¹ Kunenezana na migogoro kahi zenu yalaahi? Je, kailaa kula kpwa tamaa zenu mbii zirehazo kondo ndani ya ashirika enu? ² Mwatamani musichokala nacho. Mwolaga kisha muchimbirire musichokala nacho. Mwapigana na kuheha. Kamupata kpwa kukala kamuvoya. ³ Mwavoya ala kamuhochera kpwa kukala mwavoya kpwa njira mbii, ili muhumire kpwa tamaa zenu mbii. ⁴ Mwi azinzi! Kamudzamanya kukala usena na urimwengu ni uhadui na Mulungu? Kpwa yoyosi atamaniye kukala musena wa urimwengu wadzihenda mwenye kukala hadui wa Mulungu. ⁵ Ama mwafikiria maandiko ganena maneno gano bule, "Roho ariyemuhenda aishi ndani yehu ana wivu muno"? ⁶ Ala Mulungu wahupa neema zaidi, ndiho neno ramba, "Mulungu nikumupinga mwenye chiburi, ala akamupa neema munyenyekevu." ⁷ Vivyo bai, nyenyekeani kpwa Mulungu. Mupingeni shetani, naye andamvachimbira. ⁸ Musengerereni Mulungu, naye andamvasengerera. Safishani mikono yenu, mwimwi enye dambi, kisha mutakase mioyo yenu, mwimwi enye nia mbiri. ⁹ Huzunikani, ombolezani, na kurira! Galuzani chitseko chenu chikale cha huzuni na furaha yenu ikale maombolezo. ¹⁰ Dzinyenyekezeni mbere za Bwana, naye andamvenula. ¹¹ Musambane kpwa mai, ndugu. Anenaye chinyume na nduguye, ama kumuhukumu nduguye, wanena chinyume na sheria na kuihukumu iyo sheria. Muchi-ihukumu sheria, kamuhenda chochosi kulingana na sheria, bali mwakala mahakimu. ¹² Ni mumwenga hacheye alavyaye sheria na kuhukumu. Ndiye hacheye awezaye kokola na kpwangamiza. Uani sasa we, uhukumuye jiraniwo? ¹³ Sikizani sasa, mwino mwambao, "Rero au machero hundenenda mudzi uu, hukakale mwaka kuko, huhende biashara, hutengeze faida." ¹⁴ Nani amanyaye chindichohendeka machero na maishago ni higo? Kpwa kukala muhere kunje rombolaro kpwa muda mufuhi kisha rikangamika. ¹⁵ Badalaye, mundeamba, "Bwana achihenza, hundakala azima na huhende rino ama rira." ¹⁶ Ala sasa mwadzilika kpwa mipango yenu ya ukaidi. Madzivuno gosi gago ni mai. ¹⁷ Kpwa vivyo, kpwa iye amanyaye kuhenda madzo ala kagahenda, wahenda dambi.