¹ Nebutswa abaheerwa, mwikhuwa elia ebise nende tsindaalo sheshiriho eshifune mbu ebahandichire tawe. ² Shichira enywe beene mumanyire mbu inyanga yoMwami yiitsa shinga olwa omwifi yetsa mushiro. ³ Olwababoola omulembe nende obulindi nilwo obusashisi bulabeetsera shinga olwa obutsune bumutsira ouli nende omusiko he obwatoto shibetsa okhuhonokokha tawe. ⁴ Halali enywe abaheerwa, shimuli khandi mushirima ta, kho inyanga iyo ibabire shinga omwifi. ⁵ Mwesi muli abaana bomubulafu khandi bomushitere shikhuli bomushiro ta nomba mushirima ta. ⁶ khulwa eshiokhulakona ta, shinga abaandu Halali efwe khubee meeso nende eshichero. ⁷ Balia abakona bakona eshiro, nano abameera bameera eshiro. ⁸ Ne lekha efwe abali abeshitere khube neshichero nikhwifwala khushirifu obusubiri nende ikofia yelinaya liobuhonia bwefu. ⁹ Shichira Nyasaye shiyakhwaula khwiruma ta, halali khunyoole obuhonia khu Omwami Yesu kristo. ¹⁰ Owakhufira ifwe, mbu kata nikhuba nikhubukha nomba nikhukona khumenye Halali ninaye. ¹¹ kario muhotseresanie emioyo nimumbakha mulala khuundi shingatsa olwamukholanga. ¹² Ne khubasaaya mbu abaheerwa, mumanyirisie balia abakhalabananga akarii wenyu, Ne nibasinjirira muMwami nende okhubakondoshera. ¹³ Man's muheresie oluyali lwikulu, mubaheresia khulwa emilimo chiabo, nimuba mumulembe enywe khubeene. ¹⁴ Abaheerw, khubasaba mbu, bakondoshere balia abalamu nende obulosia, nimubatinyia emioyo balia abali abateshere nimwifira abaandu boosi. ¹⁵ Nimuhenjeresia mbu omundu alakalusia obubii khubuundi ta, Halali mulonde liria eliri elilayi, halala muinywe nende abaandu boosi. ¹⁶ Mutsatsale etsinyanga tsiosi. ¹⁷ Musaaye halali okhulekha. ¹⁸ Mumakhuwa koosi mube bokhupa orio, Shichira nilio elienya liaNyasaye muKristo Yesu khuinywe. ¹⁹ Mulamuhuleresia roho ta. ²⁰ Mulaleka obunabii tawe. ²¹ Muhenjeresie amakhuwa koosi nimutiririra liria eliri elilayi. ²² Nimwihanya okhurulana nende shiosi eshia imero yobubii. ²³ Ne Nyasaye mwene owomulembe abatsienule muno, nebasayira mbu roho tsienyu nende emibiri chilindwe okhurulana nende okhwola okhwitsa khwoMwami Yesu kristo. ²⁴ Omusubirwa niulia owabalanga khandi niye oulutusia. ²⁵ Abaheerwa, khusaayire. ²⁶ Bashesie abaheerwa boosi nende omulembe omutsienekhu. ²⁷ Ebalachirisia muMwami mbu ibarwa yiino isomwe mubaheerwa boosi abatakatifu. ²⁸ Obukosia bwo Omwami wefu Yesu kristo bubee ninenyu. Amina.