¹ Mapema muno lisiku lya kwanza laya wiki, baisile mu'likaburi, kabaleta manukato yalowa kumwandaliya. ² Kabalola liwe latigalambulilwa mbali na likaburi. ³ Kabayingii nkati, lakini baukwembite kwaa bwega wa Ngwana Yesu. ⁴ Yapangite kwamba, wakati kabasangala kuhusu chelo, ghafla, bandu abele bayemi nkati yabe bawalike ngobo ga'ng'ara muno. ⁵ Alwawa babile na hofu muno na kabaunika minyo gabe pae, kababakiya balo alwawa, "Mwanja namani mwampala yolo ywabile nkoti nkati ya babile mu'kiwo? ⁶ Abile kwaa pano, ila atiyoka! mkumbukye chelo akibaya na mwenga mu'Galilaya, ⁷ kabaya kwamba Mwana wa Adamu lazima alekwilwe mu'maboko ga bandu babile na sambi na asulubilwe, na siku ye itatu, alowa yoka kae." ⁸ Balo alwawa bakomboki maneno gake, ⁹ na kababuyangana boka mulikaburi na kabakokeya makowe aga goti balo komi na yimo benge bote. ¹⁰ Bai Maria Magdalena, Joana, Maria mao ba Yakobo, na alwawa wenge mpamo batitangaza makowe aga kwa mitume. ¹¹ Lakini abari yee yatibonekine kati mzaha tu kwa mitume, na kababaamini kwaa balo alwawa. ¹² Hata nyoo Petro atiyumuka kuyendya mulikaburi, na chungulya na kulola nkati yake, abweni sanda kichake. Petro kaboka kuyenda munyumba yake, atishangala chelo chabile chakipangike. ¹³ Linga, abele nkati yabe babile kabayenda lisoba lyoo muijiji chimo chakemelwa Emmau, chabile maili sitini boka Yerusalemu. ¹⁴ Kabajadiliana bene kwa bene kuhusu makowe goti gapangite. ¹⁵ Yapetike kwamba, wakati babile bakijadiliana na kunaluyana bene maswali, Yesu kaisa karibu kabakengama nakwe. ¹⁶ Lakini minyo gabe kabanlola kwaa y6ange kuntambwa ywembe. ¹⁷ Yesu kabakokeya, "Namani ambacho mwenga abele mwatilongela kamuyenda?" Bayemi palo kababonekine babile na huzuni. ¹⁸ Yumo kati yabe, lina lyake Cleopa, kayangwa, "Je wenga wa nyai mwene pano Yerusalemu uyowine kwaa makowe gapangike masoba aga?" ¹⁹ Yesu kammakiya, "Makowe gani?" Kabanyangwa, "Makowe husu Yesu ywa Nazareti, ywabile nabii, muweza mu'matendo ni maneno nnongi ya Nnongo na bandu bote. ²⁰ Na kwa namna ambayo akolo ba Makuhani na Iongozi bitu banlekile hukumilwa kiwo na kunsulubisha. ²¹ Lakini twatitamani kwamba ywembe nga atikuibeka huru Israeli. Eloo, mbale na aga goti, muda na lisoba lya tatu boka makowe aga gapangilwe. ²² Lakini pia, baadhi ya alwawa boka mu'likundi litu batitushangaza, baada yo yenda mulikaburi kindai na mapema. ²³ Kabaukosite bwega wake, kababuya, kababaya kwamba babweni malaika babayite yu nkoti. ²⁴ Baadhi ya analome ambao babile mpamo natwenga kabayenda mulikaburi, na kukuta na kati balo alwawa kababaya. Lakini bamweni kwaa ywembe." ^{27 25} Yesu kaabakiya, "Mwenga mwa bandu bajinga na mubile na mioyo mizito ya kuamini yote ambago manabii babayite! ²⁶ Je ipalike kwaa lazima Yesu kuteseka kwa makowe aga, na manabii woti, Yesu atikwatafsiriya makowe gamuhusu ywembe mu'maandiki yote. ²⁸ Batikaribia chelo ijiji, huko kababile kabayenda, Yesu kapanga kati kwamba atiyendelya nnonge. ²⁹ Lakini kabanlazimisha, kababaya, "Tama pamope nitwenga, mana ielekile mukitamunyo na lisoba lya kati lyaishile."Nga nyo Yesu kayingi yenda tama nakwe. ³⁰ Yaipangite kwamba, muda atama nakwe kalya, atitola nkate, atiubariki, na kuutekwana, kawapea. ³¹ Boka po minyo gabe ngabakelebeka, kabantanga, na kaboka gafla nnongi ya minyo gabe. ³² Kabalongela bene kwa bene, mu'atilongela natwenga mundela, muda atiyogolya maandiko?" ³³ Kabanyanyuka saa yeyelo, na kubuyangana Yerusalemu. Kabakwembana balo komi na jimo kabakusanyilwe mpamo, na balo babile mpamo nakwe, ³⁴ kababaya, "Ngwana atiyoka kwelikweli, na kanlokiya Simoni." ³⁵ Nga nyoo kabamakiya makowe gapangilwe mundela, na namna Yesu atikujidhihirisha kwabe ni kuutekwana nkate. ³⁶ Muda kabalongela makowe ago, Yesu mwene ayemi nkati yabe, na kammakiya, "Amani ibile kwinu." ³⁷ Lakini batiyogopa na kuba na hofu ngolo, na kabawaza kwamba baibweni roho. ³⁸ Yesu kabakokeya, kwa mwanja namani mwatifazaika? ³⁹ Mwanja namani maswali gayoka mumyoyo yinu? Mulinge maboko gangu na magolo gango, kwamba nenga namwene. Muniguse na mulole. kwa mana roho yabile kwaa na mifupa wala nyama, kati mwanibweni nenga nibile." ⁴⁰ Ayomwile baya nyoo, atikwabonikiya maboko gake na magolo gabe. ⁴¹ Pababile bado ni puraika yayanganikilwe na yange aminiya, na kushangala, Yesu kabakokiya, "Je mubile na kilebe chochoti chakulya?" ⁴² Kabampei ipande ya nkate na omba asomwile. ⁴³ Yesu katola, na kulya nnongi yabe. ⁴⁴ Atikum'bakiya, "Nabile na mwenga, natikuabakiyanga kuwa goti gaandikilwe mu saliya ya Musa na manabii na Zaburi lazima gapangike. ⁴⁵ Boka po kabayogoli malango gabe, kuwa baweze kugaelewa maandiko. ⁴⁶ Kaabakiya, "Kuwa iandikilwe, Kristo lazima ateseke, na kuyoka kae boka mu'kiwo lisoba lya itatu. ⁴⁷ Na Toba na msamaha wa sambi lazima ihubirilwe kwa lina lyake kwa mataifa gote, boka Yerusalemu. ⁴⁸ Na mwenga mwamashahidi ga makowea ga. ⁴⁹ Mulinge niakuapeya ahadi ga Tate bango nnani yinu. Lakini mwisubiri pano muijiji, mpaka palo mwamuwalikwa ngupu boka kunani. ⁵⁰ Yesu kabakengama panja mpaka pabakaribie Bethania. Atiinua maboko gake kunani, na kuabariki. ⁵¹ Yapangite kuwa, muda waabile atikwabariki, atikuaneka na kutolelwa kuamaunde. ⁵² Bai kabamwabudu, na kubuya Yerusalemu na puraha ngolo. ⁵³ Kabayendelya tama muhekalu, kabambariki Nnongo.