¹ Akotong'ere, omuheerwa khukhusaba nende okhutinyia mumwami Yesu shinga olwamwanyoola okhurula khuifwe olwa mukhoyeere okhuchenda khandi nimuchamisia Nyasaye kho mukholenge murio buli khase. ² Shichira mumanyire mbu namalachirisio kaleena akakhwamwechesia mumwami Yesu. ³ Kho kano niko amenya akaNyasaye kata obutakatifu bwenyu mbu muleshe obwilasi. ⁴ Kho buli shiamulala wenyu amanye shinga olwayetsa okhura omubiri kukwe mubutsienukhu, ⁵ Malaba mubwikombi obubii ta shingana abamahanga abalamumanyire Nyasaye ta. ⁶ Kho omundu alamukos omusiani wabo mwikhuwa liosi liosi tawe, Shichira Omwami niye oumanyanga obwoni khu bundi shingana olwakhwabolera imberi nende okhubeetsomia. ⁷ Shichira Nyasaye shiyakhulanga khu eshifwabi ta halali obutsinukhu, ⁸ Kho ouloba nano shialobanga omundu ta halali alobanga Nyasaye owakhuheresia Roho omutakatifu. ⁹ Ne akarondokhana nende obuheri shikenyekha mbu ebahandichire ta Shichira enywe beene mwechesibwa muMwami okhuhera abashienyu. ¹⁰ Khulwa eshio mukhole nano khubaheerwa boosi abali eMakadoni halali ¹¹ khubasa enywe abaheerwa mbu mumeteshe muno. ¹² Kho muchende mubwatieri khubalia abali elwanyi kho mulalemerwa nende eshindu shiosishiosi ta. ¹³ Halali abaheerwa, shindenya mubule okhumanya ako akabalia bakonanga tawe kho mulaberera shinga abaandu ababula elinaya tawe. ¹⁴ Shichira nikhusubira mbu Yesu yafwa khandi nasimulukukha kario khandi yabo abakonanga muYesu, Nyasaye yetsa okhubacheresia muyee. ¹⁵ Kano khuboola mwikhuwa mbu efwe abali abalamu abetsa okhuton'ga kata mukhwitsa khwomwami shikhwitsa okhwikalira balia abamala okhukona tsindoolo tawe. ¹⁶ Shichira Omwami mwene alekha okhurula mwikulu nende omwoyo nende obuyoka bwa malaika omukhongo nende iparapanda ya Nyasaye nano abafwa muKristo nibasimulukusibwe mberio. ¹⁷ Nefu abali abalamu abatonyere khwitsa okhubukulwa Halali nende Omwami mumuyeka, khandi khwitsa okhuba nende Omwami inziayo. ¹⁸ khulwaishio heresanie omwoyo mulala khuundi mumakhuwa kano.