1 Nyamuzinda abwira Musa: Genda rhenga hanola,w'oyo n'olubaga wakula omu chihugo ch'e Misiri muzamukire omu chihugo na balaganyaga na chigashaga na hereza Abrahamu Isaka, Yakobo, eburha lyawe, linchihereze. 2 Nji narhuma embere zawe n'okulibirha oku Bakanana, Abamori, Abahiti, Abaperisi, Abahevi na Abayebusi. 3 Ozamukire ebwa chihugo chibamo amarha n'obuchi, nji ntaheba omu charagati chawe obuba n'okuba gulumiza omu njira, oli lubaga lwa bachirimisi barhayunva. 4 Amango olubaga lwayunvaga eyi myazi ya buhane baja omu mishibo, na ntaye wachiyambere emishangi yage y'olukulu. 5 Nyamuzinda abwira Musa: Obwire abana be Israeli, muli lubaga lurhayunva nka nakaheba kasazi kageke omu charagati kawe na nabagulumiza, lero okule emishangi y'olukulu ekuliko, nji nalola ebi na kujirira. 6 Bene Israeli bahogola emishangi yabo y'olukulu n'oku chiyeguza oku ntondo ye Horebu. 7 Musa arhola ehema alikula oku chihandiro hofi hofi aha hamagala chihandiro ch'eheno. Ngasi yeshi walonza okubona n'okuhera Nyamuzinda anaja omola chihandiro ch'ehano. Chiri eburhambi bw'oku chihandiro. 8 Eri Musa aba akala aja ebwa chihandiro ch'ehano olubaga loshi lwayumuka ngasi muguma aha lunvi lw'echihandiro chage, batimulira Musa amesho kuhika aja omu chihandiro. 9 Amango Musa alonzaga okuja omu chihandiro echilundo ch'emisi cha yandagala, chayimanga aha lunvi lwe chihandiro, Nyamuzinda arhondera oku shambala haguma na Musa. 10 Olubaga loshi lwalemaga lwabona echola chilundo ch'emisi lwa fukama aha lunvi lw'echihandiro lwage. 11 Nyamuzinda ashambala na Musa mesho oku mesho nka kulala omuntu anashambala na mwira wage. Oku handi Musa ashubagaluka ebwa chihandiro; Aliko omusole murhabazi wage Yosuwa mwene Nunu, arharhengaga omu charagati k'echihandiro. 12 Musa abwira Nyamuzinda, lolaga wambwira; zamulaga n'olubaga njo orhanamenyesaga inde nji walurhuma haguma nani. 13 Lero nka nakabona olukogo oku mesho gawe, omenyise enjira zawe; na ntyo nj'omenyise, nji nambone kandi olukogo oku mesho gawe. Omenye oku lila shanja luli lubaga lwawe. 14 Nyamuzinda ashuza: Nji nalambagira nyenine haguma nawe, nji nanakuhereza amahumuko. 15 Musa amubwira: Akaba orhakalambagira wenine haguma nerhu; orharhujiraga rhurhnge hanola. 16 Gurhe baguma nji baba nanabwene olukogo oku mesho gawe, nyono n'olubaga lwawe? K'arhali kugenda haguma nerhu oku kwarhuma, n'okubona nyonyo n'olubaga lwawe rhurhashushene n'agandi mashanja gaba hano gulu? 17 Nyamuzinda abwira Musa: Nji na jira oku wahunire, bulala wabwene olukogo oku mesho gani na kumenyere oku zino lyawe. 18 Musa aderha: Onjirire nani mbone obukuze bwawe. 19 Nyamuzinda ashuza: Nageza amenja gani goshi embere zawe, nampamagaze ezino lya Nyamuzinda embere zawe, mbabalire eyi ndonzize oku babalira, na mbere ollukogo eyi ndozize okubera olukogo n'obonjo eyi ndonzize okubera obonjo. 20 Nyamuzinda aderha: Orhakabona amesho gani, bulala omuntu eri akambona arhakachilama. 21 Nyamuzinda aderha: Lola ahantu hali hofi nani; nji wahagwarhira oku mbale. 22 Amango obukuze bwani bwagera nji na kuheba omu chibere che mbale nji na kushukire n'efune yani kuhika oku na ngerere. Amango nji na kula efune yani, ombone omugongo, aliko amesho gani, ntaye nji wamalolako.