¹ Ne bulano abaana beefu, ndenya okhumuitsusia khu aka injili eyandamunyalira nenywe nimukafuchirira khandi niko akobusubiri bwenyu bwalalimwo, ² ino niyo lnjili eyoburume eyandamunyalira mwahonibwa khulwa okhuhanda khu injili yene eyo. Habula fwana nimuba nimwasuubira butswa mushikhaya. ³ Esie ndamuheresia akenako aka ndanyoola akali amakhongo okhushira, mbu Kristo yefwira ebionoono biefu shinga kahandikwa mumahandiko. ⁴ Mbu yayabirwa mana nalamusibwa olunyuma lwetsinyanga tsitaru shinga olwa kahandikwa mumahandiko. ⁵ Yaloleshera Petero mana khandi khubarume ekhumi nende mulala boosi. ⁶ Mana nalolekha khandi halala khubalondibe abayomba ebikhumi birano abanji khubo bashiri abalamu ne abandi khubo bafwa. ⁷ Mana naloleshera Yakobo ne olunyumakhwo khubarume biosi. ⁸ Ne olunyuma olwa yabo boosi yaloleshera esie siesi khandi, ouli shinga owebulwa tsinyanga nitsishiri. ⁹ Okhuba esie endi omutiti khubarume boosi kata esie shengwanishire okhulangwa omurume ta, Shichira ndanyasia likanisa lia Nyasaye. ¹⁰ Ne khulwa obukosia bwa Nyasaye endi shinga olwa endi bulano,kata obukoosiabwe obwa ndahesibwa shibwali obwa butswa ta.Kata kario, esie ndanyakhana nekhola emilimo okhushira khwo abarume bandi boosi, ne shendi esie owachikholanga ta habula obukosia bwaNyasaye bwali nibukholanga muisie. ¹¹ Kho nikaba nikarula khuisie noho karula khubo, kano niko aka fwesi khwayalanga khandi kano niko aka musubiranga. ¹² Kho bulano abarume beefu, Kali mbu Kristo yalamusibwa okhurula mukhufwa, kho eshichiranga abanji khuinywe nibaboola mbu abafu shibali, abaandi muinywe baboola mbu obusimulukusi bubulaho? ¹³ Nebutswa nikaba mbu obulamushi bwabafu shibulihho ta, kho Kristo shiaba niyalamusibwa ta. ¹⁴ Ne kristo naba nalalamusibwa okhurula mukhufwa ta, kho obarume bwakhuyalaanga nende obusubiri bwenywe muKristo buba nibubula eshifune. ¹⁵ Okhushira yako nefu khunyoolekhanga nikhuli shinga abarumbulanga akobubeeyi khuNyasaye, Shichira khwali olwa akobuloli bwa Nyasaye ¹⁷ yalamusia Kristo okhurula mubafu, nebutswa nikaba toto abafu shibalilamusibwa ta, 6 kho obusubiri bwenyu nobwa butswa mubionoono bienyu. ¹⁸ Khandi nikaba mbu kamanyia yabo abafwa nibasubira mukristo halala okhutiba. ¹⁹ Ne nikaba mbu obunayi beefu mukristo nobwobulamu buno bwonyene, kho khuba nikhukhoyere okhubererwakhwo okhushira abaandu bandi biosi mushialo. ²⁰ Nebutswa akatoto Kali mbu, Nyasaye yalamusia Kristo okhurula mukhufwa,shinga obusubisie mbu yabo abafwa boosi balilamusibwa. ²¹ Okhuba shingaokhufwa khwetsa okhubirira mumundu, nolwa khandi okhulamusibwa khwabafu khwetsa okhubirira mumundu khurio. ²² Okhuba shinga olwa abaandu boosi bafwa muAdamu nolwa boosi balilamusbwa mukristo. ²³ Nebutswa nolwa buli omundu mulala alalamusibwa mutsisinjitsie, Kristo mberio, mana mukhwitsa khwe abaliba baKristo. ²⁴ Mana obumalirishi buliitsa,olwa aliihana oburuchi bosi bweshiroho, obwami nende obunyali mana naheresie Nyasaye samwana oburuchi. ²⁵ Okhuba kristo okhurula aruche okhuula olwa Nyasaye Alabama nahulire abasuku boosi, mana nabarere hasi wamakulu aka Kristo. ²⁶ Ne omusuku wokhumalirikha okuhulwa nelifwa. ²⁷ Okhuba amahandiko kaboola mbu Nyasaye yara ebindu biosi hasi wamakuluke, “ kho Kali habulafu mbu omundu ouretsanga ebindu mumakuluke shibali mubindu mwene tawe. ²⁸ Nebutswa olwa ebindu biosi bilaba nibirerwa hasi woburuchi bwa Kristo, nolwaye mwene yakhalakhule hasi woburuchi bwaNyasaye, owara ebindu biosi hasi woburuchibwe. ²⁹ Ne obulamushi bwabafu nibulaliho ta balakhola bariena yabo ababatisibwa khulwa abafu, eshialo banayanga okhunyoola ni shiina? ³⁰ Nefwe fwesi khufiitsanga buli Inyanga mbushiina? ³¹ Abaana beefu, buli Inyanga ndiakananga nende olufuu! Ne okhwitsoomia khwendi ninakhwo muiywe Kristo Yesu omwana wefu, khuchiranga nerumbula kano. ³² Nikaba mbu esie ndalwana netsisolo Efeso khulwa ebifune bieshinamundu, kho eshialo ndanyoolamwo nishina? Nebutswa nikali mbu abafu shibalamusibwa ta, kho shinga kaboolanga “leshe khulie nikhunywa okhuba mukamba khulafwa" ³³ Muleshe okhukaatibwa,“ okhuchenda nababi khwononinjia emiima emilayi” ³⁴ Labe tsimoni mana muleshe tsinjira tsienyu etsiobwononi. Emboola kano okhumufimbia omurwe mbu halala khuinywe shibamanyire Nyasaye tawe. ³⁵ Omundu okhureeba mbu “ Abafu nabo balamusibwa barie? Ne nomubiri shina Olwa balalamusibwa ninakwo? ³⁶ Omusiru eywe! olwa orakanga imwo mwiloba shirulangamwo inamu neyilafwa ta. ³⁷ Ne eshia orakanga nimwo ikhaya inyala okhuba eyeingana noho eyeimbia Hindi, shishibetsanga eshirache eshilamba eshilakhula olunyuma tawe. ³⁸ Ne Nyasaye aheresinjia imwo eyo omubiri okwa omwene achama, buli imwo nomubiri kwayo eyene. ³⁹ Okhuba inyama eyemibiri chiosi shichifwanananga ta, yiliho eyabandu, ne inyama yindi eyetsisolo, ne inyama yindi eyamanyonyi ne eyindi eyetsinyieni. ⁴⁰ Khandi chiliho emibiri chindi echiomwikhulu nachio echindi echimushialo. e oluyali olwa emibiri chino mwikulu lwabukhane nende oluyali olwemibiri echieshialo. ⁴¹ Eliuba lili noluyali lwalio, nakwo omwesi noluyali lundi, ne kata khandi tsing'ining'ini noluyali olwabukhane okhuba Khandi mutsing'ining'ini tsiosi, ndala inyala okhwabukhana nebindi muluyali ⁴² Nelwa kaliba kario olwa abafu balilamusibwa olwa omubiri kuyabirwa, ne olwa kulamusibwa kube omulamu. ⁴³ Kuyabirwa mubufwoli ne kulamusibwa muluyali, kuyabirwa mubuteshere ne kulamusibwa mubunyali. ⁴⁴ Kuyabirwa omubiri okwoburulanda, ne kulamusibwa omubiri okweshiroho nikuba nikhuliho omubiri kwoburulanda, kuliho khandi nomubiri okweshiroho. ⁴⁵ Okhuba amahandiko kaboolanga kari,“ Omundu owamberi Adamu yalongwa nali omulamu naye Adamu owobumalirishi niye Roho owananga obulamu " ⁴⁶ Ne shikuli omubiri okweshiroho okhuranjirira okhubaho ta, habula okwoburulanda, manaokweshiroho nikulondakhwo. ⁴⁷ Adamu owamberi niwomulufu olwokhushialo naye Adamu owakhabiri yarula mwikulu. ⁴⁸ Yabo abali abolufu olwokhushialo bali shinga uyo owalangwa khulufu olwokhushialo. ⁴⁹ Ne shinga olwa khwalangwa mwikondo lieshialo, nindio khuliba mwikondo liomwikulu. ⁵⁰ Ne bulano naboola mbu, abaana beefu, inyama nomubiri nende amatsayi sheyinyala okhwamia obwami bwa Nyasaye tawe, kata obubatsa shibunyala okhwamia obulali obubatsa tawe. ⁵¹ Lekha emumanyie akelibiso, shikhwakhakone tsindoolo tawe, nebutswa khulikalulwa. ⁵² Shialwangu butswa, mukhutemibwa khweimoni mukhumalirikha khwolwika, okhuba olwika lwakhakhupwe ne abafu balilamusibwa obulabola tawe, ne fwesi khulikalulwa. ⁵³ Okhuba obuboli buno bukhoyeere okhwifwala oburaboola tawe, ne obufwitsanga buno bukhoyeere obufwitsanga. ⁵⁴ Kho olwa obubolanga buno bulifwala obulabolanga, ne obufwitsanga buno bulifwala obulafwitsanga, abwene yaho likhuwa liakhosibwe eliahandikwa mbu, okhufwa khumalirwe mubuhuli. ⁵⁵ Iwe okhufwa, obufisi bwo buli heena? lwe eshilindwa obuhuli bwo buli heena? ⁵⁶ Obufisi bwokhufwa netsimbi, ne tsingufu tsietsimbi tsili mumalako. ⁵⁷ Ne khupira Nyasaye orio oukhuhesinjia obuhuli okhubirira muYesu Kristo omwami! ⁵⁸ Khulwa yako, baana beefu, be abaralira nimuratechesibwa ta, ne mushiraane mubutiyi khumilimo chia omwami, nimumanya mbu emilimo chienywe shichiri emikhaya mumwami tawe.