¹ Kata kario, eng'we abahasi muburire abasacha beng'we,mbwe nibaruo abarasubira imbosi, bahweswe humera yabahasi babwe kata nende ibulao imbosi, bosi nende imbosi niibulao ohirwa nende ohuloma loma hwa abahasi. ² Nibalingali imera yeng'we indayi, nende eyiukisia. ³ Hweng'we, hwaraba ohwefwala hwerwanyi, ngori ohusuka lifwiri, nende ohweraho ohwefwala ebindu bie idhahabu, nende hwefwala emiefwala. ⁴ Abula bube obunabundu bwo mumwoyo oburalo lehana, nende muhwepambaohura biya, yaani omwoyo omurekefu handi omunyifu, okuli nende obukusi buhongo imberi wa Nyasaye. ⁵ Ohubera endio nie ngori bepamba abehasi abatakatifu abahale, abasubirira Nyasaye nibaburira mubasacha babwe. ⁶ Ngori Sara naburira mu Abrahamu, namulanga omwami: Nang'u muli abahana baye, nimuhola amalayi, kata simunarisibwaho nende oburi bwosi bwosi. ⁷ Eng'we mwosi abasacha mumenyanabo nende amakesi, nende ohuba omuhasi esiribwa, ngori esiombo eibula amani , handi ngori abakerami alala nende inema eyo obulamu, mbwe amalamu keng'we karanyola ohwikalirwa. ⁸ Imbosi ya mwiso, niyio ino, mube nende lichomo lilala, nimuli nende esisa abene hubene, nimuherana nga abasiani , abohweralihira, abademberefu. ⁹ Abararunga amabi hu mabi, ao ohulauma huhulauma: Abula mube ababarikia; Nimumanya mbwe ako niko akamwalangirwa, mbwe munyole chihabi. ¹⁰ Ohubera onahera obulamu, nende hulola inyanga indai, aduduyie olulimi lwaye lwara lomaloma amabi, nende omuuwa, kwaye kwaralomaloma akarakwanirwa. ¹¹ Na alahane nende amabi: Ahole amalayi: Alomalome omurembe, handi akulonde muno. ¹² Ohubera chimoni chia Nyasaye chiringala abo bwadieri, ne amarwi kaye kaburira amalamo kabwe: Abula obweni bwo omwami nihubalia abahola amabi. ¹³ Ne ni wina onabanyaala eng'we, nimuba abafwasi aba ulia ori omulayi?. ¹⁴ Abula mbwe nimusandisibwa hu obwadieri, muli beihabi muraria ohurisia hwabwe, kata murabeya beya. ¹⁵ Abula mbwe mwosie omwami Nyasaye mumioyo kieng'we: Handi mube tayari buri nyanga ohuberesia elijibu elikalusio hubuli mundu obareba amahuwa kelisibira eliri mukari weng'we arali mbwehubwendemberefu nende huhuria. ¹⁶ Nang'we mube nende amaparo amalayi,mbu mubuli imbosi yabababeyera, eyababaloma lomaho amabi, hweng'we ngori abaholi ba amabi, bambisibwe chimoni huluo abaloma lomaho amalayi keng'we mu Kristo. ¹⁷ Ohubera nebilai, obuheri bwa Nyasaye nibuba bjrio, mbwe eng'we munyole ohusanda hulwe ebihole ebilayi ohira ebihole ebibi. ¹⁸ Ohubera Kristo yosi yasandisibwa mara halala hulwa amabi hubobwadieri nende hubarali nende obwadieri, mbwe arulere efwe hu Nyasaye, niyerwa muhubiri kwaye, abula omwoyo kwaye nakingulwa. ¹⁹ Owa huniye yabachira emioyo kiali nikihale musiboye nabayarira. ²⁰ Abali nende esireka muchinyanga chia hale, ohwesimirisia hwa Nyasaye ao hwali nihusilindire muchinyanga chia Nowa, Isafina niisihwanisibwa, abali mbwe abadidi, abo, abandu munane baonisibwa humachi. ²¹ Omufwano okwa amahuwa ako ni obubatisi, obubaonia eng'we mwosi muchinyanga chino( oburali ohugeng'a ale obumayanu obwo mubiri, abula amakalusio akamaparo malayi imberi wa Nyasaye huluo ohubuha hwa Yeso Kristo. ²² Owanina mwikulu, handi ali omuhono musacha kwa. Nyasaye; Malaika nende obunyala nende amani nibimalire ohugeng' wa asi waye.