Chigabi 39

1 Haguma n'emyenda edukwire nka nzima nzimaa, n'edukwire eri nka mweru n'echitani, ajira emishangi aho kukolera emirimo y'obuchese, n'emishangi echesibwe ya Haruni, nk'oku Nyamuzinda alirhegekere Musa. 2 Ajira Efodi y'ehoro, omugozi gudukwire nka nzima nzima, edukwire nka mweru, n'echitani chigeke-geke. 3 Alambiza ebibambarhiza by'ehoro, n'oku bichagulanga nka migozi, n'oku birhabikako kw'emyenda eri nka nzima edukwire, n'eri nka mweru gudukwire n'echitani chigeke- geke, gwaliri mirimo ekolere n'omunyabwenge. 4 Ajira ebirhugo byashweka, n'oku ntyo yashweka enyunda ebiri zage. 5 Omukaba gwali kuguma n'emirimo y'Efodi n'okushwekera okuye gwaliri gwa horo, edukwire nka nzima nzima, edukwire nka mweru echitani chigeke-geke nk'oku Nyamuzinda arhegekaga Musa. 6 Azungulusa nka mukaba gw'ehoro n'amabale ge Onisi, okugo bayandika kw'amazino ga bene Israeli, nka kulala bayandika oku chiziriko. 7 Aheba oku birhugo bya Efodi k'okuyibuka bene Israeli, nka kulala Nyamuzinda arhegekaga Musa. 8 Ajira oku chifuba, bwenge bukolere, kuguma n'emirimo nka Efodi edukwire nka nzima nzima, eddukwire nka mweru, chitani chigeke-geke. 9 Yali ya nyund'ene zinganangana; oku lehuka kwage koro liguma, yali kabiri. 10 Alukirako mikololo ene y'amabale: Omukolo gwa mbere, Saridwane, topazi nguma emerodi nguma; 11 Omukologwa kabiri, esikaribusi nguma, Safiri nguma n'ediyama; 12 Omukolo gwa kasharhu; Opali nguma agati nguma, ametisiti nguma; 13 Omukolo gwa kane Krisoliti nguma Onisi nguma, Jasipi nguma, agola mabale baligahangireko kw'amahoro gabo. 14 Aliherhe ekumi na bibiri bwa bene Israeli, baliyandikire nka chiziriko, ngasi muguma n'ezino lyage, liguma mobo buko ekumi na bubiri. 15 Ajira emigufu y'ehoro yonine elukirwe nka migozi. 16 Ajira eri nka mikaba ebiri y'ehoro na rhugondozo rhubiri rhw'ehoro arhuheba oku misike sike ebiri y'echifuba. 17 Anageza migozi ebiri y'ehoro omu rhugondozo rhubiri oku misike sike y'echifuba. 18 Anayumanza embere oku buzinda migozi ebiri oku mikaba eri nka mikaba ebiri barhabikire oku birhugo bya Efodi. 19 Anajira kandi rhugondozo rhubiri rhw'ehoro barhabikire oku misike sike yombi oku chifuba oku mihiro yamo oku lunda lw'Efodi. 20 Ajira orhwindi rhugondozo rhubiri rhw'ehoro, arhuheba eshishi we birhugo bibiri bya Efodi embere hofi ahabashinganyanya enyanya y'omukaba gwa Efodi. 21 Bashweka oku chifuba rhugondozo rhwa Efodi haguma n'omugozi gudukwire nka nzima nzima, buzinda echifuba chaba enyanya y'omukaba gwa Efodi gurhakalekana n'Efodi nk'oku Nyamuzinda arhegekaga Musa. 22 Ajira echishuli che Efodi balukira hofi oku mushangi gudukwire nka nzima nzima. 23 Omu charagati ch'echishuli haliri aha kuchingula nka okla wachingula; chirhule chisukirwe yichirhagenda chabereka. 24 Aheba oku mihiro y'echishuli ebya baraganya bidukwire nka nzima nzima, n'ebidukwire nka mweru n'echitani chigeke-geke: 25 Ajira orhudende amango g'okugeza emihiro oku chishuli barhavazize. 26 Anajira ehidende higuma na chiberekeza chiguma, hidende higuma na chiberekeza chiguma amango g'okugeza emihiro oku chishuli oku mirimo nka kulala Nyamuzinda arhegekaga Musa. 27 Ajira amalopo makwirire rhwa Haruni n'abana bage. 28 Bajira esapo, z'okurhabala, n'orhubutura bakolesa. 29 Bajira omu kaba gusukirwe gwa baraganya gudukwire nka nzima nzima, gudukwire nka mweru mweru chitani chigeke geke nk'oku Nyamuzinda alirhegekere Musa. 30 Ajira ehoro ly'echuma, n'esapo echesezwe, ayiyandikako nka kula babeja akahamirizo. Oku chesibwa kwa Nyamuzinda. 31 Ashweka haguma n'omugozi gudukwire nka nzima nzia enyanya nk'oku Nyamuzinda arhegekaga Musa. 32 Na ntyo emirimo yoshi yahwa, bene Israeli bajira byoshi nk'oku Nyamuzinda arhegekaga Musa; Ntyo kubajirire. 33 Balerhera Musa; ebikiro ye chihandiro ch'ehano, na byoshi bililolere eshwekezo z'esinga, embaho, emilambaliko, enkingi, n'ebikondo. 34 Echifuko ch'oluhu lw'echibuzi ludukwire nka shagama, echifuko ch'oluhu lwe chihogon'omwenda gw'omu nju g'okugaba. 35 Endagano y'okumiriza, emilambaliko, nechifuko. 36 Engooko ebikoleso byoshi n'emigati y'okurhekera. 37 Olwenge lw'ehoro barhavangire amatara gagwo, amatara barheganyize, orhukoleso rhoshi, n'amavurha g'oku lwenge. 38 Oluherero lw'ehoro, amavvurha g'okuchishiga, amalashi g'okubaya bwinja, omushangi gw'olunvi lw'echihandiro. 39 Oluheherero lw'omulinga, esinga z'omulinga gwalo, emilambaliko yalo, orhukoleso rhwayo yoshi, n'omukenzi haguma n'ebikondo byalo. 40 Emyengezi y'olugurhu, enkingi zage, emilambaliko yage, n'omushangi gw'olunvi lw'olugurhu, emigozi yage, esimikiro zage, n'orhukoleso rhoshi rhw'emirimo y'ebikiro y'echihandiro ch'ehano. 41 emishangi aha bayandikira hachesezwe emishangi echesezwe y'omudahwa Haruni, emishangi y'abagala bage y'okukolera aha baherera. 42 Abana be Israeli bajira emirimo yoshi nk'oku Nyamuzinda alirhegekere Musa. 43 Musa ahenguza, alolereza, emirimo yoshi abona oku bajirire kulala Nyamuzinda arhegekaga nkon'oko, na Musa abagisha.