¹ Langa okugulu kwawe amang'okala waja omunju ya Nyamuzinda bulala kushegera oyunve kuli kwinja hali h'okurhula entulo y'obuhwinja bulala barhamanyire okubali bajira kubi ² Orhaderhaga dubaduba n'obunu bwawe changwa omurhima gwawe okuba duba kuderha emalanga ga Nyamuzinda,bulala Nyamuzinda ali empingu,nawe oli omw'igulu oku ntyo emyazi yawe ebe migeke. ³ Bulal'ebilorho biyinja enyanya ly'emirimo minene,n'omulenge g'omwinja oku bunene bw'ebinwa. ⁴ Amango wamalanganya Nyamuzinda orhalegamaga kulerha endaganyo bulala arhasima binganyi hisa endaganyo yawe. ⁵ Kulikwinja orhahirag'endaganyo hali kulaganya orhanayijira. ⁶ Orhalekaga obunu bwawe okugomesa omubiri gwawe: changwa orhaderhaga embere za mabiko okulyaliri gosa : bulala gurhe Nyamuzinda alubira omulenge gwawe n'okubihya emirimo y'amaboko gawe ? ⁷ Bulala intyo kubirhengerera omu bunene bw'ebilorho,n'obusha n'ebinwa binene: Aliko woyo oyubahe Nyamuzima. ⁸ Nka wakabona amalibuko g'omukene,n'olubanja l'okuli lwanalwa omukubonerera omu ngasi chishagala choshi,orhasomerwaga oku mwazi guli ntyo : Bulala muguma oli enyanya kulusha abab'enyanya alyabona; na kandi hali oli enyanya kulusha. ¹⁰ Kandi obunguke bw'echihugo buli bw'abantu boshi : Mwami naye yenine arhabalwa n'enjira y'eshwa. ¹¹ Osima efuranga arhakayugurha efuranga;changwa osima ebinene arhankayugurha nachiro bamuyushulira ebi na byo biribya busha. ¹² Amang'obugale buli bwayushuka abo kubulya nabo banayushuka : Kandi bunguke buchi oku yenine oku bulola n'amesho gage ? ¹³ Ero ly'owakolaga liba lilokere, nka akalya rhutyu changwa binene.Aliko oburhe b'omugale burhazig'ajero. ¹⁴ Hali obubi bukulu na bwen'eshishi w'ezuba,obika obugale bwage achiyime. ¹⁵ N'obu bugale bukanyegwa oku buhanya naye aburhe abana, na ntacho achigwerh'omufune zage. ¹⁶ Nka kulala omuntu arhegaga omunda ya nina butambara kunji anagaluka buzira chintu. Chiro ntacho njarhola omu bya koler'ebyo na byo bubi bulumire,bulala kulala wayinjaga,kunji wanagaluka.Bunguke buchi emwage oku chilibuz'oku muhusi ? ¹⁷ Esiku zage zoshi amalira analira omu mwizimya n'okulibuzwa bwenene,mulwala n'amalumwa. ¹⁸ Talaga emyazi nabwen'engenzi n'obunguke,eli omuntu okulya n'okunywa n'okuchisimisa oku mirimo yage alibukiraga enyanya lyage eshishi w'ezuba,esiku zage Nyamuzinda amuhere bulala che chage chigabi. ¹⁹ Kandi ngasi muntu ahabirw'ebintu n'obugale bwa Nyamuzinda,n'obuhashe bw'okubiryako,arhole echage chigabi n'okusimiswa n'emirimo yage,olu luli luhembo lwa Nyamuzinda. ²⁰ Bulala nji arhayibuka bwenene esiku z'akalamo kage;Bulala Nyamuzinda anamushubiza omu bushagaluke bw'omurhima gwage.