Chigabi 32

1 Olubaga eri lubona Musa alegamire oku yandagala oku ntondo, bachiheba haguma bazungulukira Haruni, lwa mubwira: Yumuka rhugenda orhujirire ya Nyamuzinda, walambagira nerhu orhujire embere bula oyu Musa muntu warhukulaga e Misiri rhurhamenyere gurhe abere. 2 Haruni ababwira eri: Mukule orhugondo rhw'ehoro rhuli oku marhwiri gabakenyu, n'abagala benyu na bali benyu murhunderhere. 3 Olubaga loshi lwa kula orhugondo rhwaliri oku marhwiri lwa lerhera Haruni. 4 Arhurhola n'efune zage, akweba ehoro omu chichuma: Chaba chuma ababwira: Banya Israeli oyula ye hya nyamuzinda wenyu wabakulaga omu chihugo che Misiri. 5 Eri Haruni abona kulala ayumbaka oluherero embere zage, ayama: Omusezi, nji haba olusiku lukulu lwa Nyamuzinda. 6 Eri bucha esezi, haba esezi likwirire, barhegekera enterekero z'embagwa balerha enterekero z'omurhula, olubaga lwa yikala mpu balye banywe kandi kandi bayumanga mpu bazine. 7 Nyamuzinda abwira Musa genda, oyandagale bulala olubaga lwawe wakulaga omu chihugo ch'e Misiri lwagomere. 8 Barhalegamire oku rhenga omu njira nabayerekaga, bachijirira eshushano bafukamira embere zayo barhula enterekero, n'oku derha: Israeli lola nyamuzinda wawe warhukulaga omu chihugo ch'e Misiri. 9 Nyamuzinda abwira Musa: Nabwene oku olula lubaga luli lubaga lw'echikanyi. 10 Lero ondekage oburhe bukola bakolerako; Aliko nji na kujirira olubaga lunene. 11 Musa ashigirira Nyamuzinda, Namahanga wage n'oku derha: Charhuma, oh oh Nyamuzinda oburhe bwawe bwakolerera olubaga lwawe, wakulaga omu chihugo ch'eMisiri n'obuhashe bunene, n'emisi y'efune zawe? 12 Chicharhuma abanya Misiri baderha oku bahanya wabakuliragayo, n'okubayirhira omu ntondo, n'okubalisa enyanya w'egulu. Ohune obonjo oku mabi walonza okujirira olubaga lwawe. 13 Oyibuke bambali bawe: Abrahamu, Isaka, na Israeli walaganyaga n'okuchigasha wababwira eri obuko bwenyu nji na buluza bube nka Nkununu z'oku nkuba na chilala chihugo na derhaga nachiha obuo bwenyu bachiyimemo esiku n'amango. 14 Nyamuzinda ahuna obonjo oku mabi aderhaga ajirira olubaga lwage. 15 Musa ahindamuka ayandagala oku ntondo, mbale ebiri z'obuhamiriza omu fune zage; mbale ebiri ziyayandikirwe kw'olunda n'olundi. 16 Mbale z'amabale zaliri mirimo ya Namahanga n'eyo myandiko, myandiko ya Namahanga asirirhaga okola mbale za mabale. 17 Yosuwa ayunva omulenge gw'olubaga ga banda endulu, abwira Musa: Hali omulenge gw'entambala omu chihandiro. 18 Musa ashuza: Gurhali mulenge gwa bahimana, gurhali mulenge gwa bahimirwe yi nayunva nka mulenge gwa bali bayimpa. 19 Lero eri ahika hofi n'oku chihandiro, abona eshushano na mazina, oburhe bwa Musa bwakolera akabula embale zaliri omufune zage azichagulangira oku gulu oku ntondo. 20 Arhola eyola shushano bajiraga, n'okuyigulumiza oku muliro, alwihindamula luvu,alushandaza oku menji, abana be Israeli baganywa. 21 Musa adosa Haruni; eri: Bichi olubaga lwakuhebereko ene olundira obayemerera echaha chingana ahala? 22 Haruni: Amushuza eri: Nahano wani: Oburhe burhakugwarhaga, bulala nawe weniene orhahabire oku olubaga l'ollumba okuharhira amabi. 23 Bonine bambwiraga mpu: Orhujirire nyamuzinda ya rhujira embere bulala oyola mulume Musa warhukulaga e Misiri rhurhamenyere gurhe abere. 24 Nababwira: Balal baherhe amahoro oku marhwiri gabo, bamakule, bamakwebe oku muliro, murhenge eshushano. 25 Musa abona oku olubaga lwahabukire. Oku na Haruni analuhabwire analukoz'eshonyi omu mesho g'abashombanyi bage, 26 Musa agenda ayumanga aha lunvi lwe chihandiro, aderha: Oku nyono oli wa Nyamuzinda ayinje hano. Abana ba Lawi boshi bachiheba haguma baja aha burhambi bwage. 27 Ababwira: Eri intyo ku Nyamuzinda we Israeli ashambere: Ngasi muguma omu mwabo ahebe akere kage aha burhambi. Akashabuse, akazunguluse, echindiro lunvi oku lundi ayirhe mwene wabo na bamuburhaga. 28 Abana Balawi bajira oku Musa ababwiraga olola lusiku haba nka bihumbi bisharhu by'abantu bafire. 29 Musa aderha: Zene muchihebe haguma emwa Nyamuzinda kuguma k'oku chihana nterekero oku bagala berhu na bene berhu, buzinda yarhuherza zene emigisho. 30 Bucha sezi, Musa: Abwira olubaga mwajirire echaha chinene nkola zamukira emunda Nyamuzinda ali kwakanaba nja kana mpereza obonjo oku byaha byenyu. 31 Musa ashubira emunda Nyamuzinda ali amu bwira: Aho, olubaga lwairire echaha chinene lwachijirire nyamuzinda w'ehoro. 32 Obabalire buno ebyaha byabo. Akaba nanga obazimye omu chitabu chawe wayandikagamo. 33 Nyakasani abwira Musa eri: Owajirire echaha yi nazimya omu chitabu chani. 34 Chi bunola, gendaga n'olubaga emunda na kubwiraga, malaika wani akushokolere, aliko olusiku na chihola, nji na bahana oku byaha byenyu. 35 Nyamuzinda ahana olubaga bulala balijirire eshushano ya jiragwa na Haruni.