¹ Paulo, ndjumwa ya Yesu Kristo, kwa kuhonda kwa Ongo; era mw'ebatchesibwa balyi e[ Efeso ] bamwemere Kristo Yesu. ² E lukoo lube era mwenyu n'e bwolo kutenga e mwa Ongo tata wetchu n'era mw'enawetchu Yesu Kristo. ³ Akusibwa Ongo, eshe w,enawetchu Yesu Kristo, yi watchugishaa kwa migisho yoshi y'e mu tchima, mwa kakatchi k'e butala bw'e mutchima, mwanda sa Kristo. ⁴ Ngoko amuhombolaa e muhondo s'ekubikwa e bibandja by'e butala, ilyi tchuba batchesibwa, bandju batete butchindjibu se e muhondo saye mwa masimane. ⁵ Kwa bushi yi watangiraa kutchuhola, ilyi tchuyirwa bana baye kwa ndjira ya Yesu Kristo, ngokula e kuhonda kw'ekusima kwaye. ⁶ Na batcha, butongibwe obwo bukuse bw'elukoo lwaye, olo lukoo atchweresise mwa kakatchi k'oyo musimwa waye. ⁷ Mwoyo yi noyo, kwa mikira yaye, mu tchwete e butchunguke bwetchu, e kubabalyirwa kw'e byaa ngoko e bwingi ilyi bunene bw'e lukoo lwaye. ⁸ Naye era kutchuyilyira olo lukoo lunene mwa kaka tchi k'e bwenge n''ekumenya. ⁹ Na ilyi aba era atchumenyesaa ewe ly'e masi mane maye, ngoko e bwolo bwaye bunalyi, obwo akunganyaa mu yeyine. ¹⁰ Ku kureta, e buashe bw'ekashangi kalyingemene, kaka bika byoshi alauma mwa kakatchi ka Kristo, e bindju by'omo mbingu n'e b'omo butala. Na mwoyo yi n'oyo. ¹¹ Na mwanda saye mu tchuboshi tchwayi lyirwe mwimo, na batcha tchwera tchuhomborwe kutengera mira mira, ngoko yeyine ahondaa, yi we nde wayira byoshi kwa lwango lw'e masme maye. ¹² Na netchu, muye tchuale kuba mutongo w'e bukuse bwaye, tchu tchwatangiraa kumubikira Kristo e mulangalyiro wetchu. ¹³ Nenyu mw'oyo yi noyo, mwera munvire e mwasi w'e kunalyi, e myasi yibuya y'e butchungu ke bwenyu, na kandji mwera mumwere, n'ekubi kwa kw'e kamenyereso kwa muka mweru waye w'etchiraane tchitchere. ¹⁴ Yi ulyi lwembo lw'e mwimo wetchu, ilyi areta e butchunguke bw'e kwi ma kwaye, kwa mutongo w'e bukuse bwaye. ¹⁵ Kwa bushi n'oko, nyono nanyi, kutengera nonva e myasi y'ebwemere bwenyu mwa kakatchi k'enawetchu Yesu, n'e masimane menyu era mw'e batchesibwa bwoshi; ¹⁶ ndarekir'ekwana e mu tongo e ndonga senyu; na nendjire nabakengera kwa memi manyi. ¹⁷ Ongo w'enawetchu Yesu Kristo, tata w'e bua she, aberese e mutchima w'ebwenge na w'ebibo nekeresi mwa kumumenya; ¹⁸ e meho m'emi tchima yenyu mabikwe mw'e bulangare, ilyi mumenya e mulangalyiro w'ekubalangira kwaye kute ulyi, n'e buare bw'e buashe bw'e bukuse bw'e mwimo waye mwa batchesibwa kute bulyi. ¹⁹ N'e bubuya bw'e bukulu bw'e buashe bwaye mwa nda setchu, tchu tchwemere kute bulyi; ngoko e mikoresi y'e misi y'e buashe bwaye; ²⁰ ebye akolaa mu Kristo ilyi amufula mwa bafu, era kumubika mwa kuboko kwaye kw'e kulyo mwa butala bw'e mutchima; ²¹ era ndonga busibu kulusha e mami mwoshi, n'e buashe, n'e misi, n'e bukulu, na ngasi e sina lyatetchirwe, tchiro ata mwo buno butala bweyine, si m'omo obwo bunge sha. ²² Era kubika e bindju byoshi e masina s'e maulu maye, era kumubika abe etchwe e ndonga as byoshi kwa bushi ne kanisa; na ako kanisa; ²³ U ulyi mubilyi waye, kutchesibwa kwaye, oyo utchere mwa kakatchi ka byoshi na ku byoshi.