1 Ajir'enterekeroly'empaho z'omurhi gw'omukasiya g'okusirezezako enterekero. Obule n'obugali ntambu nguma n'enusu. 2 Ahir'ehembi lishoshokere ly'echuma ch'omulinga oku ngasi mulambaliko gw'eyo nterekero chuma chiguma chalichulirwe, alishiga lyoshi echo chuma. 3 Eyo nterekero ayijir'ebintu by'okuhuhula k'oluhu, n'empaho, namakuli, n'amakanya, ebyo byoshi abaga abichulire n'echuma ch'omulinga. 4 Alijirir'akayunguro k'echuma ch'omulinga, akazungulusa echichira ch'eshishi, arhachihisag'enyanya. 5 Ajira mpogo ene z'echuma, azihir'oku milambaliko ene y'akola kayunguro. 6 Ajir'emilambaliko y'omurhi gw'omu Kasiya, ayishig'echuma ch'omulinga. 7 Yaliri yakugezamo ebyo bihogo bine oku nkingi y'enterekero; yali y'oku yiheka. Ntacho ahebere omuyo. 8 Ajir'ebakuli ly'echuma ch'omulinga, n'entulo yalyo yaliri ya chuma ch'omulinga. Ajira n'ebyo by'abakazi bakola omu lunvi lw'ehema ly'okubuganana n'echuma ch'omulinga. 9 Ajir'olugo lw'ehema ly'omwenda gw'echiani chizibuhire, olunda lw'ekulyo lwacho, obule zaliri ntambu makumi marhano. 10 Lwaliherhe nkingi makumyabiri, n'okubikunikuni byazo kwaliri ebyuma by'omulinga, enyanya yaliri epengere n'engwarhizo z'echuma ch'efuranga. 11 Intyo kwajiray'olunda lw'ekulembe. 12 Olunda lw'ebuzikiro bw'ezuba, ogwo mwenda gwaligwerhe ntambu makumyabiri n'erhano, mushingirwe nkingi ekumi eyumangir'oku bikunikuni ekumi. 13 Olunda lw'ebushoshokero bw'ezuba, ebwa lunvi, embuga yaligwerhe obugali bwa ntambu makumyabiri n'erhano. 14 Ngasi lunda lw'echizimbero, omwenda gwaligwerhe ntambu mushanvu n'echichira, 15 na nkingi esharhu n'ebikunikuni byayo. 16 Ogwo mwenda gwalizungulukire olo lugo gwaliri gwa chitani chinja. 17 Ebyuma by'omulinga, byaliri oku bikunikuni by'ezo nkingi. Epengere n'engwarho zali za chuma ch'efuranga. Amasosoro g'enkingi galishigirwe echuma ch'efuranga. Ezo nkingi z'olugo zoshi zalishwekerwe n'epengere z'echuma ch'efuranga. 18 Omwenda gw'okuchikiriza gwaliri omu lunvi lw'olugo, gwalilukirwe n'echinusi chidukwire n'ech'akaduku n'ech'eshagama, n'ey'echitani chinja. Obule zaliri ntambu ekumi, n'obugali zaliri ntambu ebiri n'echichira nk'ok'mwenda gw'olo lugo gwaliwerhe. 19 Enkingi ene z'omu lunvi lw'olo lugo n'ebikunikuni byazo bine, byalishigirwe echuma ch'omulinga n'amasososro gazo engwarho zaligashwekere, byalishigairwe echuma ch'efuranga. 20 Emisumari yeryo hema n'olugo yaliri ya chuma ch'omulinga. 21 Ebi by'ebintu byahwerere oku hema ly'okubera mw'ebitabu by'endagano nka kulala Musa arhegekaga. Abalawi bajirir'eyo mikolo y'okuganja, omukulu wabo ali ye Itamani mwen'omujinji mukulu Haruni. 22 Bezaleli, mwene Uri, munjukulu wa Huri, w'omu mulala gwa Yuda, ajira ngasi byoshi Nyamuzind arhegekaga Musa. 23 Ohaliabu mwene Ahisamaki w'omu mulala gwa Dani, yi wakazagi ku murhabala oku mukolo gw'okubeja, n'okuluk'emyenda n'oku yilimbisa n'echinusi chidukwire ya kaduku n'eye shagama n'ey'echitani. 24 Ehoro zoshi zahwerer'oku kuyumbak'elyo hema ezeza Abaisraeli bashololaga zahihikire bilo 877 na grama 300, z'abantu boshi bali manyir'oku bipimo by'ahantu hachesibwa. 25 N'efuranga zoshi abantu basholwere zalihikire bilo 3017 na grama 750, z'abantu boshi bali manyire oku bipimo by'ahantu hachesibwa. 26 Abantu bajir'ebyo bilo byoshi, baliri bageke omulisasima, kurhonderera oku balume b'emyaka makumyabiri kuj'enyanya ngasi muguma asholola nk'okubali muchire. Boshi haguma bali 603,550. 27 Bilala bilo 3000 n'echichira by'efuranga, byajir'ebikunikuni egana by'enkingi y'ehema n'ogo mwenda g'okugabamo, bye bilo makumi masharhu ngasi chiguma. 28 N'ezayorhaga byali bilo ekumi na mushanvu na grama magana mushanvu na makumi marhano, Bezaleli azirhola, ajira mw'epengere, n'ezindi azishig'oku busosoro g'ezo nkingi n'engwarhizo zizihumanire. 29 N'amarhale bashololaga gahika bilo 2,124. 30 Bajira mw'ebikunikuni by'enkingi oku lunvi lw'ehema ly'okushimanana, n'erherekero ly'amarhali n'akayunguro k'amarhale n'ebintu byalyo byoshi, 31 n'ebikunikuni by'enkingi ny'olugo lw'ehema, n'eyomu lunvi lwago, n'emisumari y'okushingir'ehema lichesibwa n'ey'olugo.