¹ Au mtamanyile, bhamwitu (mana inkuyanga nabhantu bhebhamanyile isyeria) kwamba isyeria yimtawalaga umntu pe mzima? ² Mana  umama wahasakwa ahanyepwa nisyeria kuliwula kuli tata wakwe pe mzima, lakini nge utata wakwe afwa, alapela ali huru ufuma musyeria iya ndoa. ³ Kwahiyo, uwakati pe utata wakwe ashili akuishi, ngakubha nutata uwunji, amitwa mzinzi.   Lakini ngutata wakwe afwa, ali huru ishisyelia, kwahiyo,  atangabha mzinzi nge ayanzya  ubha nutata uwunji. ⁴ Kwahiyo bhamwitu, namwenye atiye  mhabhombwa mhafwa kusyeria kunzila iya mubhili uwa Kristo.shihabha bhulo ili mubhunganisibhwa nuwunji, kuli wuyo watiye afufulibhwa ufuma kubhafwe ili tumuvyalila u Mungu amatunda. ⁵ Mana  petwali kuhali iya mubhili, itaama izyi zambi atiye zibhuha muviungo vyitu kunzila iya syeria nuvyalila ishifo amatunda. ⁶ Lakini  tuhasapulwa ufuma musyeria. Tuhayifwila ihali yila yatiye yitupinga. Ili sweswe  tutumihe kuhari iya bhupya iya Roho, na te kwekuhali iya kali iya lyandiho. ⁷ Tulande shonu habhili? Isyeria lizambi? Awe.  Nawala, intali imanye izambi, ngate sheria.  wala intali imanye utamani ngate syeria. "Utashitamani" ⁸ Lakini izambi atiye yipata inafasi kuamri yila na yileta mkasi yane shila yayina iya tamani. mana izambi pepatali isyeria yihafwa. ⁹ Nanenye kali pepatali isheria nali nene mupuma,  lakini aliye pe yinza iamri yila, izambi aliye yipata ubhupuma, nane ifwa. ¹⁰ Iamri yila yeyali ilete ubhupuma atiye yisenuha ubha shifo kulinene. ¹¹ Mana izambi atiye yipata inafasi kuamri yila na yindongofya. Upitila iamri yila, yanumoye. ¹² Kwahiyo isyeria ntakatifu, niamari yila ntakatifu, yahaki,  na nzifu. ¹³ Kwahiyo  yila yatiye nzifu yali shifo kuli nene? Shitatashibhivyo.  Lakini izambi, ili lilolehe kwamba lizambi hasa, upitila inzifu aliye yileta ishifo mkasi yane. Ili kwamba upitila iamri yila, izambi yendeleye ubha mbifu. ¹⁴ Kwa mana tumanyile kwamba isyeria ishanzyo shakwe shi Roho, lakini nene mntu uwa shimubhili. Bhahankazya pansi iya bhutumwa ubhwi zambi. ¹⁵ Maana lye nkubhomba, ntalimanyile ichete. Mana lila lye inkakunda ulibhomba, ntalibhomba, na lila lye nkalitubha, lyene nkulibhomba. ¹⁶ Lakini nganalibhomba lila lye ntalikunzile, inkuzumila isyeria kwamba isyeria nzifu. ¹⁷ Lakini sasa te nene nemhola wene inkubhombilyo, ila lizambi lila lye likwihala mkasi yane. ¹⁸ Kwa mana imanyile kwamba mkasi yane, yaani mkasi iya mubhili wane,  mtakwihala ijambo izifu. Ila itamaa iya izifu yili mkasi yane, lakini ntalibhomba. ¹⁹ Kwa mana izifu lila lye nkalikunda inta libhomba, ila ibhifu lila lye nkalitubha lyene nkubhomba. ²⁰ Sasa ngankubhomba lila lye intakunzile, te nene nemuhola inkulibhomba, ila lizambi lila lye likwihala mkasi yane. ²¹ Nemanya, habhili, iliko ikanuni mkasi yane yane  iya kwanza ubhomba lye lili ichete, lakini izambi kwakweli lili mkasi yane. ²² Kwa maana inkuyishela isyeria iya Mungu kubhuntu ubhwa mkasi. ²³ Lakini inkulola ikanuni yeyili sya muviungo  ivya mubhili wane. Yikuma ivita ikanuni impya muyachili zyane. imbiha nene  ubha mateka kukanuni iyi zambi yeyili muviungo ivya mubhili wane. ²⁴ Nene mntu uwa huzuni! Wewenu we alanfyusya numubhili uno uwa kufwa? ²⁵ Lakini inkumtaizya u Mungu kuli Yesu Kristo u Bwana witu! Kwahiyo. Nene nemuhola kuyachili zyane inkuitumikia isyeria iya Mungu. Ila,  kumubhili inkuitumikia ikanuni iyi zambi.