¹ Bulya nonzize mumenye bwinja oku ndi nalibuka bwenene enyanya zinyu, emwa balya boshi bali e Laodikiya na kwa balya boshi barhasagi mbona busu oku busu. ² Ndi najira emikolo nti lyo ntuliriza emirhima yabo na boshi haguma bayerekere omu buzigire n'omukagarhi k'obukungu kwo boshi omu kusinga obwenge gushinganine, omukumenya ihwe ly'okuli kwa Nyamuzinda yeri Kristu. ³ Muliye omuhako gw'obwenge n'obumanye bufulisirwe. ⁴ Ndesire ntya mpu ly'omuntu yeshi yeshi arhabalerheraga enshambalo z'oku barheba. ⁵ Naciru ankaba ntali haguma na ninyu oku mubiri, CI rhuli kuguma omu murhima. Nshagalusire okubona obulembedu bwinyu bwinja n'obwemere bwinyu buzibu muli Kristu. ⁶ Nkoku mwanayankirire Nyakasane Kristu, mugendekerere muliye. ⁷ Muzibuhe muliye, muyubakwe muliye, musere omu kagarhi k'obwemere nkoku mwanayigirizibagwa, haguma n'okukavuga omunkwa munji. ⁸ Mumanye hankanajira owamujira baja n'obwenguza bwo bwengehushu bulya buyerekerire emigenzo ya bantu n'ebiremwa by'enigulu ci arhali nka Kristu. ⁹ Bulya muli ye mwo obwimâna boshi bw'obunyamuzinda buba omu mubiri. ¹⁰ Ninyu mwayunjuzibwe muli ye. Ye irhwe lya ngasi Mami na ngasi Mahashe. ¹¹ Muliye mwakembwirwe obukembule burhajiragwa n'enfune za muntu, mwahogola omubiri gwinyu gw'ecaha, obwola bwo bukembule bwa Kristu. ¹² Mwabishirwe haguma naye omu bubatizo. N'omunjira y'obwemere muliye mwafuka oku buhashe bwa Nyamuzinda, ye wamufulaga kurhenga omu lufu. ¹³ Mwe mwali mufire erhi byaha binyu n'okurhakembulwa kw'emibiri yinyu burhimanya, ashubiri baha obuzine haguma naye, arhababaliraga ebyaha birhu byoshi. ¹⁴ Azaza ecerhe c'omwenda rhwalimo n'ebigabi byaco, acirhenza, acibamba oku musalaba. ¹⁵ Nago amami n'amahashe aganyaga, agabonesa nshonyi omu masu n'igulu lyoshi anagwarhwa mpira oku njira y'omusalaba bwage. ¹⁶ Enyanya lyantyo, nta muntu yeshi ocibatwiraga olubanja omu kulya erhi omu kunywa, erhi oku nsiku nkulu z'omwezi muhyahya, erhi lusiku lukulu lwa sabatu. ¹⁷ Ebi biri bizunguzungu cone c'ebyayishi yisha, ci okuli konene guli mubiri gwa Kristu. ¹⁸ Ntaye omurhebaga mpu amunyaga enyanya yinyu omu kucikungira obwirhohye bwage bw'okugashaniza ba malahika. Ebyo byoshi biri bilorho byage by'omubiri. ¹⁹ Abo bantu barhabera oku irhwe lilisa omubiri gwoshi n'okugusimbanya, oku burhabale bw'enungo n'empusi, mpu lyo gushunjuka muli Nyamuzinda. ²⁰ Akaba mwafire haguma na Kristu oku borhere bwen'igulu, ci muciri nka muli mwahangayika n'emigenzo y'igulu? ²¹ "Omanye wankahumako, omanye wankalabulakwo, omanye wanka mamarhakwo! ²² Kali ebyo byoshi byalemeragwa okusherera omu kukolesebwa! Agola marhegeko n'ezola nyigirizo ziri za bantu. ²³ Agola marhegeko gabenago ganabonekane nka ga bantu bashinganyanya balonza obulyo b'okucirhohya n'okubabaza omubiri n'obo ntakamaro kago na ntako kankahashi hima irala by'omubiri.