¹ Khulwa enywe beene, abaheerwa, mumanyire mbu okhwitsa khwefu khwinywe shikhwali okhukhaya tawe. ² Halali nikhwokhusandibwa nende okhukholirwa akeshifimbwa murwe,shinga olwa mumanyire, eFilpo, Kara kario khwali nende eshinani shiokhuboola injili ya Nyasaye wefu. ³ Kata okhulachirisia khwefu shikhwalimwo obubehi ta nomba eshifwabi, nomba obubatsa bwosi bwosi tawe. ⁴ Halali shinga olwa Nyasaye yakhusubira nende injili, kata kario khuboola nikhulachamisia tsa abaandu ta, halali Nyasaye ouhenjeresinjia emioyo chiefu. ⁵ Shichira shikhwali nende amakhuwa akokhwichinjimisia shinga olwa mumanyire, nomba obwikombi, Nyasaye nomukobosheri . ⁶ Nomba okhukhaba okhulolekha mubaandu, kata khunywe nomba khubaandi, lukhwali nikhubasitowero shinga abarume baKristo. ⁷ Halali khwali abaholo akarii wenyu shinga olwa omulesi abalera abaana bebe. ⁸ Kario nikhubeekomba nende obuheri obunji, khwalola obulayi okhubaheresia injili ya Nyasaye yoonyene ta halali nende emioyo chiefu, Shichira mwali abaheerwa khuifwe. ⁹ Shichira abaheerwa mwitsulire okhusaanda nende eminyakhano chiefu Shichira eshiro nende eshitere khwakhalabana mbu khulasitohera omundu yesi yesi tawe nikhubakambira injili ya Nyasaye. ¹⁰ Enywe muli abakobosheri nende Nyasaye Khandi shinga olwakhwachenda akarii wenyu mubutsienukhu nende obulunjishi halali okhulaumwa tawe. ¹¹ Khandi shinga olwa mumanyire khwali ninenyu shinga papa nende abaana bebe. ¹² Khomuchende shinga olwamukwanishire imberi was Nyasaye,owabalanga muburuchi bubwe nende oluyali. ¹³ Mbu khulwa eshifune shino ekhupiranga Nyasaye orio halali okhulekha Shichira olwamwanyoola elikhuwa liaNyasaye eliamwaulira okhurula khuifwe, shimwalibukula shinga elia abaandu ta halali shinga elirii eliobwatieri likhuwa eliaNyasaye, elikholanga emilimo muinywe abasubiranga. ¹⁴ Kario enywe abaheerwa mwekholekha abalondi belikhuwa liaNyasaye eliri ebuYahudi muKristo Yesu Shichira mwanyoola eminyakhano echia abaandu belitokho lienyu abeene,shinga olwa bakhola okhurula khuba Yahudi. ¹⁵ Abmwiira Omwami Yesu, nende abalakusi ne nibakhusandia muno, Khandi shibamuchamisia Nyasaye ta khandi Bali abalulu khubaandu boosi. ¹⁶ Yino nibakhwililira mbu khuluboola nende abamahaanga mbu banyoole okhuhonibwa, mbu khobanyoole okhutusia tsimbi tsiabo. Halali eliiruma libeeshera okhurula okhumalirikha. ¹⁷ Halali efwe, abaheerwa olwakhuba nikhulalolekha mumoni tsienyu khubise ebititi, habutsa mumwoyo, khwatsirira okhwikomba mumioyo chyefu mbu khunyala okhwakana moni na moni. ¹⁸ Kata kario okhubetsera, esie Paulo, olwamberi, nende olwakhabiri, halali setani nakhwikalira. ¹⁹ Khulwokhubera mbu linaya liefu, nomba okhutstsaala khwefu ni shina? ereba mbu shimuli Enywe tawe imberi w Mwami wefu Yesu mubise biokhwitsa khukhwe? ²⁰ Shichira neenywe oluyali nende obutsatsafu bwefu.