¹ Sasa Roho wanena lwazu kukala nyakati zidzazo atu anjine mvandaricha imani na kukala makini kusikiza roho zinjine na mafundisho ga chipepo gandigofundishwa. ² Kahi za ulongo na unafiki nia zao zindagaluzwa. ³ Mvandamvazulia kufunga ndoa na kurya vyakurya virivyo Mulungu weviumba vihumirwe kpwa mumvera kahi zao mva-aminio na enye kuimanya jeri. ⁴ Kpwa kukala chila chitu chiricho Mulungu wechumba ni chidzo. Kakuna chiricho hwahochera kpwa mumvera chasitahili kukahalwa. ⁵ Kpwa kukala chatakaswa kuchirira neno ra Mulungu na mavoyo. ⁶ Uchika mambo gaga mbere zao ndugu, undakala mutumishi mudzo wa Jesu Masihi. Kpwa kukala udzisitawishwa kpwa maneno ga imani na kpwa mafundisho madzo ambago udzigatua. ⁷ Ala zikahale ngano za chidunia zirizo zahenzwa ni ana ache atumia. Badalaye, dzifundishe mwenye utakatifu. ⁸ Kpwa kukala mazoezi ga mwiri gafaha chidogo, ala utakatifu wafaha sana kpwa mambo gosi. Nikutunza ahadi kpwa maisha ga sasa na gadzago. ⁹ Umvoro uu ni wa kpwaminiwa na wafaa kuhocherwa kamare. ¹⁰ Kpwa kukala ni kpwa chisingbwa chichi hatabika na kuhenda kazi kpwa bidii muno. Kpwa kukala hunawo ujasiri kahi za Mulungu ariyehai ariye ni mokoli wa atu mvosi, ala hasa kpwa mva-aminio. ¹¹ Mvalakize na ugafundishe mambo gaga. ¹² Mutu yoyosi asiudharau ujanawo. Badalaye ukale mufano mudzo kpwa osi mva-aminio kahi za kugomba, mwenendo, uhenzo, waminifu na usafi. ¹³ Mpaka nindihokudza dumu kahi za kusoma, kahi za kuonya, na kahi za kufundisha. ¹⁴ Usi-ipuze karama iriyo ndaniyo, iriyo weipewa kuchirira unabii kpwa kpwikirwa mikono ni atumia. ¹⁵ Kajali mambo gaga. Ishi kahi za gago ili kukulako kukale lwazu kpwa atu mvosi. ¹⁶ Zingatia sana mwenendowo na mafundisho. Dumu kahi za mambo gaga. Kpwa kuhenda vivyo, undadzokola mwenye na aratu mvakusikirao pia.