¹ Kwahiyo kutali ihukumu iya yazabu kulibhala bhebhali kuli Kristo Yesu. ² Kwe ikanuni iya Roho uwa bhuzima bhula bhwebhuli mli Kristo Yesu bhuhambomba nene ubha huru tofauti nitalatibu iyi zambi nishifo. ³ Mana shila she shisyelia yihapotwa ubhomba kusababu yuyo nzayifu  kumubhili; Umungu abhomvile. atiye amtuma Umwana wakwe wekanye kumfano wa mubhili uwizambi abhe sadaka iyizambi, na ayihukumu idhambi kumubhili. ⁴ Aliye abhombivyo ili  amaagizo agasyeria gabhombehe mkasi yitu, sweswe bhe tutapita kulondela amambo gamubhili, ila kulondela amambo agashi Roho. ⁵ Bhala bhebhalondela umubhili bhakwelengula amambo agamubhili, lakini bhala bhebhayilondela i Roho bhakwelengula amambo aga Roho ⁶ Mana amalengo aga  mubhili shifo ,ila amalengo aga Roho bhuzima poka niamani ⁷ Isababu iya malengo aga  mubhili bhuadui kuli Mungu, Kusababu yitakweshimagi  isyeria iya Mungu,  wala yitangeshimu. ⁸ Bhala bhebhalondela umubhili bhatangabhomba amazifu kuli Mungu. ⁹ Kwene  mtali kumubhili ila mli ishi Roho, nga nalyoli kwamba  u Roho uwa Mungu akwihala mkasi yinyu. Na umuntu ngatena uroho wa kristo, wuyo tewakwe. ¹⁰ Ngu Kristo alimkasi yinyu, umubhili wuhafwa kumambo agi zambi, ila umwoyo mzima kumambo aga haki. ¹¹ Nge u Rho uwa wula watiye amfufua u Yesu ufuma kubhufwe akwihala mkasi yinyu, wula watiye amfufua u Kristo ufuma kubhufwe  aluyipa imibhili yinyu  iyakufwa ubhupuma  kunzila iya Roho wakwe, wakwihala mkasi yinyu. ¹² Kwahiyo sasa, bhamwitu,  sweswe bhadaibhwa, lakini te  kwekumumbhili kwamba twihale kunzila iya mubhili. ¹³ Mana ngemuyishi ishimubhili, mli papipi  nufwa, lakini ngakweku Roho aga shimubhili gaponga, na mumihala ichete. ¹⁴ Kama vyabhinji bhaongozwa nu Roho uwa Mungu, ibha bhana abha Mungu. ¹⁵ Kwe mtashili mposhele uroho uwa bhutumwa na mpaha mwogope. Ila atiye muposhela umwoyo uwakubha mwemwe bhana, ye kuli yuyo tulila '''Abba,Baba!" ¹⁶ Uroho umuholanye akuyangaga poka nimyo yitu  kwamba sweswe bhana bha Mungu. ¹⁷ Nga sweswe bhana, basi sweswe bhahapyana, abhahapyana abha Mungu. Naswenye bhahapyana poka nu Kristo. ¹⁸ Mana inkugabhazya amateso agamuduno kwamba te shimo ngenalinganisya nubhutukufu bhwe bhulafunulibhwa kuli bhasweswe. ¹⁹ Mana iviumbe vyonsi vilolela  kuhaminkulu  ufunulibhwa ukwa bhana bha  Mungu. ²⁰ Mana ubhuumbaji bhwopenye atiye bhubhikwa  pansi iya bhwononi, wala te kwekuhiali yakwe ila kusababu yakwe wuyo watiye avibhiha.  Kwekwitumaini ²¹ kwamba ubhuumbaji bhwopenye bhulabhikwa huru ukwepa mubhutumwa ubhwa bhwononi, nukwinjila mubhuhulu ubhwa bhutukufu ubhwa bhana bha Mungu. ²² Mana tumanyile kwamba ubhuumbaji nabhwopenye bhulwalaga nuteseha kubhuchungu poka mpahilinye. ²³ Tevyeviyo basi, ila naswenye  bhetuli namalimbuko aga Roho-naswenye tulwala mmwoyo yitu, tulolela tubhombehe sweswe bhana, yaani ubhukombozi ubhwa mibhili yitu. ²⁴ Mana kwekwitumaini  ili tuhafyuha. Lakini ngishintu she shilolelwa shaloleha kutali ulolela habhili,  kusababu kutali wakulolelaga shila she shiloleha? ²⁵ Ila ngetwalolela ishintu sheshitaloleha, tushilolela kuhamu. ²⁶ Kunamna nyiyo,  u Roho naopenye akutwavwa kubhubovu bhwitu.mana tutamanyile ulabha inza vyeshitakibhwa, Lakini u Roho umholanye akutulabhila kulwala kwe kutangalandwa. ²⁷ Naula we akulola imyoyo amanyile iyachili iya Roho, kusababu akulabha ibadala yabho bhebhahamini ulingana navyu Mungu akwanza. ²⁸ Natumanyile kwamba bhonsi bhebhahamkunda u Mungu, wuyo akubhomba shila shintu poka nabho kulukundo,  kuli bhala bhonsi bhebhahitwa kwikusudi lyakwe. ²⁹ Kusababu bhala bhonsi bhabhamanyile ufuma kali, na ahabhachagula ufuma umwanzyo bhaholane numfano uwa Mwana wakwe, ili wuyo abhe mvyalwa uwa kwanza mubhamwabho abhinji. ³⁰ Nabhala bhe ahabhachagula ufuma umwazyo, nahabhita bhopenye.Nabhala bhe ,ahabhita, ibho ahabhabhazizya ihaki. Nabhopenye bhe ahabhabhazizya ihaki, nabhopenye  ahabhatukuzya. ³¹ Tulande shonu habhili uhusu amamboga? Ngumungu abha ulusali lwitu? ³² Wuyo we atashili amleshele u Mwana wakwe wuyo, Ila atiye amtoa kwajli yitu sweswe swensi, angapotwa bhuli utupa amambo gonsi poka nao? ³³ Wenu we alabhasitaga abhachagulibhwa  abha Mungu? Umungu wene ahabhapa haki. ³⁴ Wenu we alabhapa ihukumu iya iyazabu? Ukristo u Yesu wene afyiye kwajili yitu, na zayidi iya igo, na atiye  afufuha. Na akutawala poka nu Mungu amahali apayeshima, nawene akutulabhila sweswe. ³⁵ Wenu we amatutenga nulukundo ulwa  Kristo? Amachulo  ama ishida, ama amateso, ama inzala, ama shaha, ama iyatari, ama ulupanga? ³⁶ Kama vye shihandikwa, "Kufaida yaho tufwa umusanya wonsi. Bhahatubhazya vye  nfwele izya fyulwa." ³⁷ Kumamboga gonsi sweswe bhahasinda kuli wuyo we ahatukunda. ³⁸ Mama  inkashawishiha kwamba wala ufwa, wala ubhupuma, wala abhamalaika, wala imamlaka,wala ivintu vye viliko, wala ivintu vyevikwinza, wala amaha, ³⁹ Wala gegali mumwanya, wala gegali pansi, wala ishiumbe ishinji shonsi shila, shitangabhezya ututenga nulukundo ulwa Mungu, we weu Kristo u Yesu u Bwana witu.