¹ Hali obubi na bwen'oshishi w'ezuba,nabo buzidoher'abantu. ² Omuntu wahabirwe obugale na Nyamuzinda,ebintu n'olukengo,chiro arhabulire chintu omu kalamo kage omu byoshi alonza,na ntyo Nyamuzinda arhamuher'obuhashe b'okulya echi chira chabyo,aliko omugenzi anabirya;biri bya busha enali ndwala mbi. ³ Nk'omuntu akaburha bana egana,analama myaka minene,chiro myaka yage ya luga,aliko arhayugurhag'amenja,na kulushaho abule ahahambwa;nderhere : Liri ragi obukule bwarhogaga kulusha oyo. ⁴ Bulala ayinjire omu busha,agenda omu mwizimya,n'ezino lyage lishukirwe n'omwizimya; ⁵ Kandi arhabonag'ezuba chiro kulimenya : Eli lya bwene okurhuza kumulusha. ⁶ Nechi,chiro alama myaka chihumbii kabiri,na chiro ntyo arha simisizwe n'ebinja : Abantu boshi barhaja hantu haguma ? ⁷ Emirimo yoshi y'omuntu eli enyanya y'obunu bwage,chiro ntyo arhayugurha. ⁸ Bulala aberhonzi baherhe obuguke buchi kulusha abahwinja ? ⁹ Liri ragi okubona n'amesho hali okujira obulala bw'enyifinjo : Ebi na byo biri bya busha omu malibuko g'omurhima. ¹⁰ Echintu choshi chaliri,ezino lyage lyalihamagerwe mira nacho chimenyikene oku ali muntu : Chiro arhakagala kuhimana n'oyo ogwerhe obuhashe kumulusha. ¹¹ Kula kuba hali binene biyushukire binali bya busha,omuntu abona obunguke buchi ? ¹² Bulala inde omanyire ebiri binja oku muntu omu kalamo kage,esiku zoshi za kalamo kali kabusha alamire nka chijuchu ? Bulala inde wa kagala kubwira omuntu ebinji byamukulikira eshishi w'ezuba ?