¹ Basi ohubera Kristo yasandisibwa ohubera efwe humubiri kwaye, mwosi mwefwale esilaha murio, ohubera oyo owasandisibwa mumubiri yalehana nende chimbi . ² Mbwe ohuchaka sai murachirira ohumenya mumubiri nende obwekombi obwa abandu, abula hwenya a Nyasaye. ³ Ohubera esiha sio obulamu bwefwe obwabira siyesire ohuhola amenya aka besialo, ohuchiririra mubufisadi, nende obwekombi, nende obumesi nende ebisahiro ebiohuria, nende ebikoyero nende ohwinamira ebifwanani ebira kwanirwa. ⁴ Amahuwa akabalola mbwe nakaukisia aka eng'we mwaranyala ohuchiririra alala nabo mumera yo bufisali bulia bulia oburali nende ohwedudunyia, nibabanyeka loma amabi hweng'we. ⁵ Nabo banainia isabu huulia oli tayari ohubahalakira esiboya abali abalamu nende abafwa. ⁶ Ohubera ohulondohana nende ako Injili yayalwa yosi hubalia abafwa, mbwe banyoleohuhalakirwa ohulondana nende abandu abali mumubiri, abula bamenye ohulondohana nende Nyasaye mumwoyo. ⁷ Abula mbwe olumalirihi olwe ebindu biosi luli ambi: Mani mube nende amakesi, nimuba meso ni mulama. ⁸ Handi akulu we bindu biosi mube nende ohuherana abene hubene: Ohubera obuheri bunafuniha obungi bwe chimbi. Mukaribisanie eng'we hwe eng'we nimuralamika. ⁹ Muberesie abakristo bakeni, abecha amuri ebiohuria nende abundu wohweyalisia handi muhole murio auma huririkana. ¹⁰ Buli omundu ngori yanyola esianwa, musiehonyere nimuhalabanira buli mula hu wasie, ngori abemeresi balayi abali nende lwema eyikabuliane eyo Nyasaye. ¹¹ Omundu naloma loma,na abole ngori imbosi ya Nyasaye; Ne omundu narumiha, ne ahole nende amani aka anyalirwe nende Nyasaye: Mbwe Nyasaye mubindu biosi anyole hukingulwa ohubirira Yeso Kristo, huniye afumisibwe handi atawale emika kiosi nende chinyanga chiosi. Amin. ¹² Abaherwa, mwaralola ohuba nebiukisia hu omusiba arali akari weng'we, akabanyolire mbwe kabateme, ngori esindu esikeni esibanyolire eng'we. ¹³ Abula mbwe musangale, ngori munyola amtemo ka Kristo; mbwe esiha esio luyari lwaye sichia ohufunulwa, munyole husangala nende ohuba chingalakasia. ¹⁴ Nimulaumibwa hulira ria Kristo nie ebilayi hweng'we; ohubera omoyo mulafu. okwo luyari nende Nyasaye kubuluha akulu weng'we: Olwande lwabwe bamulomalomaho amabi, abula olwande lweng'we abebwa oluyari. ¹⁵ Abula mulala hweng'we arasandisibwa ngori omwiri, ao ngori omwibi,ao ngori amuholi wa amabi, ao ngori omundu ohusika nende amahuwa kabandu. ¹⁶ Nikali mbwe omundu, asandisi bwa ngori omu Kristo aralola chisoni; obula afumie Nyasaye mulira lino. ¹⁷ Ohubera sina swulire esio ohuhalakirwa ohuchakira munyumba ya Nyasaye; Handi niirangira ohuchaka, hwefwe, olumalirihi lwa. balia abarasubira mu injili ya Nyasaye luchia ofwana lurie?. ¹⁸ Ne owadieri naonisibwa husida, ulia oraria Nyasaye nende owe chimbi omwononi analolohana ena? ¹⁹ Mani abo abanyasibwa hubuheri bwa Nyasaye beinie nibalindire emioyo kiabwe huniye nibahola amalayi, ngori omulongi mwaminifu .