¹ Ne niko akachira,olwa khwamala khukhaywe okhwifwira khandi; khwalola mbu, nubulayi okhutong'a fwenyene Atsene. ² Nikhuruma Timotseo omwana weefwe khandi omukholi oukhola nende Nyasaye halala mukoburume obulai bwaKristo, mbu, amuralisie namutinyisia mubusuubili bweenywe: ³ mbu, omundu Yesu aleshe okhusikukha khulwa obusandibwi obuliho; abeene mumanyile mbu, khwareebwaho khulwabwo. ⁴ Okhuba Toto mwene, olwa khwali nikhuliho nineenywe, khwamuboolera khale mbu, khwitsa okhusandibwa; ne kamala Kabe kario; shinga olwa mumanyile. ⁵ Khandi niko akachila Isie olwa ndakhaywa okhwifwira khandi; ndarumana okhumanya abobusuubiri bweenywe, mbu haundi omurecheshi yakhaba namutemire, okhunyakhana khweefwe nikhuba okhwabutswa. ⁶ Ne bulaano buno, Timotseo yakhoola narula khwinywe, nukhurerira amakhuwa amalayi akobusuubili bweenywe nobuheeri bweenywe, nakhuboolera shinga olwa mukhwitsuliranga obulayi tsinyanga tsiosi, amahoofu nikamulia khweefwe, shinga olwa kakhuliitsanga ifwe. ⁷ Ne niko akachilile, bana beefwe, nikhulemire omwoyo khulweenywe mumatinyu keefwe kosi nobusandibwi, khulwa obusuubili bweenywe. ⁸ Okhuba bulaano khuli mwoyo, inywe nimuba nimusimbiira muMwami. ⁹ Shichila Ne orio ye imbia shi eya khwakhanyala okhukalusiria Nyasaye weefwe? ¹⁰ Eshilo Ne shiteere khusaayanga muno, mbu khumulole mumoni, nikhuusia ako akaleemire mubusuubili bweenywe. ¹¹ Kho bulaano Nyasaye weefwe ouli Seefwe omwene, halala no Omwami Yesu, akhwikulire injilra okhurula ewa muli. ¹² Khandi Omwami amunyalire okhumeetekha nimushilaana obuheeli, abeene khubeene, nende khubandu bosi, shinga ifwe olwa khwali khwinywe. ¹³ Mbu, aralisie emioyo chienywe, chibule eshikha mubuthienukhu imbeli wa Nyasaye weefwe,niye Seefwe, khukhwitsakhwe khwo Omwami weefwe Yesu halala nabathienukhube bosi.