1 Nyamuzinda ashambala na Musa amu bwira, olusiku lwambere n'omwezi gwambere, 2 nji wayumanza ebikiro omu chihandiro ch'ehano. 3 Nji warhabika obwarho bw'oku hamiriza, nji washukira n'omushangi. 4 Nji walerha engooko nj'onagarhabike oku bikwanene, nji walerha olwenge, nji wanahebakw'amatara. 5 Nji waheba oluherero lw'ehoro embere z'omukenzi g'okuhamiriza, nji wana manika omushangi oku lunvi lw'ebikiro. 6 Nji warhabika pluherero lw'okuhererako embere z'olunvi lw'ebikiro ly'echihandiro ch'ehano. 7 Nji warhabika omu charagati ch'omukenzi n'omu chihandiro ch'ehano n'oluherero, nji wanagenda waheba mwa menji. 8 Nji wayumanza olugurhu oku burhambi rhambi wanahanika omushangi oku lunvi lw'olugurhu. 9 Nji warhola amavurha g'oku chishiga nji wana mashiga oku bikiro, n'oku ngasi hyoshi hilimo y'ebikoleso njo hicheze; nji bibe bichesibwa. 10 Nji washiga oluherero lw'embagwa n'ebikoleso byage byoshi, njo ches'oluherero, nji lwanaba luchesibwa. 11 Nji washiga omukenzi haguma n'ebikondo nji obichese, nji byanaba bichesibwa. 12 Nji walerha Haruni n'abagala bage aha wa lunvi lw'echihandiro ch'ehano, n'okubashuka n'amenji, 13 nji wayambisa Haruni emishangi echesezwe, n'okuyishiga, oyigishe y'ekola oku mirimo ya kuhererako. 14 Abagala nabo obalerhe obayambise amalopo. 15 Nji wabagisha nka kulala washigaga eshe yi bakola emirimo yani y'oluherero. 16 Musa ajira oku Nyamuzinda ali murhegekere byaba ntyo. 17 Omu lusiku lurhanzi lw'omwezi gwa Gurhanzi mwaka gwa kabiri ebikiro yayumanga, yayunjula. 18 Musa abumba ebikiro, ashimika ebikondo, arhabikw'embaho, emilambaliko, ayumanza n'enkingi. 19 Alambika ehema oku bikiro, aheba echifuko ehema enyanya, nk'oku Nyamuzinda arhegekaga Musa. 20 Arhola endagano, ayiheba omu mukenzi, aheba emilambaliko oku mukenzi arhabika echifuko enyanya y'omukenzi. 21 Alerha omu mukenzi omu bikiro, aheba kw'omushangi g'okugaba, ashukira omukenzi gw'endagano, nk'oku Nyamuzinda arhegekaga Musa. 22 Aheba Olwibo omu chihandiro ch'ehano, ewa lunda lw'amalembe lw'ebikiro, aha mbuga emusikesike gw'omushangi. 23 Oku kulikiranya emigati, embere za Nyamuzinda; nk'oku Nyamuznda arhegekaga Musa. 24 Arhabika olwenge omu chihandiro ch'ehano, emalang'embere gw'olwibo ewa lunda lw'amalyo lw'ebikiro; 25 Ana kulikirany'amatara embere za Nyamuzinda, nk'oku Nyamuzinda arhegekaga Musa. 26 Anaheba oluherero lw'ehoro omu chihandiro ch'ehano, embere z'omushangi. 27 Ana yosa amalashi g'akabayo nk'oku Nyamuzinda arhegekaga Musa. 28 Anaheba omushangi aha lunvi lw'ebikiro. 29 Anaheba oluherero lw'embago aha lunvi lw'ebikiro omu chihandiro ch'ehano. N'okurhula enterekero z'embagwa, nk'oku Nyamuzinda arhegekaga Musa. 30 Anaheba omukenzi omu charagati ch'echihandiro ch'ehano n'oluherero n'okuheba mw'amenji g'oku kalaba. 31 Musa, na Haruni n'abagala babo, balema bakalaba efune n'amagulu. 32 Amango bamaja omu chihandiro ch'ehano, bashegerera oluherero banakalaba nk'oku Nyamuzinda arhegekaga Musa. 33 Anayumbaka olugurhu oku musikesike gwe Bikiro n'oluherero, anaheba omushangi g'oku lunvi l'olugurhu, anajira ntyo Musa anamala emirimo. 34 Oku handi olwakungu lwashukira echihandiro ch'ehano n'obukuze bwa Nyamuzinda bwayunjula e Bikiro. 35 Musa arhachijaga omu chihandiro ch'ehano bulala olwakungu luli enyanya n'obukuze bwa Nyamuzinda bwa yunjwire e Bikiro. 36 Omu kulambagira kwabo bamalaga: abana be Israeli bagenda eri lwakungu lwamarhenga enyanya we Bikiro. 37 N'amango lwakungu lurharhengere, barhagenda, kuhika hano lurhenga. 38 Olwakungu lwa Nyamuzinda lwaliri ezuba n'obudufu oku Bikiro, yaliherhe omuliro oku mesho y'enju ya bene Israeli yoshi. Amango g'okulambagira kwabo koshi.