¹ Tulande shonu bhabhili? Twendelee nizambi ili ineema yonjezehe? ² Awe. Sweswe bhe tuhafwa mwizambi, tungendelea habhili bhuli uyishi mulilyo? ³ Shene mtamanyile kwamba bhala bhebhahabatizwa kuli Kristo bhahabatizwa kushifo gakwe? ⁴ Atiyenge tuhazyikwa poka nao upitila ubhubatizyo kushifo. Ishi shabhombesile  ili kwamba kama vye u Kristo atiye ayinulibhwa ufuma mushifo upitila ubhutukufu ubhwa Baba ili kwamba naswenye tupite mumaisya amapya. ⁵ Mana nga tuhabhungana poka nao kumfano uwa shifo shakwe, na habhili tulabhungana kufufuha kwakwe. ⁶ Sweswe tumanyile kwamba, ubhuntu bhwitu ubhwa kali aliye bhuteswa poka nao, ili kwamba umubhili uwi zambi wononehe. Ishi atiye shibhivyo  ili kwamba tutashendelea ubha sweswe bhatumwa abhi zambi. ⁷ Wuyo wafwiye ahabhombwa ubha wahaki ulingana nizambi. ⁸ Lakini ngatuhafwa poka nu Kristo, tukwamini kwamba tulaishi poka nao. ⁹ Tumanyile kwamba u Kristo ahafufuha ufuma kuli bhebhahafwa, nakwamba te mfwe habhili. Ishifo shitamtawala habhili. ¹⁰ Maana kuhabari iya shifo shafwiye  kwizambi, afwiye  lyoka kwajili iya bhonsi. Kwahiyo , amaisya  gakuishi, akuishi kwajili iya Mungu. ¹¹ Kunzila nyiyo, namwenye mtakibhwa uyibhazya kwamba mhafwa  kwizambi, ila mwemwe bhapuma kuli Mungu kuli Kristo u Yesu. ¹² Kusababiyo utashiluhusu izambi yitawale umubhili waho ili kwamba uyeshimu itamaa zyakwe. ¹³ Utashitoa umubhili waho kwizambi vye vyombo vye vitali nihaki, ila jitowe wemhola kuli Mungu, vye  bhapuma ufuma mshifo. Na  zitowini isehemu izya mibhili yinyu vye vyombo ivya haki kuli Mungu. ¹⁴ Mtashiluhusu izambi yitawale. mana mtali pansi iya syeria, ila pansi iya nkumbu. ¹⁵ Shoshonu habhili? Tubhombe izambi kwe tutali pansi iya syeria, ila pansi iya nkumbu? Awe.    ¹⁶   Mtamanyile kwamba kuli wuyo we mjitowa mwebhahola vye bhatumishi wene mwemwe mubha mwemwe bhatumwa bhakwe, wuyo we mtakibhwa umweshimu? Ni kweli nantinye mwemwe bhatumwa kwizambi ye yibabisya ufwa, au abhatumwa abha yeshima ye yisababisya ihaki. ¹⁷ Lakini tumtaizye  u Mungu! Mana  mwali mwemwe bhatumwa abhi zambi, lakini mheshimu ufuma mumyoyo kwifundisyo lila lye muhapebhwa. ¹⁸ Mhabha hulu ufuma kwizambi, na muhabha mwemwe bhatumwa abha haki. ¹⁹ Inkuyanga vye  mntu kusababu iya bhuzaifu ubhwa  mibhili yinyu. Kwamana inza  vye mhatoa iviungo ivya mibhili yinyu ubha mwemwe bhatumwa kubhu chafu namabhifu, kunamna nyiyo, towini iviungo ivya mibhili yinyu ubha bhatumwa  abha haki kubhutakaso ²⁰ Pemwali mwemwe bhatumwa abhizambi, mwali huru  ukutali ni haki. ²¹ Kuwakatuyo, mwali nalitunda bhuli  kumambo ge ilinye mulola insoni kuli gugo? kwe amatokeo agamambogo shifo. ²² Lakini  kwe   ilinye mhabha huru ufuma nizambi na muhabha mwemwe bhatumwa abha Mungu, muli nitunda kwajili iya bhutakaso. Itokeo bhupuma ubhwa manda gonsi. ²³ Mana umusyala uwizambi  kufwa, ila ikarama ya Mungu bhupuma ubhwa manda gonsi kuli Kristo u Bwana witu.