¹ 1 V 1Eng'we abaami, beresie abakholi beng'we ebikhoyera; nimumanya mbwe eng'we mweesi muli nende Omwami mwikulu. ² . Chiririre okhwema mumalaamo, nimuba meeso nende okhwebasia; ³ Nimurulamira fwesi , mbwe Nasaye anyale orwikulira omuliango okwokhulomaloma , khuboole akamebiso ka Kirisito , akakera nimba omuboye: ⁴ Mbwe nyoole okhuyira mubwakhakhu, ngolwa khoyera khubirira khulomaloma . ⁵ . Kende mumakesi imberi wabalia ebali erwaanyi, nimununula ebiikha. ⁶ Amakhuwa keng'we buli lwoosi kabechenge nende obukoosia nende esiuya , munyoole okhumanya ngolwa mukalusia buli muundu. ⁷ . Khulwesio ebiindu bilondana nasie, Tikiko anabekesia, nomusiani wefwe mukheerwa, omukholi mwesikwa khandi omuboye wasiange mumwami . ⁸ Murumire khweng'we khulwe sifune sino , mbwe anyoole okhubamanyia akakhubiriramo, mani anyoole okhubadinyia. emioyo , ⁹ murumire alala nende Onesimo omusiani wefwe omwesikwa oli mulala khweng'we . Banabekeasia bioosi ebiekholekha ano . ¹⁰ Asitariko, omuboye wasiange, abakhesia, nende Mariko, akhasing'ene Baranabas ( owamwanyolakho amakerako: niyeecha ,mumwingisie) , ¹¹ nende Yeso olangwa mbwe Yusito, bano bong'ene nibo abakholi basiange khulwa obwaami bwa Nasaye abali abesikhebo; bakhaba abesikwa mukhundinyia omwoyo. ¹² Epafura, oli mulala khweng'we , omukholi muboye wa Kirisito ,abakheesia, buli lwoosi abakhalabanira lukali mumasaayo, mbwe munyale okhweema mubwolerefu mulienya lia Nasaye lioosi. ¹³ . Murusiria obuloli mbwe ali nesinani sikhoongo khulweng'we , nende abo boosi abali Laudisia nende Hirapolisi. ¹⁴ Luka omusirihi mukheerwa nende Dema babakhesia. ¹⁵ .Khesia bakheerwa abali Laodisia, nende Nifa, nende ikanisa eyili munyuumba mwaye. ¹⁶ Bulano Ibarua ino niyisomwa akari weng'we , lole mbwe khandi isomwa mukanisa lia Laodisia, khandi mwesi musome ibarua khurula Laodisia. ¹⁷ Bolere Achipa muri, "wekenderesie nende oburumikhi bwa wanyoola mumwami, mbwe onyale khubusirisia." ¹⁸ . Kano makhesio ako mukhono kwange - Paulo. Mwichulisie minyororo kiange. Obukoosia bube nang'we , Amina