¹ Shichila inywe abeene, bana befwe, mumanyile mbu okhwinjila khweefwe ewenywe shikhwalolekha mbu, nokhwabutswa tawe. ² Ne nekhumalire okhusaalira olwamberi nikhukholerwa amatinyu aketsisoni eFilipi shinga olwa mumanyile, khwamuboolera aka oburume bwaNyasaye chiminayi ne itswoni muNyasaye weefwe, mumayinje amanji. ³ Shichila obuchesiyii bweefwe shiburula mubukorwi, kata mushifwabwi, kata shibulimwo obukaatii ta. ⁴ Ne shinga olwa khwafuchililwa nende Nyasaye okhwechekhwa oburume obulai, nilwo olwa khuboola; shinga abachamisia abandu ta, habula Nyasaye outeemanga emioyo chieefwe. ⁵ Okhuba shikhwanyoolekha olundi lwosi nikhwikhonyera amakhuwa akobulombelesii shinga olwa mumanyile, kata a keshibera, shielikhalikhali ta; Nyasaye nomuloli. ⁶ Kata shikhwakhaaba oluyali okhurula khubandu, kata khwinywe, kata khubandi ta; nebutswa khwakhanyalile okhumufinya nikhuli khurio abarume baKristo. ⁷ Ne khwali hakari bweenywe nikhuli abaholo shinga nyinabaana olwa atembelesia abaanabe omwene. ⁸ Nineefwe fwesi khurio, olwa khwamenya nobuheeli obunji, shikhwachama okhumukabira oburume obulai bwa Nyasaye bwonyene ta, habula nende emioyo chieefwe chiene, shichira mwali nimwikholile abolukosii muno khwifwe. ⁹ Mwitsulile bana befwe, eminyakhano chieefwe nende amatinyu; khwakholanga eshilo nende eshiteere mbu, khuleshe okhumusitohela, nikhumwilwatsira Oburume obulaiya bwaNyasaye. ¹⁰ Inywe muli abaloli, kata Nyasaye Yesi, shinga olwa khweeyira mubutsienukhu nobulunjishi, aharali eshikha ta, khwinywe abali abobusuubili. ¹¹ Khandi mumanyire shinga olwa khwamukholera buli mulala khwinywe, shinga Sabwe olwa akholera abaana be; khwamwitsusia nikhutinyisia nende okhumulachilisia. ¹² Mbu, muchende habwene shinga olwa kakhoyeelre abandu baNyasaye, oumulanganga okhwinjira mubwamibwe nomuluyalilwe. ¹³ Khandi Niko akachiranga nikhurakoneranga ta, okhumuupira Nyasaye orio khulwa likhuwa lino, mbu, olwa mwanyoola likhuwa lia Nyasaye, shimwalifuchilila shinga likhuwa elirula mubandu ta, habula shinga olwa liri Toto mbu, likhuwa lia Nyasaye oukholeranga mwinywe abali bobusuubili. ¹⁴ shichila, bana beefwe, mweekhola abalondi beikhola yetsikanisa tsia Nyasaye etsili mubuYahudi muKristo Yesu; Okhuba inywe mwanyasibwa nabaluyia lweenywe,amakhuwa malala nakeenako aka balia banyasiribwa nabaYahudi ¹⁵ Abeera Omwami Yesu nende abalakusi bosi, nibakhulonda ifwe, shibamuchamisia Nyasaye ta: khandi bafukulanga abandu bosi. ¹⁶ Okhuba bakhukaaninjia mbu, khurasunjira abamahanga, mbu bahonibwe ta, boosinjia eshichelo shibwoononi bwabwe tsinyanga tsiosi, ne mubumalrishi oburuma bulibanyola. ¹⁷ Ne bana befwe, ifwe olwa khwali shinga abamufira eshise, okhubaho khwonyene, Ne, mumwoyo ta, khwarakhwo omwoyo muno muno okhumulola mumoni, khulwa amahoofu amanji. ¹⁸ Shichila khwali nikhwenya okhumwitsira; Isie Paulo khulwanje ndeenya akhandi nakhandi; na setani yakhuyinjira. ¹⁹ Okhuba obunayi bweefwe buli heena; kata obusangali, kata olusimbi lwokhwiyitsiala? shimuli inywe abeene, imbeli woMwami weefwe Yesu, khukhwitsakhwe? ²⁰ shichila ninywe oluyali lweefwe khandi obusangali bweefwe.