¹ Huako, mulehanene nende obubeyi. Muraba abohwekadia, imbaliha, amamonyo. /v 2 Kori nga abana badoro bekombanga amabere kang'inabwe, mwekombe hweka bindu biadieri hurula hu Nyasaye bia nimumala hweka mube bandu bahongo muhukanyana naye. Paka muhole murio hula siha sia Nyasaye yabahole balehule hurula humabi kosi musialo sino. ³ Handi paka muhole bino hubera mumalire omanya mbwe Nyasaye aholanga nesisa hweng'we. ⁴ Icha humwami Yesu. Ari nga rikina riohongo mumuse kweinyumba, lakini nomulamu, sari ngerikina eriuma bulamu. Abandu bangi bamuhaya, lakini Nyasaye yamuyiera handi amubukulanga kori sindu siobukusi bwakulu. ⁵ Kori ngabandu bembahanga chinyumba. Nyasaye abambania alala ngeinyumba yomwoyo kwaye kwamenyamo. Aholanga bino hueng'we, ngabayali abaholanga misango hu altari husangasia Nyasaye hubera Yesu Kristo yafwa hulweng'we. ⁶ Bie ibibilia ibola biekesia mbwe ino nadieri: "Ndara mundu mu Yerusalem ori ngerikina riobukusi bwakulu, erikina rilayi ohira kosi munyumba, nebosi abasubira muniye sibahalole murwe mufwimbu." ⁷ Huako, eng'we abasubira mu Yesu Nyasaye yababe luyari. Ne abahaya osubira, bafwana nende abembahi bamaandiko kalomalomangaho: "Erikina riabembahi bahaya rieholire rikina rieinguso yeinyumba." ⁸ Handi biandikwa mbwe: Yahabe ngerikina erikera bandu hwegumula handi ngolwanda lwabandu bakieraho." Kori ngabandu baumianga nibegumula, abandu barakanya imbosi ya Nyasaye baumianga. Sino niesia Nyasaye yasinga ari biahabeholeho. ⁹ Engwe nibandu ba Nyasaye yayiera babe baye. Muribandu bayara indulo bamulame kori nga abayali bamulamanga. Neng'we bandu ba Nyasaye, humurumbule ebindu biamakana bia amalire oholera bandu baye bosi. Yabalanga hurula mubulamu bwamwari mumenyiremo handi abarusisie musirima, mumenye mubulafu obwaha huburisindu siahuhola. ¹⁰ Ebia maandiko kabola hweng'we nebiadieri: "Hare simwari bandu ata bididi, ne bulano muri bandu ba Nyasaye. Siha sindi Nyasaye siyabaholera sisa ne bulano abaholere nesisa. ¹¹ Hubera muri bandu bandahera, mbasaba mupare bino: Muri ngabakeni beridala rieng'u riene riri muikulu. Haro simuhoire muhole a bindu bibi biamwali mwanala ohola hubera nimubihola simwammenye bilayi nende Nyasaye. ¹² Muchiririre omenya mungira indayi mubandu baramanyire Nyasaye. Nimuhola murio banalola mbwe muhola bindu bilayi, handi biha bia Nyasaye yecha ohengera burimundu musango, banamuba siriibwa. ¹³ Hubera mwenya oberesia omwami Yesu siriibwa murie bosi abari muburuki. Narimo omwami hubera ari namani mangi muno. ¹⁴ Abagavana bosi babemo hubera Nyasaye abaruma hukuma abahola mabi handi opaka abahola ebiri abwene. ¹⁵ Nyasaye yenya ari ohole malayi. Nimuhola murio, munakera bandu basiru abaramanya Nyasaye bahirwe obola bari muholire bibi. ¹⁶ Mube nga ababolole huhuria muhulundu yosiosi, nemurapara mbwe munyala ohola mabi huluako. Mube kori basumba ba Nyasaye bahoire babe. ¹⁷ Mube noburie hubandu bosi. Hera basio bosi abasubira. Ria Nyasaye handi orie omwami. ¹⁸ Eng'we basumba basubira, murie bahulundu beng'we handi mubabe siriibwa. Muraria ababaholera bilayi bong'one lakini murie nende ababalabira. ¹⁹ Muhole murio hubera Nyasaye asangala nende baria abamanyire biadaha handi abo hulwakano abakanya buchuni hubera muhulundu wabwe abaholere ebirari abwene. ²⁰ Nyssaye sanasangala nawe nohola sindu sirari abwene norulao ohuywa. Ne nohola bilayi nihandi oumia, pumice hulwohuhola akari malayi. Nosimirisia ako, Nyasaye anahupaka. ²¹ Kristo ngayaumia hulwao, yakaluhana omufwano kwohoire olonde mumakulu kaye handi omenye kori ngayamenya. ²² Para kori nga Yesu yamenya: "Siya yahola mabi, handi siyabolaho bubeyi." ²³ Abandu nibamunyeka, yosi siyabanyeka. Abandu nibamusandia siyabarunga. Yarehera Nyasaye, ohenganga musango nende adieri, biekesia mbu yauma rikosa. ²⁴ Mwene yasanda hulwamabi kefwe mumubiri kwaye yafwa humusalaba huefwe hurehe ohola mabi handi huchake omenya bilayi. Nyasaye ahuonisie hubera bamuba amakonjo. ²⁵ Adieri mwari ngamakondi kakorire ne bulano mumalire ofunya hu Yesu, obadeba kori nga omwayi adebanga makondi kaye.