¹ Haly'akasanzi ka ngasi chintu,akasanzi ka ngasi chintu okwigulu : ² Akasanzi k'okuburhwa,n'akasanzi k'okufa;Akasanzi kw'okurhwera n'akasanzi k'okushalula ebyahingagwa. ³ Akasanzi k'okuyirha n'akasanzi k'okufumya; Akasanzi k'okushanda n'akasanzi k'okuyumbaka; ⁴ Akasanzi k'okulaka n'akasanzi k'okusheka;akasanzi k'okuchiganya n'akasanzi k'okuzina. ⁵ Akasanzi k'okukabul'amabale,n'akasanzi k'okurholagula amabale; akasanzi k'okuhobera n'akasanzi k'okulek'okuhoberana. ⁶ Akasanzi k'okushonda n'akasanzi k'okuheza : Akasanzi k'okulanga n'akasanzi k'okukabula; ⁷ Akasanzi k'okubera,n'akasanzi k'okuhanga; akasanzi k'okusira n'akasanzi k'okuderha. ⁸ Akasanzi k'okusima n'akasanzi k'okushomba/kuluba;akasanzi k'ebirha n'akasanzi k'omurhula. ⁹ Nyungu nchi onakola anabona omu malibuko mage ? ¹⁰ Nabwene akasi Lulema ahere ben'omuntu. ¹¹ anajira ngasi chintu chinja oku kasanzi kacho na kandi,ahirir'omu mirhima yabo omuganiza gw'esiku zoshi,neri omuntu arhagala kumeny'akasi Lulema anajira kurheng'okuntonderero kuger'okuyukiza. ¹² Nameny'oku nta chinj'abantu bakagwarha,arhali oku chishinga n'oku chijirir'amenja omu kalamo kabo. ¹³ Nechi,akaba omuntu akalya n'okunywa n'oku chisimisa n'amenja m'akasi kage koshi,eyo nayo eri mpano ya Lulema. ¹⁴ Nameny'okwebi lulema anajira chi byabaho siku n'amango.Ahola birhagalikene kuyongerakw'echinwa changwa kuhindamula kw'echinwa. Nyamuzinda anajira ntyo y'abantu bamuyubaha. ¹⁵ Echaliriho burhanzi,n'echayinja chaba,chaliriho kandi na Lulema anagalul'echagerere. ¹⁶ Nashubilola k'okwigulu,ahantu harheganyizw'okuch'emanja,halyububi n'okwa hantu arheganyizwe obulenganjira halyububi. ¹⁷ Naderh'omu murhima gwani : Lulema nj'achir'olubanja omwinja n'omubi,bulala hali akasanzi ka ngasi chintu na ngasi kasi. ¹⁸ Naderh'omu murhima gwani,oku bilolere mwen'omuntu,Lulema akabageregeza,na bonyine bakabwen'okubanali nyama. ¹⁹ Bulal'obuzinda bwa mwen'omuntu n'obw'enyama bonabuguma,oku muguma anafa,kon'owundi anafa,boshi baher'omuka muguma,n'omuntu arhali mukulu okunyama,bula byoshi ntacho bimalire. ²⁰ Byoshi binaja hantu haguma;byoshi byakwizagwa n'obudaka na byoshi binagaluk'omu budaka. ²¹ Nde oyinji akab'omuka gwa bene omuntu gunazamuk'elugulu n'akab'omuka gw'enyama guna chimir'ahashi omu budaka ? ²² Nabon'oku ntachinja n'echiguma omuntu akagwarha,arhali okuchishinga omu kasi kage;n'ogo g'omuhango gwage.Chigabi chage.Bulala nde nji wamusimisa omu binji byaba arhachiriho ?