¹ Kela chane isiku yimbele yijuma, bhalaziye kwinyanzi, bhalazana amavuta yamota yiko bhali bhateguye. Bhahula ibhuye lizungulukijwe kulele ² ni ngazi. ³ Bhalinjila munzu, lakini sibhasanga umubhili wumukulu yesu. ⁴ Halabhonekanye itya, akokanya kobhali bhachanganyikiwe, uguhusu ili, dyukulumba, abhantu bhabhili bhalahagaze hagati yabho bhabhaye inzambagwa, zela chane. ⁵ Abhagolagole bhalinjiliwe ni hofu na bhunamisi impanga zabho hasi, bhalamubwila umugolagole, kuki muhaye mulonda uwukomeye hagati yabhavuje? ⁶ Ntawuliho aha, ila alazuse! Nimwibhuke koya gavye na mwemwe igalilaya. ⁷ Alagamba tya umwana wa Adamu lazima atogwe mumabhoko bhabhantu bhivyaha na akolegwe ibhibhi numusi wagatatu azuke kandi. ⁸ Bhaya abhagolagole bhalibhuka amagambo yage. ⁹ Nabhavayo ukuva kunyanzi na bhala bhabwila ayayose bhaya chumi na wumwe na bhandi bhose. ¹⁰ Niho maliamu magidalena, Joana, Mariamu, nyinawage na Yakobo, na abhagolagole abhandi hamwe bhala tanga itaarifa izi kubhatumwa. ¹¹ Lakini ubhubhutumwa ubhu bhubhonekana nkubhusegu gusa kumitume, na ntibhamenya bhaya bhagolagole. ¹² Nantyo petro yalavyuse, aliluka ukwelekeya kunyanzi, na alasungamila nukulabha hevyo, vabhonye isanda dyeneyene. petrol niho yavuyeho alagenda imuhila iwage. Ahaye alumba nigiki gikolese? ¹³ Na labha, bhabhili mulibhene bhali haye bhagenda uwomusi uwonyene mkijiji kimwe chitwa Emeu, hochali kili, chali kilingana nulugendo dwingana nkitandatu ukuva Iyerusalemu. ¹⁴ Bhalahamulana bhene kulibhene uguhusu amagambo yatokeyeje. ¹⁵ Ilatokeya ukubhonekana akokanya hobhali habhahanulana nukubhazanywa ibhibhazo, Yesu alegela hofi alagenda na bhene. ¹⁶ Lakini amaso yabho yalazibhigwa huko yomumenya wene. ¹⁷ Yesu alabhabwila," Nigiki chuko mwemwe bhabhili muhaye mugiyaga akokanya komhaye mtambula? bhalahagalala haya bhabhoneka nikigogwe. ¹⁸ Wumwe mwalibhene izina dyage Kileopa, alamwishula, " None wewe numuntu wewe nyene aha Iyerusalemu uwutamenya amagambo ayakolese idya mwiyimisi? ¹⁹ Yesubalamubwila, amagambo yande? " Bhalamwishula," Amagambo yahusu Yesu wumunazaleti, Uwali yali umubhonyi, uyobhola hagati yugukola amagambo imbele yimana nabhantu bhose. ²⁰ Nakuko vyabhaye abhakulu bhamakuhani ni bhiongozi bhachu ingene bhamtoye uguhukumigwa ulufu nukumsulubisha. ²¹ Lakini twalatumainije kukowene niwo alobhasiga ubhuhulu abhaisiraeli. ²² Lakini kandi baadhi yabhagolagole ukuva ukuva kwikundi dyage bhalatulumbishije, huko bhabhayeho kunyanzi mugatondo kale. ²³ Hobhabhukenye ubhubhili wabho, bhalagamba kwamba bhalabhonye kandi indoto ya malaika bhagavye huko akomeye. ²⁴ Baadhi yabhagabhogabho abhali bhali hamwe na twebwe bhalaguye kungazi. Huguhula ni nkuko abhagolagole nkuko bhagavye Lakini ntibhamubhonye bhene yene. ²⁵ Yesu alabhabwila," Mwemwe abhantu abhajinga na mumitima yigumye yukwemeza yose yuko abhabhonyi bhagavye. ²⁶ None ntivyabhaye lahisi Yesu uguteseka kwaya magambo aya,nukwinjila mubhutugufu bwage? ²⁷ Kisha ukwanzila ukuva iwa Musa na bhabhonyi bhose, Yesu alabhashobhanulila amagambo yamuhusu wene mwayo mandiko yose. ²⁸ Hobhogeleje kiya kijiji idya hobhali habhagenda, Yesu alakola umengo kuko ahayendelea imbele. ²⁹ Lakini yalamulazimishije, " Niwichale hamwe na twebwe, maana yihayekeya kumhumbo na numunsi ninkuwuheze! " Niho Yesu yinjiye alagenda kwichala na bhene. ³⁰ Halatokeyeje akokanya, yichaye na bhene ukudya, yalatoye umukate, alawuhezagila, nukuwuvuna, alabhaha. ³¹ Niho amaso yabho yugululiwe, bhalamumenya, na alayonga akokanya imbele ya maso yabho. ³² Bhalabilana bhene na bhene, " Hivi imitima yachu ntiya kwase mundayachu, akanya hoyagavye natwe munzila,akanya huko yatugululiye insoma. ³³ Bhala vyuka insa iyoiyo, nukugaluka Iyerusalemu. Bhalabhasanga bhaya chumi na wumwe bhakonganya hamwe, na bhaya bhali hamwe na wene. ³⁴ Bhalagamba umukulu alazuse kwene kwene na alamutokeyeje simoni. ³⁵ Niho bhabhabwiye amagambo yatokeyeje munzila, nanuko Yesu yalatambulishijwe iwabho ahabhega umukate. ³⁶ Ako kanya habhagaya amagambo ayo, Yesu weneyene yalahagaze hagati yabho, na alabhabwila amani ibhe iwanyu. ³⁷ Lakini bha atinye nukuzugwa ni hofi, nabhali bhasalila kuko bhabhonye umutima. ³⁸ Yesu alabhabwila, kuki mhaye mubhabhazwa? kuki ibhibhazo bhihaye vyinuka mumitima yanyu? ³⁹ Nimulabhe amabhoko yanje na mabhoko yanje, kuko nijewenyene, nimunkoleko bhubhone, kwamana umutima ntiwugila avyama na magufa, nkuko hamubhona jewe kondinavyo. ⁴⁰ Hoya hweje kugamba ntya, alabheleka amabhoko yage na mugulu yage. ⁴¹ Hobhali bhakili nishimwe yaliyichanganyikanye nukutimiza, nukulumba, Yesu alabhabwila," None mulinikintu chochose chukudya? ⁴² Bhalamuha ikimatu chinsamaki yokejwe. ⁴³ Yesu alagitola nukukidya imbele yabho. ⁴⁴ Alamubwila, Ayo niyo amagambo yondabhabwiye hiko ndali kumwe na bhene, kuwa nilazima yakwile yose, yondandikiwe kwitolati ya Musa, nakumanabii na zabuli. ⁴⁵ Niho yabhugululiye ubwenke ili bhelewe namandiko, ⁴⁶ Alabhabwila, Niko vyandise, kuwa kristo alokateswa nukufufuka imisi ya gatatu. ⁴⁷ Nukubha eti amakanisa yose yalahubiliwa kwizina dyage ihabali yitoba nukuvakwo nidhambi, ukwanza hadi iyerusalemu. ⁴⁸ Namwe nimwe bhashahidi wamagambo aya. ⁴⁹ Na labha, handabhazanila Ahadi ya Baba wanje lugulu yanyu. Lakini nimtegele aha ijijini hadi homlokwambikwa ingivu ukuva rugulu. ⁵⁰ Alabhongoza hadi Ibethania, alakusa amabhoko yage alabhabwila. ⁵¹ Ilabha akanya kukubhabariki, yalitenze nabhene, alatogwa lugulu mwijulu. ⁵² Bhalamwabudu; halafu bhalagaluka Iyerusalemu bhifulaha yikize. ⁵³ Nabho bhali moja kwa moja munzu yihekalu, wukumusifu Mungu.