¹ Intyo, nagaluka, nabona ubugome boshi bulibwajirika eshishi w'ezuba; Tala emiziga yabali balibuzwa chiro barhanaherhe owobasiririza. obuhashe bwaliri oku balala bali babalibuza sibowe barhaligwerhe oku basiririza. ² N'okuntyo, nachishingira abafu bafire, kulusha abazene. ³ Nechi, eragi kulusha aba babiri naganja, orhasagi baho, n'orhabonaga emirimo mibi ejirika eshishi w'ezuba. ⁴ Nabwen'oku ngasi kasi koshi n'obuhashe bw'omu kasi bunali nka bongwa b'omuntu oku mwalungwe.Obo buli busha n'okuhig'empusi. ⁵ Omuhwinj'azing'amaboko,n'okuly'omubiri gwage. ⁶ Chaziga fune nguma ehumukire,elushire fun'ebiri z'afarh'empusi. ⁷ Nabona obundi busha eshishi w'ezuba. ⁸ Hal'omuntu oli yenine,arhaherhe mwana anarhanaherhe wabo,ntacho cho kumulibuza,amesho gage garharhama n'okulola obugale,n'okuderha : Na chirhamya oku bichi n'enyanya za nde ? Mpu nyime omurhima gwani obushagaluke.Kandi buli busha binali bintu bya busha. ⁹ Ku kwanene babiri haguma ahali hamuguma,buli bunguke bunene. ¹⁰ Bulala muguma aka kumbagal'owabo anamuyinamula; Aliko buli buhanya okoli yenine bula aka kumbangala ntaye w'okumuyinamula. ¹¹ Konako,babiri balyamire haguma banagwarha echuka;alik'oli yenine kurh'akaboneka echuka ? N'akaba lebe aherh'emisi kulusha muguma,babiri banka muhima, n'olukoba lwa migozi esharhu lurhakachika dubaduba. ¹² Chazig'omwana mukene mwirhonzi halih'omwami mushaja w'omuhwinja orhachiyunva mahano; ¹³ Bulal'akarheng'omumpamiko mpu arhambule chang'aburhwe mukene omu bwami. ¹⁴ Na bwen'abagumaguma libalambagira omuzuba bazungulukire omwana ogwasizwe akulikire mwami n'oku yima hali hage. ¹⁵ Ntabuzinda bw'olu lubaga na boshi bali enyanya zage,na boshi nji bayinja enyuma barhakasimiswa,bulala buli busha n'okuhig'empusi. ¹⁶ Olang'okugulu kwawe emang'okola waj'omuka - Nyamuzinda;sheger'oyunve ahali hokuhan'entul'oku bahwinja nabo barhamanyir'oku bali bajir'amabi.