Chigabi 31

1 Nyamuzinda ashambalira Musa amubwira: 2 Omenye oku nyinalondolaga Betesela, mwene Uri, mwene Huru, omu buko bwa Yuda. 3 Na munyunjwize Muka gwa Nyamuzinda, n'obumenyi, n'obwenge n'okumenya ngasi mirimo yoshi. 4 Na bahereza obuhashe bw'okujira ebyabo, okukola ehoro, efuranga, n'amashale gajira orhwere. 5 Okuchagulanga amabale g'okurhnda, n'okukoles'emirhi y'okuyumbaka ngasi lubero lw'emirimo. 6 Ona lolage namuhereza ohaliyabe mwene Ahisimake, om'obuko bwa Dani, n'amuheba m'obwenge omu murhima gwa ngasi mushinganyanya, ly'obajire ngasi byoshi narhegekere. 7 Echihandiro ch'ehano n'omu mukenze gw'endaganyo; Omufuniko guli enyanya zago, n'ebikoleso byoshi by'echihandiro; 8 Ameza na bikoleso byage, n'ebisimikiro by'ehoro eshinganene n'ebikoleso byage byoshi oku luherero lw'amalashi. 9 Luherero lw'enterekero n'ebikoleso byago byoshi, omukenzi haguma n'ebikoleso byago. 10 Mishangi y'obugashanize, mishangi echesezwe y'omudahwa Haruni, mishangi y'abagala bage omu mirimo ya budahwa. 11 Mavurha g'okuchishiga, malashi g'obuchese babijire byoshi byoshi oku nalemaga narhegeka. 12 Nyamuzinda ashambala na Musa amubwira: 13 Obwire abana b'e Israeli muleme mwakabula okukenga esiku zani z'e Sabati; bulala nji byaba mu kagarhi kani nenyu n'omuluburha kuj'okulundi, chimanyiso nji mwamenya oku nye Nyamuzinda wabachesa. 14 Nji mukenge olwa Sabato, bulala nji lwaba oku mwabo luchesibwa oyula nji walugayaguza nja hanwa n'okufa. Oyula nji wajira emirimo olola lusiku nji na mukula omu charagati ch'olubaga lwani. 15 Nji mwakola siku ndarhu, aliko olusiku lwa mushanvu, lusiku lwa Sabato, lusiku lwa kuhumuka, lurhegekere na Nyamuzinda, oyula nji wajira emirimo olusiku lw'e Sabato nja hanwa n'okufa. 16 Abana b'e Israeli mukenge olwa Sabato n'oku lukashaniza, bowe n'oluburha oku lundi nka ndagano y'esiku zoshi. 17 Sabato njiaba chimanyiso ch'emyaka n'emyaka omu kagarhi ka bene Israeli na nani, bulala siku ndarhu Nyamuzinda ajiragamo amalunga n'egulu, s'aliko lwa mushanvu aleka emirimo yage ahumuka. 18 Amango Nyamuzinda amala shamabala na Musa oku ntondo ye Sinayi, amuhereza mbale ebiri z'obumenyirizi, mbale z'ebale ebiri, zayandikagwa n'omudoke gwa Nyamuzinda.