¹ Naderh'omu murhima gwasi : Leka nku gerageze n'olumogo ! Olye okumenja,gasi nebyo na byo birharhere kamaro/kachiro. ² Naderha okw'amasheka : Sire ! N'oku omwishingo : Chichi gumalire? ³ Narhol'echemezo omu murhima gwani : Narhuliriza omubirigwani n'edivayi alik'omurhima gwani gwaka nyerekeze n'obwirhonzi n'okukulikir'esire kuhika mbone echiri chinja chokujira bene Adamu okwigulu omu siku za kalamo kabo. ⁴ Nakol'orhwasi rhukulu,na chiyumbakir'amaju,n'achihingir'emizabibu. ⁵ Nachijirir'amasani n'amashwa,na simamo emirhi ya malehe ma ngasi mpiriri; ⁶ Na chijirir'endeko za menji m'okushesher'oku luchiga lumereremo emirhi. ⁷ Nagul'abagaragu n'abagaragu-kazi,na gwarh'abana babo baburhwag'omunju,na gwarh'amaso m'enkavu,n'embuzi kulusha boshi bandagaga omu Yerusalema. ⁸ Nachilundir'efuranga,n'ehoro,n'obuchire bwa bami n'ebishagala bikulu. na chigulir'abimpiza n'abimpizakazi,n'olumogo lw'omwana w'omuntu,aba kazi banene. ⁹ Nahinduka mukulu,mukulu bwenene kulusha boshi bantangaga omu Yerusalema.N'obwirhonzi bwani bwabera haguma nani. ¹⁰ Ntabuganag'amesho mani echi malishondere,nta lumogo na buzize omurhima gwani,bulala omurhima gwani gwalisimire akasi kani,chenachigabi nanafulukene. ¹¹ Buzinda nalola byoshi efune zani za kolaga,n'omuluho na bonaga omu kubijira,nabona oku byoshi bya busha n'okuhig'empusi na nta nyungu omuntu akanabona omu byanakola okwigulu. ¹² Ahola,nalola obwirhonzi,obuhwinja n'esire.Bulala,owe gombole mwami chichi nja jira ? Ebyajirirwe mira ? ¹³ Nabona ok'obwirhonzi buherh'enyungu kulush'esire bulangashane buherh'enyungu kulush'omwizimya; ¹⁴ Omwirhonzi anagwarha amesho mage okwirhwe lyage,alik'omuhwinja ana lambagir'omu mwizimya.Aliko na namenya kobuzinda bombi nji baba kuguma. ¹⁵ Aho na bwir'omurhima gwani : Nji naba kuguma n'omuhwinja; lero chichi charhumaganaba mwirhonzi kulusha ? Nabwir'omurhima gwani kw'ebyo na byo ntacho bimalire. ¹⁶ Bulala,oku yibukwa kw'omurhonzi kurhali kwa loshi bwenene kulush'okw'omuhwinja,bulala omusiku zigeke zikulikirecho,byoshi banayibirirwa. Bichi kandi ! Omwirhonzi anafa nk'ok'omuhwinja anafa ! ¹⁷ Naba nashomb'akalamo,bulala ebijirw'okugulu birhachinsimisaga,bulala byoshi bya busha n'okuhig'empusi. ¹⁸ Nagaya akasi koshi najirag'okugulu bula nji gwaba mwandu gw'owenj'enyuma zani. ¹⁹ Nd'oyinji akaba njaba mwenge changwa muhwinja ? Aliko njo arhegeka emirimo yani yoshi,amalehe moshi m'obwirhonzi bwani okwigulu.Ebyo na byo ntacho bimalire. ²⁰ Na nager'akashanji k'okuvunik'omurhima enyanya wakasi koshi najirag'okugulu. ²¹ Bulala muntu mulebe akolaga n'obwirhonzi,obumenyi haguma n'obushobozi buzinda,analeker'enyungu ya kasi kage,wundi muntu orhahalizag'abilagako. Ebyo na byo ntacho bimalire,chi malibuko manene. ²² Obo ntyo,chi chi omuntu anayunguka oku mirimo yage yoshi n'oku miganiza y'omurhima gwage,yelerh'emiluho omwigulu. ²³ esiku zage zoshi malibuko manene n'akasi kage kulumba.N'omubudufu,omurhima gwage gurhaluhuka.Ebyo na byo birhaherhe kamaro. ²⁴ Echinja chiguma omuntu akabona,kuli kulya n'okunywa konine n'okusimisa omurhima gwage omu kasi kage ; aliko nabona akwebyo nabyo binarheng'omu maboko ma Nyamuzinda. ²⁵ Nde wakalya n'okugwarha chilebe orhali nyono ? ²⁶ Bula anah'omuntu ashashire oburhonzi,obumenyi,n'olumogo; anah'omunyabyaha,akasi k'okushalula,okulunda lw'ahereza eyi Lulema asimire.ebyo nabyo ntacho bimalire kunali kuhig'empusi.