¹ Ala uwe, nena gasitahiligo sawa na malakizo ga ujeri urigopewa. ² Fundisha atu azima kukala na hasira za chasi, kuheshimika, enye busara, mvemeto kahi za imani, enye uhenzo na kahi ya uvumirivu. ³ Hali iyo mwenga, fundisha animame kukala na menenzi matakatifu, mvasisingizirane mambo na mvasikale atumwa a uchi, bali mvakale alimu a mafundisho madzo, ⁴ na pia umvafundishe asichana hirimu kuahenza alume na ana ao, ⁵ mvakale na chasi kpwa mambo mvagahendago, mvakale asafi, mvatengeze nyumba zao, mvaheshimu alume ao, ili neno ra Mulungu risinenwe vii. ⁶ Hali iyo, mvenjize mioyo vijana a chilume kukala na chasi. ⁷ Kpwa njira zosi, uchidzonyesa kukala mufano mudzo kpwa kuhenda madzo. Kahi ya mafundishogo, onyesa usahihi na ustahimirivu, ⁸ na umvoro wa jeri usioweza kukashifiwa, ili yoyosi andiyekupinga apatwe ni waibu kpwa kukala kandapata chochosi chii cha kunena dzulu yehu. ⁹ Atumwa namvanyenyekee kpwa mabwana zao kpwa chila njira, mvamvafurahishe bali si kulumbana namvo, ¹⁰ mvasimveyere, bali mvakale aminifu, ili kpwa chila njira mvakarehe utukufu kpwa mafundisho ga Mulungu Bwana wehu. ¹¹ Kpwa kukala neema ya Mulungu ifunulwa kpwa wokofu wa mvosi. ¹² Yahufundisha kukahala kuishi chidunia na kutamani mambo ga urimwengu, ili kuishi na kudzikanya, sawasawa, na kuishito kahi ya chizazi chichi, ¹³ hali huchitariza kuluhiro rehu ra baraka, kufunulwa kpwa utakatifu wa Mulungu wehu na mokoli wehu Jesu Masihi. ¹⁴ Jesu wedzomboza kpwa ajili yehu ili ahukombole kula kpwa sheria za chidamu ili ahuhende asafi kpwa ajiliye, atu ma-alumu mvatamanio kuhenda madzo siku zosi. ¹⁵ Nena dzulu ya mambo gaga, mvahimize atu mvagahende, na mvarekebishe kpwa kuhumira mamulaka gosi. Mutu asikudharau.