¹ Mvakumbushe kunyenyekea kpwa atawala na mamulaka, mvakale tayari kpwa kazi zosini mbidzo, ² mvasihukane yoyosi, mvasitamani kupigana, na mvakale arimwengu, konyesa unyenyekevu kpwa chila mutu. ³ Kpwa kukala sisi nasi wakati fulani kahukalire na fikira mbidzo na kukosa heshima. Helongozwa vii na huchikala atumwa a tamaa na sitarehe. Heishi kahi za mai na wivu. Kahuhamire mbere za atu na huchitsukirirwana. ⁴ Ala huruma ya Mulungu wehu mokoli wehu na henzore kpwa adamu irihohufikira, ⁵ Kaikalire kpwa kazi za utakatifu hurizo zihenda, bali kpwa mbazize achihokola, kuchirira kpwa kojeswa kpwa kuvyalwa lusha na uviviro wa Roho Mutakatifu, ⁶ ambaye Mulungu wehumwagira kpwa unji kuchirira kpwa Mokoli wehu Jesu Masihi, ⁷ ili kpwa kutalwa hachi kpwa neema, huweze nasi kukala arithi kuchirira kuluhiro ra uzima wa milele. ⁸ Umvoro uu ni wa kpwaminika, namala musisitize dzulu ya riri, ili mvaratu mvamwaminio Mulungu mvakale makini kuhenda madzo. Mambo gaga ni madzo na ga maana kpwa chila mutu. ⁹ Ala dzitengeni na midahalo ya chijinga na mafundisho mai na kushindana kpwa kukosana dzulu ya sheria. Mambo gago kagana faida yoyosi na kagana maana. ¹⁰ Kahalani yoyosi arehaye migaviko kahi yenu, baada ya kumukanya mara mwenga ama mbiri, ¹¹ muchimanya kukala mutu dza iye yugaluka kula kpwa njira za sawa na wahenda dambi na kudzihukumu iye mwenye. ¹² Nindiho muhuma Atema ama Tikiko kpwako, nzo upesi udze honane Nikopoli, kpwa kukala nidzamua kukala kuko musimu wosi wa mvula na peho. ¹³ Henda vyosi undivyoweza umvahume Zena ariye ni wakili na Apolo, na uhakikishe kpwamba kamvakosa chitu kahi za charo chao. ¹⁴ Atu ehu ni lazima mvadzifundishe kuhenda kazi mbidzo ambazo zindamvapa mapato kpwa ajili ya mahitaji gao ga chimusingi, ili mvasikale bila mapato. ¹⁵ Mvosi nirimvo namvo kuku mvakulamusa. Lamusa mvosi mvahuhenzao kahi za imani. Neema naikale namwi mosi.