¹ Nde oli kuguma n'omunyabwenge,omurhimanya na nde , bakadosa anamanye kushuza bwinja ? Obumanyi bunarhuma omuntu ashagaluka,n'amalanga mage manahindamuka n'obwo malikalihire. ² Nku bwirire mpu okulikire amarhegeko ga mwami endahiro ya Nyamuzinda erhumire. ³ Orhamalekega dubaduba,orhanakomezag'omuborhere bubi : Bulala oku olonzeze koshi ajira ko, ⁴ bulala omwazi gwa mwami guherhe'obuhashe,na nde wanka mubwira ntya : Chichi echo oli wajira ? ⁵ Omuntu okulikira oku arhegekerwe arhahanyagala,n'omurhima gw'omunya bwenge guyinji ebisanzi n'amango gw'okucha olubanja. ⁶ Bulala,nechi hali amango hali n'okuchirwa ngasi kantu kachibirwa olubanja,na nta muntu oba amanyire oku lwakachibwa. ⁷ Bulala kandi nta muntu oyinji ebinji byaba na nde nji wamubwira gurhe nji byaba ? ⁸ Omuntu arhaherhe obuhashe oku muka gwage mpu akaguyimanza,chiro na nta buhashe aherhe okulusiku lwage lw'okufa; na ntaye wankagali chishwekula mweyo ntambala,n'obukali burhachiza benabo. ⁹ Ebyo byoshi,nabibwene,na byoshi bijirika hano gulu,nabilolereze omu murhima gwani. Haly'amango omuntu arhegeka owindi mpu ly'amuhanyagaza. ¹⁰ Na ntyo kandi nabonaga abakali bahekwa ebwa kuhambwa baja aha bahumukira, n'abakolaga omu bushinganyanya bachijira hale, ahantu hachesezwe banayibirirwa omu chishagala chinene. Kandi okola kunali kubi. ¹¹ Bulala okuch'olubanja elugulu w'ebijiro bibi kurhalibirhirwa, emirhima ya bene muntu enayunjula n'ebifinjo by'okujir'amabi. ¹² Bobo,nachiro omunya byaha akajira echibi kali egana,byana byanayushula bwenene,nani menyire ok'omugisho guli gwabayubaha Lulema,bula baherhe obuba embere zage. ¹³ Aliko omugisho gurhali gw'omubi arhakanagwarha siku zinene,ziri nka chijuchu,bulala arhaherhe obuba embere za Lulema. ¹⁴ Bwaliri busha bub'oku gulu : bula hali abashinganyanya bajuhwa kukulikirana n'ebijiro by'ababi, n'ababi bajirirwa kukulikira n'ebijiro bya bashinganyanya. Nderher'oku kandi bush'obola. ¹⁵ Na ntyo nakuz'obushagaluke, bulala nta chinja oku muntu eshishi w'ezuba arhali okulya n'okunywa n'oku chisimisa; Che chikwanene oku muherekeza omu charakati k'omulimo gwage, omu siku z'akalamo Lulema amuhere eshishi w'ezuba. ¹⁶ Amango nahiraga omurhima gwani kushond'okumeny'obwirhonzi n'okubon'oku bintu biri byajirik'oku gulu, bulal'amesho g'abantu garha chibon'ero libe zuba changw'obudufu, ¹⁷ nabon'omulimo goshi gwa Lulema, nabon'oku omuntu arhakabona ebikolw'eshishi w'ezuba ; kuli kwinja okuchirhamya omu kushondereza, Na nta kubona; n'akaba chirw'aba mwirhonzi wakashond'okumenya, arhaka nabona chiro.