¹ Kipenga soti sayemi, kabampeleka Yesu nnongi ya Pilato. ² Kabatumbwa kunshutumu, kababaya, "Twankutike mundu yolo atilipotosha taifa litu, kwa kuabakiya bandu baneke kutoa kodi kwa kaisari, no baya kuwa ywembe mwene nga Kristo, Mpwalume." ³ Pilato kannaluya, no baya, "Je wenga nga mpwalume ba Ayahudi? Na Yesu kanyangwa no baya, "Wenga wabaya nyoo." ⁴ Pilato kammakiya kuhani nkolo na kipenga sa bandu."Nibona kwaa likosa lya mundu yolo." ⁵ Lakini balo batikunsisitiza, kababaya, "Abile akiachochea bandu, atikwapundisha mu'Uyahudi woti, boka Galilaya na saa yeno abile pano." ⁶ Pilato ayowine ago, kayangwa kati mundu ywoo na Galilaya? ⁷ Pabaatangite kuwa abile pae ya utawala wa Herode, atikumpeleka Yesu kwa Herode, ywabile niywembe ywabile Yerusalemu kwa masoba ago. ⁸ Herode paamweni Yesu, atipulaika muno kwamana apalike kumwona kwa masoba ganansima. Ayowine habari za ywembe, na atamaniye kubona yumo ywamuujiza wapangilwe na ywembe. ⁹ Herode kannaluya Yesu kwa maneno ganansima, lakini Yesu kannyangwa kwaa chochote. ¹⁰ Makuhani akolo pamope na baandishi bayemi kwa ukali kabanshitaki. ¹¹ Herode pamope nia askari bake, kabantukana na kun'geya, na kummwika ngobo nzuri, boka po atikunrudisha Yesu kwa Pilato. ¹² Herode na Pilato babile mbwiga boka lisoba lelo, (kabla ya ago babile maadui) ¹³ Pilato kabakema pamope makuhani akolo na atawala na kipenga sa bandu, ¹⁴ Kabaakokeya, "Mwaniletii mundu yoo kati mundu ywaongoza bandu bapange abaya, no linga, baada ya kuba ninnaluye nnonge yinu, nibona kwaa likosa kwa mundu yoo husu makowe gote ambago mwenga mwamshitaki ywembe. ¹⁵ Hapana, Herode kwaa, mana ambuyanganiye kwitu, na linga ntopo chochote chaakipangite chaastahili adhabu ya waa. ¹⁶ Kwa eyo npala kumwadhibu na kunneka. ¹⁷ [Pilato atiwajibika kunneka mfungwa yuno kwa Ayahudi wakati wa sikukuu] ¹⁸ Lakini bote bakombwi lilobe lyampamo, bakibaya, "Mmulage yoo, na kunneka Baraba!" ¹⁹ Baraba abile mundu ywatabilwe mu'ligereza kwa sababu ya ubou pulani nkati ya ijiji na kubulaga. ²⁰ Pilato kaabakiya kae, atamaniye kunneka Yesu. ²¹ Lakini bembe bakombwi lilobe, babaya, "Mmulage, mmulage." ²² Kabanaluya kwa mara ye itatu, "Mwanja namani, mundu yoo, apangite baya lya namani? Mbatike kwaa likosa lyastahili adhabu yo kiwo kwa ywembe. Kwa eyo mana niyomwile kumwadhibu nalowa kunneka." ²³ Lakini kabasisitiza kwa lilobe lya kunani, baloba asulubilwe. Na lilobe lyao lyatikunshawishi Pilato. ²⁴ Nga nyo Pilato atiamua kuwapeya kati kabapala. ²⁵ Kanneka yolo ywampala ywabile atabilwe kwa kupanga ghasia na kubulaga. Lakini atikuntoa Yesu kati kabapala bembe. ²⁶ Pabannyongoli no yendya, bakwembine na mundu yumo ywakemilwe Simoni ba Ukirene, kaboka mu'kilambo, kabampeya msalaba apotwi, kunkengama Yesu. ²⁷ Kipenga kikolo sa bandu, na annwawa babile batihuzunika no kwomboleza kwaajili ya ywembe, babile batikunkengama. ²⁸ Lakini atikubakelebukia, Yesu no kuabakiya, ''Mwannwawa ba Yerusalemu, kana mulele kwaajili yango, ila mulele kwaajili yinu bene na kwaajili ya bana binu. ²⁹ Linga, masoba gaisa ambazo balowa baya, "Watibarikilwa balyo agumba na ndumbo yange beleka, na mabele yangenyonyesha. ³⁰ Nga kabatumbwa kuikokeya itombe, "Mututombokii,' na itombe, ''Itufunike.'' ³¹ Mana kati bapangite makowe aga kwa nkongo mbichi, ipalika kwaa wo'ubile nkavu?" ³² Analome wenge, aharibifu abele, batipelekwa pamope na ywembe ili kababulagilwe. ³³ Pabaikite mahali pakemelwage Livufu lya ntwe, nga kabansulubisha pamope na balo aharibifu, yumo upande wa kummalyo na ywenge upande wenge. ³⁴ Yesu kabaya, "Tate, ubasamei, kwa mana payowa kwaa bapanga namani."Bembe bapiyite kura, kutaikulya nganju yake. ³⁵ Bandu babile bayemi kabalola ni atawala kaban'geya, kababaya, "Uwalopolile benge. Nga ujilopwe wa mwene, kati wenga wa Kristo wa Nnongo, uchaulilwe." ³⁶ Na akari kabandharau, kabankaribia ywembe na kumpea siki, ³⁷ kababaya, "Kati wenga wa Mpwalume ba Ayahudi jilopwe wa mwene." ³⁸ Pabile na alama nnani yake yaiyandikilwe, "AYOO NGA MPWALUME AYAHUDI." ³⁹ Yumo nkati ya baarifu balo basulubilwe atikuntukana kabaya, "Wenga wa Kristo kwaa? Jilopwe wa mwene ni twenga" ⁴⁰ Lakini yolo ywenge kayan'yangwa, atikunkemya no baya, "Je wenga wamwishimu kwaa Nnongo, na ywembe ubile mu'hukumu yeyelo? ⁴¹ Twenga twabile pano kwa haki, kwa mana twenga twapoki chelo twastahili kwaajili ya makowe yitu. Lakini mundu yoo apangite kwaa chochote kibaya." ⁴² Atiyongeyekeya, "Yesu nikumbuke nenga mana uyingii mu'upwalume wako." ⁴³ Yesu kaankokeya, "Amini nendakumakiya, leno walowa tama pamope na nenga mu'Paradiso." ⁴⁴ Muda woo yabile karibu lisaa lya sita, libendo lyaisa nnani ya nchi yote mpaka saa yo tisa, ⁴⁵ Bwee wa liumu wateyima. Boka po pazia lya mu'hekalu latipapwanika nkati boka kunani. ⁴⁶ Kalela kwa lilobe likolo, "Tate umaboko gako nibeka roho yango," baada yabaya nyoo, awile. ⁴⁷ Muda woo akida abweni galo gatendike atikuntukuza Nnongo kabaya, "Hakika ayoo abile mundu mwene haki." ⁴⁸ Wakati woo kipenga sa bandu balo bayei mpamo shuhudia makowe gapangilwe, babuyangine kabakombwa ifua yabe. ⁴⁹ Lakini mbwiga bake, na alwawa balo bankengame boka Galilaya, bayemite kwa mbale kabalola makowe ago. ⁵⁰ Linga pabile ni mundu ywakemelwa Ysufu, ywabile yumo wa baraza, mundu nzuri na mwene haki, ⁵¹ (abile akubaliana kwaa na maamuzi au makowe ago), boka Armathaya, ijiji sa Uyahudi, wabile utisubiri upwalume wa Nnongo. ⁵² Mundu yoo, akwembine na Pilato, kaloba atole bwega wa Yesu. ⁵³ Kantombwa, ni kumwalisha sanda, na kam'beka mu, likaburi lyabile lyatichongwa mu'liwe, lyabile ntopo mundu asikilwe nkati yake. ⁵⁴ Lyabile lisiku lya maandalizi, na sabato yabile karibu. ⁵⁵ Alwawa, baisile nakwe boka Galilaya, batikunkengama, na babweni likaburi na mwanja bwega wake waugonjike. ⁵⁶ Kababuyangana na tumbwa andaa manukato ni marashi. Boka po lisiku lya sabato kabapunzika lingana na saliya.