Chigabi 35

1 Musa ahamagala olubaga lw'abana b'e Israeli ababwira lola emyazi Nyamuzinda arhegekere okujira: 2 Nji mwakazikola esiku ndarhu olusiku lwa mushanvu lwaba luchesibwa; Sabato, lwakuhumuka, lulolere Nyamuzinda, oyula nji wajira emirimo miguma miguma mw'olola lusiku nja hanwa, kuhanwa kw'olufu. 3 Ngasi hoshi mwaba muli, murhakolesaga chiro n'omuliro olusiku lw'e Sabato. 4 Musa abwira olubaga lw'abana b'e Israeli eri: Mulole oku Nyamuzinda arhegekere; 5 Oku bikulo byenyu muherhe murholeko ebi mwashololera Nyamuzinda. Ngasi muntu yeshi w'omurhima gw'okuhana nja shololera Nyamuzinda amahoro, efuranga n'emiringa; 6 Emishangi edukwire n'omukara, edukwire by'omweru, echitani chikehere kehere n'amoya g'empene. 7 Oluhu lw'ebibuzi biri nka shagama, oluhu lw'ebigoho n'emirhi ya kasiya; 8 Amavurha gw'oku simikiro y'okuheba k'omuliro, n'akabayo kakwirire nka mavurha gw'okushiga, n'amalashi gabayira oku zulu. 9 Amabale ge Okonisi n'amabaya g'okuheba omu efodi, n'omushangi g'omu chifuba. 10 Mweshi omu mwabo baherhe obushiru n'obwenge bayinje bakole byoshi Nyamuzinda aderhere. 11 Endaha, echihandiro chayo, echifuko chayo, amaenyo gacho, embaho zayo, ebihagaliko byacho, enkingi zayo n'ebikondo byacho. 12 Omukenzi n'ebihagaliko byage, emirhamba n'omushangi g'okushukira omukenzi; 13 Ameza ebihagaliko byage n'ebikoleso byoshi n'egati barheganya ba gwerh'enterekero. 14 Esimikiro y'omuliro, n'ebikoleso byage, n'amatara mage, n'amavurha g'okuheba oku simikiro. 15 Luherero lwabaya amalashi n'ebihagaliko byage, mavurha g'okuchishiga n'amalashi g'okubaya bwinja n'omushangi g'olunvi lw'okuja omu mbikiro. 16 Oluherero lw'embago n'ehisinga singa y'omulinga gwage, ebihagaliko byage, n'orhukoleso rhoshi n'omukenzi haguma n'echikondo chage. 17 Emishaki y'okulugurhu, enkingi zage, ebikondo byage n'omushangi g'oku lunvi g'olugurhu. 18 Enkingi z'embikiriro, enkingi z'lugurhu, n'emigozi yage; Emyambalo ye nju y'okukolera mwe byo buchese. 19 Emishangi egishirwe y'omudahwa Haruni n'emishangi y'abagala bage y'okukola oku budahwa. 20 Olubaga loshi lw'abana be Israeli barhenga embere za Musa. 21 Ngasi balala boshi bali herhe omurhima gukwirire bayinja n'okulerha entulo ya Nyamuzinda y'okuyibuka echihandiro ch'ehano, n'oku mirimo yage yoshi n'emishangi y'obuchese. 22 Abalume bayinja haguma bwinja na bakazi na balala boshi baliherhe omurhima gu kwirire balerha ebikomo, ebisikiyo, empeta z'oku midoke, n'ebikora, na ngasi bindi bye bikoleso byoshi bya mahoro, ngasi muguma ahana entulo ye horo alibikire Nyamuzinda. 23 Balala boshi baliherhe emishangi edukwire nka nzima, n'eri nka mweru, n'echitani chigeke-geke na moya g'empene, oluhu lw'echibuzi ebiri nka shagama, oluhu lw'ebigoho babilerha. 24 Balala boshi balerhega entulo y'efuranga n'emiringa balerha entulo emwa Nyamuzinda, balala boshi bali herhe emirhi ya akasiya elolere emirimo y'okukola, bayilerha. 25 Abakazi boshi baliherhe obushiru bw'okuhunga emigozi n'efune zabo n'okuyilerha oku mirimo yabo, n'edukwire nka mukara, eri nka mweru, echitani chigeke-geke. 26 Abakazi boshi baliherhe omurhima gu kwirire banaluka amoya g'empene. 27 Abagula b'olubaga banalerha amabale ge Konisi na kandi mabale ge Efodi n'eshaho y'oku chifuba; 28 na kabayo ka kwirire n'amavurha g'esimikiro y'omuliro, g'amavurha g'oku chishiga n'amalashi ga bayira oku zulu. 29 Abana be Israeli boshi, abalume, abakazi baliherhe omurhima g'okusholola chango okukola oku mirimo Nyamuzinda abaga arhegekere Musa balema balerha entulo oku bulonza emwa Nyamuzinda. 30 Musa abwira abana be Israeli: Mumenye oku Nyamuzinda alondwere Besalili, mugala wa Uri, mwene Huru buko bwa ba Yuda. 31 Amuyunjuza muka gwa Namahanga, n'obumenyi, n'obwenge n'okumenya ngasi yoshi kukola. 32 Amuha obuhashe b'okujira ebyage n'okukola efuranga n'emiringa. 33 Okuchagulanga mabale n'oku makolesa, okukolesa emirhi, n'okujira ngasi hyoshi hya kajirwa n'emirhi. 34 Amuhereza haguma n'oluhembo lw'okuyigiriza, kuguma na Holiyabe mwene Ahisamake buko bwa Dani. 35 Amuyunjuza obwenge bw'okujira emirimo yoshi, eby'okubeja n'emirhi, ebyo kuhunga n'okuluka emishangi edukwire nka nzima eri nka mweru, echitani chigeke- geke, n'okujira obuko boshi bw'emirimo ye byawe byawe wachijiriraga.