¹ Bulano khulwelienelo olwa khwali nikhulanyala okhwisimirisia ta, khwalola nobulayi khutonye Atsene efwe fwinyene. ² He nikhuruma Timotseo omusiani wefu khandi omukhalabani waNyasaye nende muinjili ya Yesu kristo khulwa okhubaheresia amaasinji nende okhubaheresia omwoyo okhurondokhana nende obusubiri bwenyu. ³ Ne omundu yesiyesi alarenjesibwa nende eminyakhano chino tawe Shichira Enywe Beene mumanyire mbu khulwa kano khwaulwa. ⁴ Obwatoto, olwa khwali nineenyu khwababoolera mbu okhulakhunyakhane, shinga olwakekholekha ninenyu mumanyire. ⁵ khulwa eshio olwandali nindanyala okhwifira ta ndarumana okhumanyirisia obusubiri bwenyu kho mbu owokhubatema alabatema tawe kho emilimo chiefu chilabula inganga ta. ⁶ Olwa Timotseo yakhwitsira okhurula khuinywe nakhurerera amakhuwa amalayi okhurulana nende obuheri nende obusubiri bwenyu khandi mukhwitsuliranga tsinyanga tsiosi nimwikomba okhulola shingana fwesi khwikomba okhubalola. ⁷ Khulwa eshio, abaheerwa khwahotseresibwa nende amakhuwa kenyu mubutinyu nende mushibera shienyu nende mubusubiri bwenyu. ⁸ Khulwa khumenya nimuba nimusinjira tiiri muMwami. ⁹ Shichira no orio shinga eyakheheresia Omwami khulwa Enywe khulwo obuyanzi bwokhuyaanza khulwa enywe imberi woMwami Nyasaye wefu. ¹⁰ Eshiro nende eshitere nikhusaaya nende eshinani kho khunyale okhubalola mumoni mwenyu, man's khunyale okhukasia kalia akalemanga mubusubiri bwenyu. ¹¹ Ne Nyasaye mwene khandi papa wefu, nende Omwami wefu Yesu kristo yemirire injira yefu khuinywe. ¹² Omwami abakhole okhumetekha mubuheri mulala khuundi, khandi khushiabuli omundu, shinga olwa khubakholera enywe. ¹³ Khomubumalirishi anyale okhusinjisia emioyo chienyu halali okhulaumwa ta, mubutakatifu imberi wa Nyasaye kata papa wefu, mukhwitsa khwo Omwami wefu Yesu kristo nende abatakatifu bebe.