¹ Erenge likwirire lilushire amavurha mali m'obuku mabaya bwinja,n'olusiku l'okufa lulushir'olusiku l'okuburhwa . ² Ahali h'okuja omunju y'echimogomogo w'akaja omunju y'emiziga kulushire okuja omunju y'echimogomogo. omunju y'emiziga muli obuzinda bwa ngasi muntu.N'ochiri m'omuka anakula m'oburhimanya. ³ Amaganya malushire amasheka.bulala chiro akaba amalanga mankagaya,omurhima gwaka chisima. ⁴ Omurhima gw'abanya bwenge guli omunju y'emiziga.N'omurhima gw'abarhaherhe bwenge guli omunju y'obushagaluke. ⁵ Okuyunviriza amahanulo gw'omunya bwenge kulushire okuba muntu w'okuyunviriza olwimpo lw'orhali munya bwenge. ⁶ Kuguma n'amarhabi g'emirhi garhulik'omu chiko eshishi w'enaga ntyo kw'amasheka g'ebihwinja maba.Kandi aho mali mayipango. ⁷ Okushwekwa kunasirehya abanyabwenge,n'amakwanane manahirima n'empembo. ⁸ Okuhigirizwa kw'olubanja kulushire omurhondero kwalo;omurhima gw'okulindira gulushire ogw'oburhe. ⁹ Orhachihanganaga okuba n'oburhe omu murhima gwawe. Bulala oburhe buba buhandire omu bunganyi. ¹⁰ Orhachibazaga : Okw'esiku zamira zaliri ? Bulala edosolyawe lirhankaba erhi lirhengere omu bwenge. ¹¹ obwenge bulushire akashambala,obwenge kandi kubalala banabona ezuba. ¹² bulala oli omu chibohololo ch'obwenge aba kuguma n'oli omu chibohololo ch'efuranga;eragi ly'obumanyi okubona oku obwenge bunalamyaababuherhe. ¹³ Lolag'akasi ka Nyamuzinda;nde wankagala yinamula ebyamalire gonda ? ¹⁴ oku lusiku l'obushagaluke,oshagaluke,n'oku lusiku l'obuhanya,oganize oku : Nyamuzinda alemere muguma bwinja kuguma n'owindi,kuhik'ah'omuntu arhankamanyira ebya muyinjira omu sezi. ¹⁵ Nabwene ebyo byoshi amango g'akalamo kani kabi. Hali omunya okuli wanka herera omu kuli kwage,n'omugome wankagendekez akalamo kage omu bugome bwage. ¹⁶ Orhabaga muny'okuli bwenene orhana chiyerekanaga oku oli munyabwenge bwenene : Chirhumire Wachibaza ntyo wenyine ? ¹⁷ Orhakalihaga kulusha,orhanabaga chinganyi : chirhumire wafa embere wa kasanzi kawe ? ¹⁸ Kuli kwinja okuyibuka ntya,orhanarhenguha oko; Bulala oyubahe Nyamuzinda anachilanga kwebyo byoshi. ¹⁹ Obumanyi bunakomeza abanyabwenge kulush'abarhambuzi ekumi bali omuchishagala chinene. ²⁰ Nanga,nta muntu n'omuguma w'okuli oku gulu ojira ebinja orhanajira chaha. ²¹ Orhayunvirizaga emyazi yoshi baderha,ly'orhayunva oku omugaragu wawe aku kaga; ²² Bulala omurhima gwawe gwa manyire bwinja amango abandi bashwekag'abandi. ²³ Narhangwire ebyo byoshi.Na derha ntya : nji naba mwenge.N'obumenyi bwayorha hale nani. ²⁴ Nde wankahika oku biri hale,ebiri emuziku,emuziku bwenene ? ²⁵ Na chigiriza nyanyine omu murhima gwani oku menya,okuyunvisa n'okulonza obumanyi n'obushinganyanya bw'ebintu,n'oku menya esire ly'obukali n'obuhwinja,y'obunganyi. ²⁶ Na nabwene kubi bwenene okw'olufu lw'omukazi w'omurhima guli nka murhego na nka mulaga,n'owefune ziri nka migozi; osimirwe na Nyamuzinda ana mufuma,aliko afarha omunya byaha. ²⁷ Omwigiriza amaderha,lolaga oku na bwene,omu kulolerez'ebintu chiguma oku chiguma mpu limanya ama kwanene; ²⁸ Lolaga echi omurhima gwani gulonzeze kandi,echi ntanazi bona.Omu balume chihumbi na bwene mu muguma;aliko nta mukazi n'omuguma nzi bona omubo boshi. ²⁹ Chiguma,ololage na bwene,bula okuba Nyamuzinda ajirire abalume bany'okuli;aliko bashonda empindamuko zinene.