¹ Erhi ankaba Kandi Nyamuzinda abafufwire haguma naKristu, longerezi ebintu by'enyanya erya Munda Kristu alamire ekuboko kulyo kwa Nyamuzinda. ² Gererezagi enyanya ly'ebintu by'emalunga, ci arhali enyanya ly'ebintu by'omw'igulu. ³ Bulya mwafire, n'akalamo kinyu kafulisirwe haguma na Kristu muli Nyamuzinda. Amango Kristu abonekana, ye kalamo kinyu, go mango ninyu mwabonekana naye omu bukuze ⁵ Enyanya ly'eco mufulike ebintu biri omu kagarhi l'igulu bobuli buhushi, amabi, irala libi, obulonza bubi, na enyifinjo, bo buli burherekere bw'enshusho. ⁶ N'enyanya ly'ebibyoshi oburhe bwa Nyamuzinda bwayisha enyanya lya balya bâna bathakenga. ⁷ Kali mwebi ninyu byo mwakabola genda mwo amango mwali lamire haguma nabo. ⁸ Cikone lero mugwasiragwe muhogole ebi byoshi, kulikuderha, omuhinzi, oburhe, obulonza bubi, ebijaci, n'emyanzi migalu magulu erhenga omu rhunwa rhwinyu. ⁹ Murharhebanaga mwene na mwene, bulya mwahogwire oborhere bwinyu bwamira n'ebijiro byage. ¹⁰ Mwayambirhe oborhere buhyahya, obwajiragwa buhyahya omu bulenga kurhenga olwiganyo lwo owalemaga. ¹¹ Mwobu bwenge , nta muyunani na muyahudi, mukembule erhi orhali mukembule, osomire erhi orhssomiri, omuja erhi orhali mûka, cikone kuleka Kristu biri byoshi omu kagarhi Ka byoshi. ¹² 12 Nka bishogwa ba Nyamuzinda, bashinganyanya na bazigirwa, muyambale oborhere bw'obonjo,, bw'obwinja, bw'obwirhohye, bulembedu n'okulindirira. ¹³ Mulemberane mwene na mwene, mube n'amababale ngasi muntu n'owabo. Erhi omuntu ankaciduduma bwenene enyanya ly'owabo, amubabalire nkakula Nyakasane ababaliraga ninyu. ¹⁴ Enyanya lya byoshi mube n'obuzigire lyo ifundo ly'obwimana. ¹⁵ Omurhula gwa Kristu gube haguma n'emirhima yinyu. Mwahamagirwe mw'ogo murhula mwahamagalwa mubiri mubiri muguma, mukavuga omunkwa. ¹⁶ Emyanzi ya Kristu ebere kwa bunji mulimwe. Omu bwenge boshi muyigirizanye n'oku hanulana mwene na nene omu bukuze n'enyimbo z'omu murhima. Yimbiri Nyamuzinda n'omurhima mwikubagirwa. ¹⁷ Omu ngasi byoshi bwankajira, omunderho n'omubijiro, byoshi bijirikane omw'izino lya Nnawirhu Yezu Kristu. Muvuge Larha Nyamuzinda muliye. ¹⁸ Mwe Bakazi, mukenge babalo, nka kulya rhukenga Nyakasane. ¹⁹ Mwe Balume, musime abakazi binyu, murhabaga bakali emunda bali. ²⁰ Mwe bana, mukenge ababusi binyu muli byoshi, ebi byanasimisa Nyakasane. ²¹ Ninyu ba Larha murhahalalire abana binyu, lyo barharhaga enjingo. ²² Ninyu mwe baja, mukenge banawinyu oku mubiri omu bintu byoshi, arhali oku masu nka bantu balonza okusimisa kone, CI oku murhima n'oku kuli. Mukayoboha Nyamuzinda. ²³ Ngasi hyoshi mwankajira, muhijire kurhenga omu kandalala omu obulonza bwa Nyakasane ci arhali oku bwa bene bantu. ²⁴ Mûmanyire oku mwashihabwa ishungwe lyo burhambuzi kurhenga emwa Nyakasane. Ye Kristu Nyakasane muli mwakolera. ²⁵ Bulya ngasi yeshi ojira ebirhali byokuli ashi hanwa oku bijiro birhali byokuli ajijire, na ntanzigirizi.