¹ Sasa katika amanda ago,yitokeya kwamba Ukayisari Agusto afumya iyagizo ataha bhulo isendwe isensa iya bhantu bhonsi bhebhakwihala paduniya. ² Ino yali sensa iyakwanza yaliye yibhombwa uwakati Ukrenio enge wugavana uwa siriya. ³ Ivyo shila muntu apita kumjini kwakwe ukwandishizya isensa. ⁴ Nu Yusufu atiye apita kunsi iya nazaleti uko kugalilayana afikiliya Iyudeya kuhaya iya Bethlehemu,wewumanyisie ngati haya Iya Daudi kusababu aliye afuma kuluho ulwa Daudi. ⁵ Aliye apita uko ujandishizya poka nu Mariamu,waliyenge ahafwa kumo natiyenge akulorela umwana. ⁶ Sasa aliye yitokeya kwamba,bhali kula umuda uwavyala umwana wufiha. ⁷ Avyala umwana uwashilumendo,umuvyalwa wakwe uwakwanza,amulibhizizya imyenda mubhili umushinga impepo umwana.pene amubhiha mulwubha ulwalyisizya ivinyama,kusababu atiyenge kutali inafasi kunyumba izyabhajeni. ⁸ Kwi heneo ilyo, bhaliko abhachungaji bhebhahihalaga kumagunda engebhalinda amakundi agafwere zyabho ubhusiku. ⁹ Igafla,Umaraika ubwana abhatokeya nubhutukufu ubhwa bwana bhwebhukwahaa ubhalibhila,nabhabha nubhwoga nkani. ¹⁰ Pene umarayika abhabhula, ''mtashogopa,kusababu kubhaletera ihabali izifu yeyamaleta iraha inkulu kubhantu bhonsi. ¹¹ Ilero umwokozi atavyalwa kwajili yinyu kunsi iyaDaudi!wuyo wene wukristo ubwana! ¹² Ino yene yishara ye mulapebhwa,mulamwaga umwana ahanyepwa imyenda na ange adiliye kulwufwa ulwalyisizya ivinyama," ^{14 13} Igafla kubha ijeshi ikulu ilyakumwanya libhungana numaraika uyo bhamusifu umwene uwakumwanya,bhati,14"ubhutukufu ubhwa mwene uwakumwanya wali pamwanya nkani, ni amani yibhe paduniya kubhantu bhonsi bhe akupendezwa nabho." ¹⁵ Shibha bhulo abhamaraika paliye bhapita ubhala kumwanya,abhachungaji bhayangana abhahora,"Tuchini relo kula kubethlehemu,na emeturole ishintu ishi sheshitokeya,she ubwana atatumanyisya." ¹⁶ Bhajendesya kula, na bhamwaga Umariamu nu Yusufu, bharola umwana adiliye mulwubhwa ulwalyisizya ivimyama. ¹⁷ Napaliye bhalola ivyo,bhabhuzalnya bhantu shila shenge ebhabhabhula kuhusu umwana. ¹⁸ Bhonsi bhaliye bhivwa ihabari iyo bhasangaya nashila she abhachungaji ebhataha. ¹⁹ Lakini umariamu ayendeleya ufikiliya uhusu gosi gativwa,agatuzya mumwoyo wakwe. ²⁰ Abhachungaji bhagaruha engebhamutukuzya numusifu umwene uwakumwanya kujili iyashila shintu she bhivwa nushirola,kama vyaliye bhahataha ukwabho. ²¹ Paliye lifiha ilyanda ilya nane na walimuda uwa uwatahili umwana, bhamwita izina Uyesu,izina lyu umaraika amtemiye kabla iyahati yitabhiye muhati. ²² Izyabho zyezihatakibhwa izyabhutakaso zyezihapita,ulingana nisyeriya iya Musa,Yusufu nu Mariamu bhamutwala kuhekalu kula kuyerusalemu umubhiha pankorelo iya Bwana. ²³ Kama vyeyihandikwa katika kusyeriya iyaBwana,"shila mlumendo wakwigula ihati amitwa webhahamwefezya wakfu kuli Bwana." ²⁴ Bhopenye bhiziye utowa isadaka kulingana nashila sheshiyangwa kusyeriya iyaBwana,''Ijozi iya nkunda au amapa gabhili agankunda.'' ²⁵ Rola,pali umuntu kuyerusalemuwe izina lyakwe aliye bhamwita Wusimeoni.umuntu uyo aliye wahaki na angakwabudu umwene uwakumwanya.wuyo aliye akurolela kwajili iyamfaliji uwa Israeli,nu Roho umtakatifu ali pamwanya yakwe. ²⁶ Aliye shihafunulibhwa kuliwuyo upitila Uroho umtakatifu kwamba wuyo atali afwe kabla iya kumulola Ukristo uwa Bwana. ²⁷ Ilyanda lyoka aliye ayinza mkasi iya hekalu,engeakuongozwa nu Roho umtakatifu.ambapo abhazazi bhaliye bhaleta umwana,Uyesu,umubhombera gala gegahusu ikawaida iya syeriya, ²⁸ Pene Usimeonialiye amuposhela mumahono gakwe,numusifu umwene uwakumwanya nutaha bhulo, ²⁹ ''Sasa ruhusu umtumishi waho apite kuamasni Bwana,ulingana ni neno lyaho. ³⁰ Nubha amiso gane igarola ubhwokovu bhwaho, ³¹ Bhwe ibhuroleha pamiso agabhantu bhonsi. ³² Wuyo mwanga kwajili iya bhufunuo ubhwa matayifa nubhutukufu abhwa bhantu abha Israeli.'' ³³ Ubaba nu mama uwa mwana aliye bhasangaya kuli gala gegahayangwa pamwanya yakwe. ³⁴ Pene Usimeoni abhabaliki na ataha kuli Mariamu umama wakwe,''yivwa ichete!umwana uno amabha sababu iyaponga nukokoha ukwabhantu abhinji kuisraeli na yisharaye abhantu abhinji bhamayihana. ³⁵ Na lupanga lwelwamatota inafusi yaho wewe,ili kwamba amawazoaga myoyo iya bhantu abhinji gamanyihe.'' ³⁶ Unabii umulindu wakwitwa Uyana wopenye ali kuhekalu.wuyo aliye mulindu uwa Fanueli ufuma kukabila ilya Yasheri.Aliye alinimyaha imyinji nkani.wuyo ahihalaga nutata wakwe imyaha saba ibaada iya tolosalnya, ³⁷ Na pene abha mjane kumyaha themanini na yine.wuyo atatala ayepe mhekalu aliye ayendeleye umwabudu umwene uwakumwanya poka nufunga nurafwa,ubhusiku numusanya. ³⁸ Nakumuda uyo,ayiziye pala pebhali ayazya umusyukulu umwene uwa kumwanya.aliye ayanga uhusu umwana kuli shila muntu we akurolela ubhukombozi ubhwa Yerusalemu. ³⁹ Pebhamala shila shintu she aliye bhatangibhwa ubhomba ulingana nisyeria iya Bwana,Bhagaruha Kugalilaya,kumjini kwabho,kunazaleti. ⁴⁰ Umwana akula,na abha namaha,ayonjezeha iheshima, ni neema iya mwene uwa kumwanyayali pamwany yakwe. ⁴¹ Abhazazi bhakwe shila mwaha bhapitaga kuyerusalemu kwajili iya sikukuu iya pasaka. ⁴² Aliye pabha nu umuli uwa myaha kumi na mbili,bhapisiye habhili umuda mwafaka ishidesturi kwajili iya sikuku. ⁴³ Ibaada iya syala amanda gonsi kwajili iya nsikuku;bhaliye bhazya ugaluha kunyumba.lakini umulumendu Uyesu aliye asyala kushisila mla Myerusalemu nabhazazi bhakwe engebhatamanyile ilyo. ⁴⁴ Engebhamanyile kwamba aliko mwikundi lyebhaliye bhalisafili nalyo,ivyo bhaliye bhasafili isafari iya lyanda.pene bhazya umwanza mubaadhi iyabhandugu na bhalafiki bhabho. ⁴⁵ Pebhapotwa umwaga,bhagaruha kuyerusalemu bhazya umwanza umwonye. ⁴⁶ Yitokeya kwamba ibaada iyamanda gatatu,bhamwaga muhekalu,enge atihala pakasi iya bhalimu,enge akubhivwa nubhapa amaswari. ⁴⁷ Bhonsi bhaliye bhamwivwa bhaliye bhasangaya nubhufahamu bhwakwe na majibu gakwe. ⁴⁸ Pebhamurola,bhasangaya.umama wakwe amubhula,''Mwanane,kweshi utubhombera bhulo?yivwa,ubaba waho nane tukwanza kuwasiwasi inkulu.'' ⁴⁹ Abhabhula,''kweshi mnanza?Engemtamanyile kwamba lazima imbe munyumba iya Baba wane? ⁵⁰ Lakini shoshonu shatamanyisya kumanenogo. ⁵¹ Pene apita poka nabho mpaha kunyumba kunazaleti naengehatonta ukwabho.umama wakwe aliye atuzya gosi mmomwoyo wakwe. ⁵² Lakini Uyesu aliye ayendeleya ukula niyeshima nishimo,na azidi ukundwa nu mwene uwakumwanya nabhantu