyu, mu mulyi bandju b'e lubaa kwa ndjira y'e mubilyi, mu mwendee mwa balangirwa bateshibwaa, bendee babalangirwa beshirwe, ku kwishibwa kw'e mubilyi kwa yilyikanaa n'e mabo ko; ¹² mumenye oko amo mango mutabaa mwete Kristo, mwera kuberukana n'e mulala w'e Israeli, baenyi batabaa betche tchiraane. Mutabaa mwete mulangalyiro, mutanabaa mwete Ongo mwa butala. ¹³ Si kweyine batcha, mwa kakatchi ka Kristo Yesu, mwabo mu mwabaa mulyi bure, mwera mulyi ofi kwa mikira ya Kristo. ¹⁴ Kwa bushi yi ulyi bwolo bwetchu, yi watchuyiraa tchuboshi tchwabaa tchulyi babilyi kuba muuma, era kuhanda e tchitchumba tch'e kakatchi tchabaa tchitchulyikanusise. ¹⁵ Naye ilyi aba era akulaa obwo buhombanyi kwa mubilyi waye; yi ulyi mwaso w'eyano ly'e maanure; ilyi ayira abo babilyi kuba mundju muyaya muuma mwa nda saye, era kureta e bwolo. ¹⁶ Era kuba buanyanya abo babilyi ne Ongo mwa kakatchi k'e mubilyi muuma, kwa ndjira y'etchimanyi ( ilyi musalaba ), ilyi aba era etaa obwo buhombanyi kwa ndjira y'e musala ba. ¹⁷ Era kwisha era kwiyisa e bwolo era mwenyu muboshi mwabaa bure, n'e bwolo era mwa bala bwoshi babaa balyi ofi. ¹⁸ Kwa bushi, kurenge ra kuye ku tchubwoshi tchwabwen'e ndjira y'e kuyi ka ofi ne Ongo tata mwa kakatchi k'e mutchima muuma. ¹⁹ Na batcha, kutengera kulwarero, mwabo mutatchilyi baenyi ilyi barenga ndjira, si mwabo mwera mulyi bauma alauma n'e batchesibwa, ba ndju bwomo nyumba ya Ongo. ²⁰ Mwera mwi bakirwe kwa bibandja by'e ndjumwa n'e barebi, ne Kristo Yesu yeyine yi ulyi e koyi lyinene ly'emusike ( ly'etchitchumba ). ²¹ Muye, e mwibako waye woshi wimangire, n'ekwikala e kushinganene, ilyi lyiba kanisa katcheremwa kakatchi k'enawetchu. ²² Mwa kakatchi kaye mu mwabo nenyu mwibakirwe alauma ilyi andju Ongo akaala mwo mwa kakatchi k'e mutchima.