¹ Bhalahagalala amakutano bhose, bhalamutwala iwapilato. ² Bhalanza kumushitaki, habhagamba, tulamubhonye uwu hatapotosha itaifa dyachu, nukubhazibhila hibhamuhereze kaisari ikodi, hayagamba ukugilango wene yene ni kristo, Umfarume. ³ Pilato, alabhaza, hayagamba, wewe niwe umufalume wabhayahudi? Alajibu alamubwila, wewe haugamba. ⁴ Pilato alabhabwila abhakulu bhabha kuhani na makongano, simbona ineno lili ovu kuwu muntu. ⁵ Nabhalakajije chane, habhagamba, ahayabhahalakisha abhantu, haufundisha kubhuyahudi bwose, ukuva I Galilaya hadi ino. ⁶ Pilato hoyategeje ayo yalabhajije, kabha uwo alumuntu wi Galilaya. ⁷ Na hoyalonse ihabari ya kwamba alihasi yamamulaka ya Herode, yamtwaye iwaherode, ukugilango nawene yalaliho Iyerusalemu imisi yiya. ⁸ Na Herode hoyamubhonye Yesu yalashimye chane, ukugilango yalagovye chane ukumubhona kumda mwishi, kuko yategeje ihabari zage, alataraji ukubhona iishara kiko yakozwe na wene. ⁹ Alamubhaza amagambo yeshi, wene hamjibu idyodyose. ¹⁰ Abhakulu bhamakuhani na bhandishi bhalahagalala bhalamushitaki, kwi nguvu chane. ¹¹ Basi, Herode alamukola duni, hamwe nabhaaskari bhage, alamuzihaki, nukumwambika impuzu zisole, halafu alamugalukana iwapilato. ¹² Basi imisi yiyayiya Herode na pilato bhalapatanye kubhulafiki; kwaho bhali bhabhanye ubhuadui bhene kwa bhene. ¹³ Pilato alabhakutanisha abhakulu bhamakuhani, nabhakuze, na bhantu, ¹⁴ Alabhabwila, umuntu uwu mumuzanye iwanje kwamba hayata abhantu; nami, labha, ndamuwije amagambo yage imbele yanyu, ila himbonye ikosa dyage dyodyose kwaya amagambo yomumushitase. ¹⁵ Nawala herode, ukugilango alamugalukije iwachu; basi nimulabhe, ntaliliho ineno dyodyose dyiko yakoze ligombegwa ugufa. ¹⁶ Kwahiyo ndamugalukila, halafu ndamugalukile. ¹⁷ Maana yalamulazimu ukubhugululila umufungwa wumwe iwakati wisikukulu. ¹⁸ Bhalapiga ikerere bhose hamwe, habhagamba, Nimumuvaneho uwo, utugululile Baraba. ¹⁹ Nawo numuntu yatawe mwigereza kwiajili yifitina yatokeyeje imujini, nubwichanyi. ²⁰ Bhasi pilato yalagavye na bhene isafali yakabhili, kuya kuko yagovye kumutekulula Yesu. ²¹ Lakini bhalapize ikerere, habhagamba, nimumusulubishe, nimumusulubishe. ²² Alabhabwila imala yagatatu, kwisababu yinde? uwo akoze ubhuovu bhunde? himbonye iwage nineno ligomba gufa.Basi ngaluse ndamufungululila. ²³ Lakini bhalavanyeyo isauti zabho kwinguvu chane, bhagomba asulubiwe. Isauti zabho zilashinda. ²⁴ Pilato alahukumu kwamba ishida yabho yikoleke. ²⁵ Alamugululila wuya yatawe mwigereza kwiajiri yifitina nubwichanyi, wuya wobhagonye, alamuvanayo Yesu bhamukolele kobhagomba. ²⁶ Hobhali habhamuvanaho bhalamufashe umuntu wumwe, Simoni Mkirene, yalavuye kwishamba, bhalamulemeka umsalaba, autole inyuma ya Yesu. ²⁷ Umukongano wabhantu wukuze wabhantu bhalamukulikila, nabhagolagele abhali habhikubhita ibhikalaza nukumusikitikia. ²⁸ Yesu alabhageukila, alagamba, mwemwe amakumi bhi Yerusalemu, himundilile jewe, nimwililile inafi yanyu na bhana bhanyu. ²⁹ None labha, imisi yiloza bhalogamba, Nibola bhatasa, ninda zitavyala na mabhere yatanyonyesha. ³⁰ Niho bhalokwanza kuyibwila imigongo, nimugwe, nibhilima, yitufunike. ³¹ Bhalatwagwa na bhabhili wengine, abhahalifu, bhafe, hamwe na wene. ³² Bhalatwagwa na bhabhili abhandi, abhahalifu, bhafe hamwe nawene. ³³ Na hobhasohoye isehemu yitwa Ifuvu dyu mutwe, niho bhamusulubije wene, nabhaya abhahalifu, wumwe mlusate dwikiume, nuwundi ulusate dwukushoto. ³⁴ Yesu alagamba, Baba, ubhasamehe, kuko bhatamenya dyohabhakola. Bhalagabhula ivyambagwa vyage, habhapiga ikula. ^{35 35} Abhantu bhalahagalala habhalabha. Bhaya bhakulu nabho bhali habhakolela imizaha,habhagamba, yokoweje abhandi, niyiyokowe nawene, kabha liwene Kristo wa Mungu, umuteule wage. ³⁶ Bhaya bha asikari nabho bhalamkolela idhihaki, nukumugila nukumuzanila isiki. ³⁷ Ino habhagamba, kabha wewe ulumfalume wa bhayahudi, wiyokowe wewe yene. ³⁸ Nalugulu have hali haliho ianuwani; uwu NIWO UMFALUME WA BHAYAHUDI. ³⁹ Wumwe mwabhaya bhahalifu uwatungiswe yalamutuse, hayagamba, je! wewe suli kristo? niwiyokowe inafisi na twetwe. ⁴⁰ Lakini wuya wakabhili alamjibu, alamkemeya, hayagamba, wewe hutinya na Mungu, nawewe ulikwiyo hukumu iyo. ⁴¹ Nayo nihaki iwachu, kwakuwa twakila, amalipo yatusitahili kumatendo yachu; wala hiyakoze idyodyose idyabhaye neza. ⁴² Halafu alagamba, Ee Yesu, unyibhuke mokohawinjila mubhufalume bwawe, ⁴³ Yesu alamubwila, niwamini, handakubwila, umusi uwu ulala najewe mwipepo. ⁴⁴ Aho yali yakwiye amasaa nkisasita, halabha umwilima lugulu mwinsi, hadi amasaa kenda, ⁴⁵ Izubha lilapunguwije inulu yadyene, ipaziya dyihekalu lilapasuka katikati. ⁴⁶ Yesu alalila kwisauti yinini, alagamba, Ee baba, mumabhoko yawe handausiga umutima wanje, ⁴⁷ Hoyahweje ukugamba ayo yalakatuse umutima, wuya Akida hoyabhonye ayatokeyeje yalashimiye Mungu, hayagamba, kubhukweli bwage, umuntu uwu yaze kwihaki. ⁴⁸ Numukonganilo wose wabhantu abhali bhakusanyise ukulabha amagambo ayo, hubhabhonye ayakolese, bhalagenda iwabho, bhalikubhita kubhita kukikalaza. ⁴⁹ Nabhose bhobhali bhamenyana, nabhaya bhagolagole bhandamanye na wene ukuva Igalilaya, bhalahagalala kulele, habhalabha amagambo ayo. ⁵⁰ Na labha, alavamo umuntu wumwe, izina dyage Yusuph, abhaye umuntu wibalaza, umuntu musole, abhanye ihaki. ⁵¹ Wala hiyadyemeye ishariti wala itendo,dyabho), Nawo numuntu wi Arimathaya, umuji wumwe wa bhayahudi, tena hayawulabha ubhufalume bwa Mungu. ⁵² Umuntu uwo yalagiye iwapilato, agomba ahabwe umwili wa Yesu. ⁵³ Alaushosa, alauzingila isanda yi kitani, alausiga mwikabuli lichonzwe kumwamba, hiko atalajwe umuntu bado munzu yage. ⁵⁴ Umusi wuya hali imusi wamandalio, nisabhato lilanza kwinjila. ⁵⁵ Nabhaya abhagolagole bhali hofi na wene bhali bhava Igalilaya bhalakulikiya, bhalalibhona ikabuli, na numubhili wage kowuli. ⁵⁶ Bhalagaluka, bhalakola tayali amanukato na marhamu. Nimisi yisabhato bhalasitaleheje nkuko dyamuliwe.