¹ Bulaano khulwa abatsienukhu, shinga olwa ndalachirisia tsikanisa tsia Galatia kho mwesi mukhole murio. ² Khu buli inyanga yokhuranga yeliwiki buli mulala areetsenje mwibishirolie, shinga olwa Nyasaye amunyaliire olwa Nyasaye amunyaliire, kachire olwa ndilitsa omusololo shikulabaho ta. ³ Ne olwa ndiliitsa, ulia owamwakhabe nimubusie okhubirira mubuhandiche bwenyu, ndakhamurume okhurera obusanjirani bwefu muYerusalemu. ⁴ Ne Nikakhalolekha mbu siesi enzie, kho bakhatsie ninasi. ⁵ Bulano ndakhetse khunywe olwa emba nembirira eMakedonia, okhuba okhuula emburireyo. ⁶ Ne ndakhamenye ninenyu kata haundi okhumalirayo tsinyanga tsiobushindu mbu mana mutsie ninasi hosi wenzia. ⁷ Shindikomba mbu ebaloole shinga omuburi ta, okhuba esuubira mbu ndilimenyakhwo ninenyu oluhono Nyasaye naba nayanza. ⁸ Nebutswa ndakhekhale Efesa okhula khunyanga ya Pentekote. ⁹ Okhuba omuliango omukhongo nobusuubisie bikuulwe khulwanje, ne abasuku nabanji. ¹⁰ Ne Timotseyo niyakheetsa mumwinjisie, obulabaria ta, shichira akhalabananga shinga olwa ekholanga. ¹¹ Omundu yesi yesi shialamuleka tawe, ne mumuungule khulechendo nomulembe, mbu yetse wendi: shichira emulindanga halala nende abaheerwa. ¹² Khulwa omusiani wefu Apolo, ndekomba po mbu yetse khwinywe halala nende abaherwa; ne shiyali niyenyere okhwitsayo bulaano ta; ne niyeetse olwa nanyoole obwiyangu. ¹³ Be meso, sinjire tiiri mubusuubiri, kholenje shinga abasatsa mana muralire. ¹⁴ Khole amakhuwa kenywe koosi nende obuheeri. ¹⁵ Emusaaya bana befu, (mbu mwamanya abeinzu ya Stefano, shinga ebiamo biamberi bia Akia, ne shinga olwa behaana kupu abeene khuburumishi bwa batakatifi.) ¹⁶ Mbu mwihaane nenyu khukene yako, nende buli mulala oukhonyana ninefu nende obutiyi. ¹⁷ Esangalira okhwitsa kwa Stefano nende Fotunetas nende Akaika okhuba bahesiye kalia kosi akali nikaleemanga ebuleka wefu. ¹⁸ Okhuba batsatsasiye omwoyo kwanje nende echienywe khulwesho mubamanyirisie yabo boosi abafwana bario. ¹⁹ Amakanisa ka Asia kabashiesiye Akwila nende Pirisila boosi khandi muMwami halala nelikanisa eliri munzu yabo. ²⁰ AbaKristo bashiefwe abali hano boosi bamushiesiye. Mushiesanie abeene khubeene namashiesio keshiKristayo. ²¹ Esie Paulo nomukhono kwanje omwene emuhandichira nemushiesia. ²² Omundu yesi oulamuheera Omwami ta, abe neshilamo eshibi. Omwami wefwe yitsa. ²³ Obukosia bwOmwami wefwe Kristo bubetsenje ninenyu. ²⁴ Obuheeri bwanje bubetsenje ninenyu muKristo Yesu. Amina.