¹ Nikali mbwe Nasaye yabalamusia alala nende Kirisito, koonye ebiindu biaakulu owa Kirisito yekhaale khumukhono musaacha kwa Nasaye. ² Paare khu biindu bia akulu, lekhane nende ebio musialo. ³ khubeera mwafwa nobulamu bweng'we bwakiswa nende Kirisito mu Nasaye. ⁴ kirisito nabonekhana oli obulamu bwefwe, fwesi khwakhalolekhe alala ninaye muluyaali. ⁵ Mufwalule ebimeka bieng'we ebiomusialo , obudaamba, obumali ,obwekoombi, obumaanu , amapaaro kobuubi ,nende okhwekoomba, nibwo obulaami obwe sifwanani. ⁶ Akeene kano niko akakera elirima lia Nasaye liikhe khu baana bobukhayi . ⁷ Mwako mwesi mwakenderamo khale nimusiri nimumenyeremo. ⁸ Bulano mukhoyere mulekhane nende ako koosi , elirima, nende burima , nende obubi nende amanyeko nende amanyeko muminwa kieng'we. ⁹ . Murabachana ,khulwo khuba mwefwalula imera ikhale nende ebikhole biayo. ¹⁰ Nimwefwala imera injiakha , iKholwa obuyaakha mbwe munyoole okhumanya ngolwa bikhoyera khulondana nende owaloonga. ¹¹ . Owomuyaudi araliwo kose Muyunani, wakhebwe nende orakhebwe, mukeni, kose musiru, omurumwa kose orali omurumwa khulwo khuba Kirisito ni koosi mubioosi. ¹² Khukario, khulwo khuba mumalire okhuba abalobole ba Nasaye, abatakatifu khandi abakheerwa , mwefwaale omwoyo kwesisa, obulayi, okhweduduya , obwedemberefu nende obwesimirisi. ¹³ . Mufukirisanie abeene khu beene ,nimukingirana emikuku, nende okhulekherana, omuundu nali nende elikhuwa ,khuwasie, mulekhanire mungeri yo Omwami yarulekhera. ¹⁴ Akulu wakoosi, mwefwale obukheeri obuli esimeka siobwolerefu . ¹⁵ Omuleembe kwo Mwani kube mumioyo kieng'we. Khulwo muleembe kuno mwalangwa mumubiri mulala mu kiristo, khukario mubechenge abaandu bokhwebasia. ¹⁶ . Elikhuwa lia Kirisito libamenyemo mubwichufu, nimwekesania, nende khukerekana mukhwebasia khwoosi nende chinyimbo chiobukoosia nimwimbira Omwami. ¹⁷ . Koosi akamukhola, mumakhuwa kose mubikhole, mukhole muliira lio Mwami Yeso, nimuKhuba orio khu Nasaye khubirira khu niye. ¹⁸ . Abakhasi mweduduye khubasaacha beng'we, khulwo khuba bikhoyera mumwami. ¹⁹ . Eng'we basaacha mukheere abakhasi beng'we oburaba nende obululu khu nibo. ²⁰ . Eng'we abaana mube abarekerefu khu bebusi beng'we mumakhuwa koosi ;khulwo khubeere kasangasia Omwami. ²¹ . Eng'we abasamwana murarangana abaana beng'we, bareecha babamalakho omwoyo. ²² . Abakholi murie abo abali abakhongo beng'we mumubiri mubiindu bioosi, ne biraba mungeri yokhukheresia abaandu, arali nga abo abakendera mumwoyo kwobukololofu nende okhuria Nasaye. ²³ .Khu kala koosi akamukhola, mukakhole khurula mumwoyo kori ngabakholera Omwami, ne khasi nikhubaandu khaba . ²⁴ Mukhumanyirisia mbwe khwakhanyoole omuruungo kwobulaame khulwo khuba khukholeranga Omwami Kirisito . ²⁵ . Arali ula yeesi okhola amabi anarungwa obubi, khulwo khuba Nasaye abula injaulo .