¹ Munondenjekhwo shinga olwa nasi emulondangakhwo Kristo. ² Bulano ebetsomia enywe,baana beefu, mbu munzitsuliranga mubuli likhuwa, namulinda ameebalo okhulondokhana shinga olwa ndakahana khuinywe. ³ Nebutswa ndakhekombere mumanye, mbu omurwe kwa buli omusatsa ni Kristo khandi omurwe kwo mukhasi nomusaatsa ne omurwe kwa kristo ni Nyasaye. ⁴ Omusatsa yesi ousaayanga nohomba okhurusia obulakusi nali nomurwe kukwe kufunikhwe afimbinjia omurwekwe. ⁵ Ne omukhasi yesi ousaayanga nohomba okhulakula nalafunishe omurwe kwe, Shichira afwananibwa nende ulia oubekere omurwe kwe. ⁶ Mbu omukhasi naba nalafunikha omurwe kwe ta, nobulayi abeche, nikaba mbu neshifimbwa omurwe omukhasi okhubeka kho kakwanire okhufuni kha omurwe kwe. ⁷ Mbu omusatsa shiakwanire okhufunikha omurwe kwe ta, Shichira ye niye obukondo khandi eshilolero shia Nyasaye , Nebutswa omukhasi niye oluyalilwo omusatsa. ⁸ Okhuba omusatsa shiyarula khumukhasi tawe, Nebutswa omukhasi yarula khumusatsa. ⁹ Mbu kata abali omusatsa oulangwa khulwa omukhasi ta nebutswa, omukhasi khulwa omusatsa. ¹⁰ Khulwa akene kano, omukhasi akwanire okhuba nende obunyali khumurwekwe khulwa abamalaika. ¹¹ Mbu kata kario shiali omusatsa habula omukhasi tawe nohomba kata omukhasi buchira omusatsa tawe mumwami. ¹² Mbu shinga olwa omukhasi ali womusatsa kho nindio khandi omusatsa niwomukhasi ne ebindu biosi nebia Nyasaye. ¹³ Enywe abeene mukhalache, mbu nobulayi omukhasi okhusaaya nalafunishe omurwe. ¹⁴ Kata shilibechesia mbu omusatsa naba nende liiswi liraambi mbu neshifwimbwa omurwe khuye? ¹⁵ Mbu omukhasi naba nende eliiswi liraambi noluyali khuye, okhuba liiswi yaheebwa okhuba eshifunikho. ¹⁶ Mbu omusatsa yesi naba nalolekha mbu niwamainje efwe shikhuli abashiima eshio kata amakanisa khuNyasaye ta. ¹⁷ Ne bulano mlino erumbula khuinywe, mbu shibetsomia tawe mbu olwa mwitsanga halala shikhuli khulwa obulayi tawe,nebutswa khulwa obubii okhushira. ¹⁸ Khulwa eliamberi mukoosi, olwa muba mwitsa halala mukanisa,euliranga mbu muli nende emiabukhani hakari wenyu ne munjira Hindi esuubira. ¹⁹ Ne emiabukho chikhoyere mbu chibehokho kachire abali abakatoto bamanyishe hakari wenyu. ²⁰ Kho olwa muba mwitsa murio halala habundu halala, kano shikali khulwa okhulia khumesa yoMwami ta. ²¹ Mbu nikhuli okhulia buli omundu akhoyere mbu okhulia ewuwe eshiokhulia shishie omwene oundi nali nzala, naye oundi amerire? ²² Kho enywe shimuli nende tsinzu etsiamukhoyere okhuliamwo nende okhunywamwo? nohomba muchayanga lkanisa yaNyasaye nende okhufimbia omurwe abeene yabo ababula mbu nemboole shina khu kano, ebetsomie khukano? shibetsomia tawe. ²³ Mbu ndanyoola okhurula khuNyasaye akene yako aka ndahana khuinywe, mbu omwami Yesu eshiro shilala eshiayakhobwa balia omukate. ²⁴ Ne olwa yali namalire okhupa orio, yakufinaka ne naboola, bukule mulie, mbu kuno nomubiri kwanje okwafunakwa khulwanje kano mukholenje khulwa okhunzitsulira esie. ²⁵ Mbu khushise shiene yishio,yabukula khandi eshikombe olwayali nalire,naboola mbu eshikombe shino shio indakano imbia mumatsai kanje mukholenje murio olwa muba nimunywa khulwa okhunzitsulira. ²⁶ Khandi olwa muba nimulia omukate kuno, ne munywa eshikombe shino mulolesinjie lifwa lioMwami okhuula olwa yetsa. ²⁷ Mbu omundu yesi oulalia omukate kuno nende okhunywa khushikombe shino eshia Omwami munjira eilakhoyere ta alaba nakhalachirwa eshiina shio mubiri nende amatsai komwami. ²⁸ Nebutswa bulimundu yeyenje omwene kho alie khumukate iko, nende okhunywa khushikombe yishio. ²⁹ Mbu omundu oulia khandi okhunywa obulakhoyere ta, alitsanga nende okhunywa obuyaasi bubwe omwene obulamanyirisia omubiri kwoMwami. ³⁰ Khulwa kano abanji nabateshere khandi abalwale hakari wenyu,ne abanji bakona tsindoolo. ³¹ Mbu nikhuba nikhwikhalachira eshiina abeene,shikhukhalachirwa eshiina tawe. ³² Ne olwokhuba nikhulakhalachirwa eshiina, khuchetsiyibwa nende Omwami mbu khuleshe okhuyaasibwa halala nende eshialo. ³³ Kho kario abaana beefu, olwa muba nimuitsa halala okhulia mulindanenje mulala khuundi. ³⁴ Ne omundu yesi naba neinzala alie ingo, mbu muleshe okhwitsa halala mukhuyaasibwa ne akandi ndalakololosia olwa emba ninditsa.