¹ Basi sikuuu ya nkate yangali yiyilwa lola yabile ikaribiye, ambago ikemelwa Pasaka. ² Makuhani akolo na aandishi bati jadiliana namna ya kumulaga Yesu, kwa sababu baayogwipe bandu. ³ Nchela ajingii nkati ya Yuda Iskariote, yumo ba balu benepunzi komi ni abele. ⁴ Yuda ayei jadiliana na akolo ba Mkuhani namna ambavyo abakabizi Yesu kwabe. ⁵ Batipulaika na yikityana kumpea mbanje. ⁶ Ywembe atiyikitya, na apalae nafasi ya kuakamukiya Yesu kwabe kulipau na likundi lya bandu. ⁷ Lichuba lya mikate yangali yiyilwa lula yaikite, ambapo ngondolo wa Pasaka lazima apiyilwe. ⁸ Yesu awatumite Petro na Yohana abayite, "Muyende mukatualie chakulya cha Pasaka linga tuiche tulyee." ⁹ Banokiye "kwako upala tugapangi ago maandalizi?" ¹⁰ Ayangwi, mupikani, pampala jingya mjini mnalome ambaye apotwi kibega sa mase akolyana namwe. Munkingame pene nyumba ambayo ajingya. ¹¹ Boka po mummakiye bwana wa nyumba, "Mwalimu akubakiya, ki kwako chumba cha ageni, mahali ambapo nalya pasaka na benepunzi bango?" ¹² Aalangya chumba cha ghorofa ambacho kibile tayari, mupange maandalizi mwoo. ¹³ Nga nyo bayei, na kolya kila kilebe kati mwabayite, Nga andaa chakulya cha Pasaka. ¹⁴ Muda pauikite atamii ni balo mitume. ¹⁵ Nga aabakiya nina umu ngolo ya lya sikukuu yii ya Pasaka ni mwenga kabla ya teselwa kwango. ¹⁶ Kwa maana nenda kuwabakiya nilya kae mpaka paipatimizwa katika ufalme wa Nnongo." ¹⁷ Boka po Yesu atitola kikombe, napayomwile shukuru, ngabaya mutole chei na mmagane mwenga kwa mwenga. ¹⁸ Kwa maana nenda kuwabakiya ninywaa kwaa kae mzao wa mzabibu, mpaka ufalme wa Nnongo paupalaicha." ¹⁹ Nga atola nkate na payomwile shukuru ngaumetwa nkate na kuapeya ngabaya yinu nga ambayo upiyilwe kwa ajili yinu. Mupange nyaa kwa kunikumbukya nenga. ²⁰ Atweti kikombe nyonyo baada ya chakulya cha kiloo abayite, "kikombe chii nga lilagano lya yambe. Katika damu yango ambayo ipenganike kwaajili yinu. ²¹ Lakini mulinge, Yulo ywanisaliti abile pamope namwe pameza. ²² Kwa maana mwana wa Adamu wa kweli ayenda zake kati mwaamulikwe. Lakini ole kwa mundu yulo ambaye pitya ywembe mwana wa Adamu asalitiwa!" ²³ Batumbwi lokiana bene kwa bene nyai miongoni mwabe ywa panga jambo leno. ²⁴ Kisha wapitike ntau katikati yabe kwamba na nyai ywatu kitya panga jambo lino. ²⁵ Aabakiye, "Afalme ba bandu ba mataifa baina ubwana usu bembe, na balo bene mamlaka usu bembe, bakemelwa aheshimiwa atawala. ²⁶ Lakini ipalikwa kwaa kabisa nyaa kwinu mwenga. Badala yake, lika yulo ambaye nga nkolo kati yinu abe kati nchini. Na yolo ambaye nga wa muhimu muno abe kati ywatumukya. ²⁷ Kwasababu ywaku nkolo, yolo ywatama pameza au yolo ywatumika? Buli yolo kwaa ywatama pameza? Na nenga balo na kati yinu ywa tumika. ²⁸ Lakini mwenga nga ambao muyendelya na nee katika majaribu yango. ²⁹ Nenda kuwapea mwenga ufalme kati nyalo Tati pambeile nenga ufalme, Kwamba mupale lya na nywa pameza yango kwene ufalme wango. ³⁰ Na mwatamaa kwene iti ya enzi kamuhi hukumu kabila komi na ibele ya Israeli. ³¹ Simoni, Simoni, utange kwamba, nchela alobite abatweti na abapepete kati ngano. ³² Lakini natiloba kwaajili yawenga, kuwa imani yako kana ishindilwe. Baada ya ubi ukelebukye kae, waimarishe alongo bako." ³³ Petro kammakiya, "Ngwana, nibile tayari yendya na wenga mu'rigereza na hata nkati ya kiwo," ³⁴ Yesu kanyangwa, "Nakubakiya, Petro, nkoko awikile kwaa lino, kabla ya wenga kunikana mara tatu kati unitangite nenga." ³⁵ Boka po Yesu ngaamakiye, "Niwapelekile mwenga bila mfuko, itondo cha chakulya, au ilatu, je mwapungukilwe na milebe? Kabayangwa "Ntopo" ³⁶ Boka po atikwabakiya, "Lakini, kila ywabile na mfuko, na autole pamope na itondo ya chakulya. Yolo ywabile kwaa na kyembe impalike auze nganju yake na apeme limo. ³⁷ Kwa mana nendakwabakiya, gote gaandikilwe nnani yango lazima gapangilwe,'Na atolelwa kati mundu ywavunja torati.' Kwa mana chelo chatabililwe nnani yangu chalowa timizwa." ³⁸ Boka po kababaya, "Ngwana. lola! Pabile na panga ibele pano."Na atikwabakiwa "Yatosha." ³⁹ Baada ya chakulya sa kitamunyo, Yesu ayei, kati yabile panga kila muda, kayenda kukitombe sa Mizeituni, na anapunzi bake kabakangama. ⁴⁰ Pabaikite, atikwamakiya,'Mulobe kwambe kana muyingii mu'majaribu." ⁴¹ Ayei mbale na anapunzi kati patomboka liwe laulwilwe, kapiga magoti na kuloba, ⁴² kabaya, "Tate, mana upala, ukiboi chelo kikombe. Lakini kati nipala kwaa nenga, lakini mapenzi gako gapangike." ⁴³ Boka po malaika boka kumaunde atikuntokiya, kampeya ngupu. ⁴⁴ Pabile nkati ya minya, kaloba kwa dhati muno, na liyasho lyake libile kati matone akolo ga mwai yatombwike pae. ⁴⁵ Palo akelebuke boka kuloba kwake, atiisa kwa anapunzi bake, na kaakuta bagonzike kwa kuwa babile na huzuni yabe. ⁴⁶ Na kabanaluya, "Mwanja namani mwagonzike? Mukelebuke mulobe, kuba kana muyingii mu'majaribu." ⁴⁷ Wakati babile bado batilongela, llinga, kipenga kikolo sa bandu satibuya, na Yuda, yumo ywa mitume komi na ibele abile nabo kabaongoza. Kabuya karibu na Yesu ili kunnoniya, ⁴⁸ lakini Yesu kammakiya, "Yuda, je watikunsaliti Mwana wa Adamu kwa kunnoniya?" ⁴⁹ Wakati balo babile karibu na Yesu kabalola ago gapangike, kababaya, "Ngwana, je twakombwe kwa kyembe?" ⁵⁰ Boka po yumo kankombwa mmanda ba makuhani akolo, atikunkata likutu lyake la kummalyo. ⁵¹ Yesu kabaya, "yayosha, na kankamwa likutu lyake na kumponiya. ⁵² Yesu kabaya kwa kuhani nkolo, na kwa akolo ba hekalu, na kwa apindo baisile kinchogo yake, "Je mwaisile kati mwaisi kupambana na mwii, na marungu na mapanga? ⁵³ Nabile pamope na mwenga masoba gote mu'hekalu, muwekite kwaa maboko ginu nnani yango. Lakini yeno nga saa yako, na mamlaka ga lubendo." ⁵⁴ Kabantaba, na kunkengama, kabanneta mu'nyumba ya kuhani nkolo. Lakini Petro atikuakengama kwa mbale. ⁵⁵ Baada ya kuba bawashile mwoto mu'wolo uwanda wa ndani na pabaikite batami pae pamope, Petro abile nkati yabe. ⁵⁶ Mmanda yumo nnawa amweni Petro atami mu'bwee ubuyite mu mwoto, kanlola na kummakiya, "Ayoo mundu abile pamope na ywembe." ⁵⁷ Lakini Petro kankana, kabaya, "Wa nnwawa, nenga nintangite kwaa." ⁵⁸ Baada ya muda nchunu, mundu ywenge amweni no baya, "Wenga kae na yumo nkati yabe." Ila Petro kannyangwa, "Wa nnalome, nenga kwaa." ⁵⁹ Bada ya kati lisaa limo, nnalome yumo atikwasisitiza kabaya, "Kweli kabisa ayoo mundu abile pamope na ywembe, maana nga Mgalilaya. ⁶⁰ Lakini Petro kabaya, "Nnalome ndangite kwaa lya ulibaya." na mara wakati atilongela, ngoko ngaabeka. ⁶¹ Kakelebuka, Ngwana kanlola Petro. Na Petro akombokii neno lya Ngwana, palo atikumbakiya, "Kabla jogolo ngaweka leno, walowa kunikana nenga mara itatu." ⁶² Kayenda panja, Petro kalela kwa minya muno. ⁶³ Boka po balo analome babile bakinlinda Yesu, kaban'geya ni kunkombwa. ⁶⁴ Baada ya kumfunika minyo, kabannaluya, kabakoya, "Tabiri! Nyai ywakukombwile? ⁶⁵ Kabalongela makowe yenge ganansima nchogo sa Yesu ni kumkupuru ywembe. ⁶⁶ Paikite kindae, apindo ga bandu bakusanyite pamoper, akolo ba makuhani na baandishi. Batikumpeleka nnonge ya Baraza, ⁶⁷ kababaya, "Kati wenga wa Kristo, tubakiye."Lakini ywembe kaamakiya, "Mana niamakiye, muniamini kwaa, ⁶⁸ na kati natikuanaluya muyangwa kwaa." ⁶⁹ Lakini boka saa yino na yendelya, Mwana wa Adamu abile atami luboko lwa mmalyo wa ngupu ya Nnongo." ⁷⁰ Bote kababaya, "Kwa eyo wenga wa Mwana wa Nnongo?" Na Yesu kaayangwa, "Mwenga mwabaya nga nenga." ⁷¹ Kababaya, "Mwanja namani kae tupala ushahidi? Kwamana twenga twabene tuyowine boka mu'nkano wake mwene."